Esther 7:10 - Sơ̆p Hlabơar Nơ̆r 'Bok Kei-Dei

¹⁰ Thoi noh na đe hrek atol Haman tơ 'long gơ̆ng mă sư đei pơdơ̆ng wă hrek atol Morđêkai. Đơ̆ng noh tơdrong pơtao blĕk ưh pă đei boih.

Esther 7:10 ပူးပေါင်းရင်းမြစ်များ

Bl 40:22

mă-lei kư̆m athei đe chô̆ atol 'bok pơm 'bĕng, trŏ thoi nơ̆r Jôsep đei tơblang.

Esther 2:1

Đơ̆ng rŏng kơ dôm tơdrong noh, pơtao Asêrus huay pă blĕk boih na sư 'blŏk dơ̆ng kơ yă Wathi, tơdrong đêl yă Wathi pơm păng tơdrong sư đei tơjur nơ̆r tơtă wă pơm kơ yă Wathi.

Esther 5:14

Akăn sư Sêrêt păng đĭ-đăng lu buăl sư wang khan kơ sư: Athei bĕ đe pơdơ̆ng gơ̆ng atol bơngai kơjung pơđăm-jĭt hơgăt, na pơgê dơning athei pơtao ăn đe rôp hrek atol Morđêkai tơ noh. Đơ̆ng noh hiôk bĕ năm sŏng sa hơdai hăm pơtao. Tơdrong noh pơm ăn kơ Haman lăp, na sư ăn hloi đe pơdơ̆ng 'long gơ̆ng wă hrek atol đe.

Esther 7:7

Pơtao blĕk iung weh hloi đơ̆ng gơ'bang sŏng sa; đơ̆ng noh năm mơ̆t lăm anih pơgar pơkao 'bơ̆t cham pơtao. Mă-lei Haman apinh hơdrĭ iung đơ̆ng yă pơtao Esther ăn kơ sư gơh oei arih, yua kơ sư 'bôh boih tơdrong pơtao tơchĕng wă pơm kơ sư.

Esther 7:8

Kơplah pơtao hơlơ̆k wih đơ̆ng pơgar pơtao, wơ̆t tơ anih lu sư oei et sa na 'bôh Haman oei drap 'bơ̆t tang-dŏ kơjung yă Esther oei ngôi. Pơtao hil khan, lăm hnam pơtao 'bơ̆t anăp inh sư kư̆m pơ̆n pơm kơnê̆ kơ yă pơtao dơ̆ng hă? Kơplah nơ̆r pơtao pơma 'nao wă tôch, đe thar gom hloi muh măt Haman.

Esther 8:7

Pơtao Asêrus khan kơ yă pơtao Esther păng Morđêkai bơngai Juđa thoi âu: 'Nâu inh jao boih hnam Haman kơ yă pơtao Esther, đe hrek atol boih Haman tơ kơpal gơ̆ng, yua kơ sư wă pơrăm bơngai Juđa.

Esther 9:14

Pơtao ăn kơ đe pơm kiơ̆ thoi noh, chih hla bơar roi tơbăt lăm pơlei Susa, na đe atol akâu mơjĭt 'nu kon drŏ-nglo Haman.

Esther 9:25

Mă-lei kơplah yă Esther năm 'bơ̆t anăp pơtao wă roi tơdrong noh, na pơtao tơjur nơ̆r chih thoi âu: Tơdrong kơnê̆ Haman chă đon wă pơrăm adrĕch Juđa noh thoi tuh plơ̆ tơ kơ̆l sư kơdih, đơ̆ng noh đe hrek atol sư păng lu kon drŏ-nglo sư tơ kơpal 'long gơ̆ng.

Jop 18:8

Sư oei năm sư hrơ̆p tơ lăm hơnhuăl păng puh sơlŭng đe hơ'năk klơ̆p hla.

Jop 20:8

Sư gô păr hiong biŏng thoi apo 'bôh kơmăng, pă đei bu 'bôh sư dơ̆ng,

Horiso 37:15

Đao lu sư gô 'bet jơhngơ̆m lu sư kơdih, Păng hră lu sư gô tơgơ̆.

Horiso 7:16

Tơdrong lu sư pơm gô tuh tơ lu sư kơdih. Tơdrong kơnê̆ lu sư kư̆m tuh tơ kơ̆l lu sư.

Horiso 94:23

Kră Yang gô pơm tơwih yua kơ tơdrong yoch lu sư. Kră Yang gô pơlôch lu sư yua kơ tơdrong lu sư pơm kơnê̆; Kră Yang 'Bok Kei-Dei gô pơlôch pơrăm lu sư.

Tơdrông Pơđơk 11:27

Bơngai bu chă tơdrong 'lơ̆ng gô đei tơdrong hiôk, Mă-lei bơngai bu wă chă tơdrong kơnê̆ gô đei tơdrong kơnê̆ truh.

Tơdrông Pơđơk 11:8

Bơngai tơpăt gô đei dŏng pơklaih đơ̆ng tơdrong pơmat-tat; Mă-lei gô đei tơdrong pơmat-tat truh tơ lu bơngai pơm kơnê̆.

Tơdrông Pơđơk 26:27

Bu sir sơlŭng sư gô huŏng tơ lăm noh, Bu tơgrŏl tơmo, tơmo gô grŏl kơtĭt plơ̆ sư.

Je 34:17

Thoi noh, Kră Yang khan: “Lu iĕm ưh kơ wă mơ̆ng nơ̆r Inh, lu iĕm ưh kơ roi ăn kơ rim 'nu athei ăn kơ lu 'nhŏng oh, lu rông 'bôt iĕm gơh rơngei. Kră Yang khan: 'Nâu Inh ăn kơ iĕm rơngei, năm tơ đao gưm, jĭ hơbuh pơngot rơwĕt, Inh gô pơm ăn kơ iĕm jing bơngai đe lăng 'mê̆ krưp lăm jơ̆p kơ dêh char lăm teh âu.

Êsêkiên 5:13

Inh gô tuh tơdrong Inh hil păng Inh gô hil mĭl truh kơ lu sư, na tơdrong blĕk Inh hrăp; păng kơplah Inh pơm keh tơdrong hil kơ lu sư, lu sư gô băt Inh boih Kră Yang, hlôi khan kơ lu sư Inh gar. Lăm tơdrong inh hil mĭl kơ lu sư.

Da 6:24

Kiơ̆ thoi pơtao đei athei, dôm lu bơngai đêl kêng Đaniel noh hăm lu kon akăn sư, athei đe klơ̆m lê̆ tơ lăm sơlŭng dăm-brang noh. Lu sư tam mă truh tơ kơđĕl sơlŭng ră mă-lei kơplah noh lu dăm-brang plŏng rôp hek hok kơting đĭ hloi.

Da 6:25

Đơ̆ng noh, pơtao Đarius chih tơbăt ăn kơ đĭ-đăng kon pơlei pơla, tơ jơ̆p dêh char, tơ rim adrĕch, rim nơ̆r pơma kơpal teh thoi âu: Hơpơi kơ lu iĕm đei tơdrong pŭn hiôk rai dêh.

Sa 6:8

Đơ̆ng noh sư krao inh: “'Nâu, lu aseh năm tơ gah yă-nơ̆m, ăn kơ Yang Bơhngol Inh oei pơdơh tơ gah yă-nơ̆m noh.”

Lu 15:7

Samsơn khan kơ lu sư: Đơ̆ng lu iĕm pơm thoi noh na inh kư̆m wă iung kơting pơm 'mong đơ̆ng kơ iĕm, mă keh 'mơ̆i na inh mă lê̆.