Esther 6:4 - Sơ̆p Hlabơar Nơ̆r 'Bok Kei-Dei

⁴ Pơtao jet dơ̆ng. Bĕ bu tơ cham to? Kơplah noh Haman mơ̆t tơ cham 'nguaih kơ hnam pơtao wă apinh pơtao hrek atol Morđêkai tơ 'long gơ̆ng mă sư đei pơdơ̆ng boih wă hrek atol Morđêkai.

Esther 6:4 ပူးပေါင်းရင်းမြစ်များ

Esther 4:11

Đĭ-đăng mă lu kuan linh krĕo jang kơ pơtao, dah kon pơlei pơla lăm char pơtao đĭ-đăng băt ngăl mă drŏ-nglo dah drŏ-kăn ưh kơ gơh kơ mơ̆t tơ lăm anih pơtao tơdah pơtao ưh kơ krao, tơdah bu mơ̆t ưh kơ kiơ̆ tơdrong juăt đe gô pơlôch; mă-lei tơdah pơtao yơ̆r 'long jra maih lei bơngai noh arih. Đei pêng-jĭt năr boih pơtao ưh kơ đei krao inh mơ̆t.

Esther 5:1

Lăm năr mă pêng Esther hrŭk ao yă pơtao sư klaih kơ noh sư năm dơ̆ng 'bơ̆t anăp 'măng tơklă anih tang-dŏ pơtao hơ-oei, pơtao sư hơ-oei tang-dŏ tơklă 'măng mơ̆t anih pơtao sư.

Esther 5:14

Akăn sư Sêrêt păng đĭ-đăng lu buăl sư wang khan kơ sư: Athei bĕ đe pơdơ̆ng gơ̆ng atol bơngai kơjung pơđăm-jĭt hơgăt, na pơgê dơning athei pơtao ăn đe rôp hrek atol Morđêkai tơ noh. Đơ̆ng noh hiôk bĕ năm sŏng sa hơdai hăm pơtao. Tơdrong noh pơm ăn kơ Haman lăp, na sư ăn hloi đe pơdơ̆ng 'long gơ̆ng wă hrek atol đe.

Esther 6:3

Pơtao jet, lăm tơdrong 'nâu Morđêkai đe hăm ư-ang păng pôk pơyom kơ sư ưh? Lu bơngai bơ̆jang kơ pơtao tơl, đe ưh kơ đei pơm kiơ kơ sư.

Esther 6:5

Lu bơngai jang kơ pơtao tơl. To noh Haman oei dơ̆ng tơ cham, pơtao khan. Ăn kơ sư mơ̆t bĕ.

Esther 7:9

Kơplah noh Harbôna minh 'nu lăm lu linh krĕo wei pơtao khan: To đei boih 'long gơ̆ng mă Haman đei pơdơ̆ng lê̆ boih wă atol Morđêkai, Morđêkai bơngai mă dŏng pơrih pơtao, 'long gơ̆ng noh kơjung pơđăm-jĭt hơgăt, pơtao khan, hrek atol bĕ sư tơ kơpal noh.

Jop 5:13

Sư rôp lu bơngai hơgei 'bơ̆r đon huŏng lăm tơdrong kơnê̆ lu sư wă pơm. Sư kư̆m pơtôch lê̆ 'bônh đĕch tơdrong lu bơngai kơnê̆ wă pơm.

Horiso 2:4

Kră Yang đơ̆ng plĕnh gô hiĕk, Kră Yang gô pơjăm lu sư.

Horiso 33:19

Wă pơklaih bơhngol lu sư đơ̆ng lôch, Păng bơwei tơdrong arih lu sư lăm năr pơngot rơwĕt.

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.