Esther 6:3 - Sơ̆p Hlabơar Nơ̆r 'Bok Kei-Dei

³ Pơtao jet, lăm tơdrong 'nâu Morđêkai đe hăm ư-ang păng pôk pơyom kơ sư ưh? Lu bơngai bơ̆jang kơ pơtao tơl, đe ưh kơ đei pơm kiơ kơ sư.

Esther 6:3 ပူးပေါင်းရင်းမြစ်များ

Bl 40:23

Đơ̆ng noh bơngai mă lăng pôk đak nhă kư̆m đĭ hiơt kơ Jôsep boih, pă 'blŏk kơ Jôsep dơ̆ng.

I Ho 11:6

Đawit khan: “Bơngai bu blah kon pơlei Jêbus adrol, sư gô pơm yŏng pơm bơngai pơgơ̆r.” Na Jôap, kon drŏ-nglo Sêruia, năm tŏk blah adrol, na sư pơm yŏng pơgơ̆r.

Esther 6:2

Đe đŏk 'bôh đei chih boih Morđêkai đei roi boih kơ tơdrong Bikthana păng Têres, 'bar 'nu kuan gak 'măng jang pơtao chă đon wă pơrăm pơtao Asêrus.

Esther 6:4

Pơtao jet dơ̆ng. Bĕ bu tơ cham to? Kơplah noh Haman mơ̆t tơ cham 'nguaih kơ hnam pơtao wă apinh pơtao hrek atol Morđêkai tơ 'long gơ̆ng mă sư đei pơdơ̆ng boih wă hrek atol Morđêkai.

Bôk Bơthô 9:15

Lăm pơlei đei minh 'nu bơngai dơnuh hin mă-lei hơgei, sư yua tơdrong hơgei sư pơklaih pơlei noh; mă-lei đơ̆ng rŏng kơ 'noh ưh kơ đei bu 'blŏk hơdơ̆r kơ bơngai dơnuh hin.

Da 5:16

Inh đei kơtơ̆ng đe khan ih gơh tơblang păng pơm ăn kơ dôm tơdrong hơwơ̆l hơwang hiong đĭ. Thoi âu tơdah ih gơh đŏk lu chư âu păng tơblang ăn kơ inh, lei ih gô hrŭk ao pơtao, 'băk kon kiơng maih păng gô pơm kuan yŏng mă pêng lăm dêh char âu.

Da 5:29

Kiơ̆ thoi nơ̆r pơtao Belsatsar, đe iŏk ao pơtao pơhrŭk hloi kơ Đaniel; tơ'băk ăn kơ sư kon kiơng maih păng tơbăt hloi pôk sư pơm tih mă pêng lăm lu 'bok pơgơ̆r dêh char sư.

Da 5:7

Pơtao krao ôr athei đe krao lu bơngai hơgei, lu bơngai gơh tơwir lu pơjâu bơngai Kalđê truh. Đơ̆ng noh, pơtao khan kơ bơngai hơgei, lu bơngai pơjâu bơngai Kalđê lăm Babilôn thoi âu: Bu gơh đŏk chư 'nâu? Păng gơh tơblang ăn kơ inh băt, lei sư noh inh gô pơhrŭk ăn kơ sư ao pơtao, gơh đei 'băk kon kiơng maih tơ hơko sư păng jing bơngai pơm tih mă pêng lăm lu kuan pơgơ̆r teh đak.