Esther 6:12 - Sơ̆p Hlabơar Nơ̆r 'Bok Kei-Dei

¹² Đơ̆ng noh Morđêkai wih hơlơ̆k tơ 'măng jang hnam pơtao. Mă-lei Haman hăt hot brŏk tơ hnam sư kơdih, kơlŭk gom kơ̆l sư ơh sơ'ngon.

Esther 6:12 ပူးပေါင်းရင်းမြစ်များ

II Sam 15:30

Đawit tŏk tơ kông ôliwơ; sư yak rah nhơ̆m rah gom lê̆ kơ̆l păng yak tơpang jơ̆ng hoh. Đĭ-đăng bơngai năm kiơ̆ kư̆m dai gom kơ̆l, yak rah nhơ̆m rah.

II Sam 17:23

Ahithôphel 'bôh đe ưh kơ wă kiơ̆ tơdrong sư pơđâu, na hao hloi aseh iĕ sư brŏk tơ hnam pơlei sư kơdih tơ Gilô. Đang kơ sư hơmet dôm tơdrong jang lăm hnam dơnŏ sư keh boih, sư hrek hơlŏng kơdih lôch. Đe 'bŭ sư hơdai tơ lăm bơsat 'bă sư.

I Pot 20:43

Pơtao Isơrael brŏk tơ hnam sư kơdih, lăm char Samari, jơhngơ̆m sư blĕk ơh hơ'ngon ưh pă băt dang yơ.

I Pot 21:4

Ahap mơ̆t tơ lăm hnam jơhngơ̆m ưh kơ hiôk păng sơ'ngon dêh yua kơ nơ̆r Nabôt, bơngai Jêsreel; đei khan kơ pơtao: “Inh ưh kơ gơh ăn kơ ih ôh tơmam đơ̆ng lu 'bok kơdră inh. Ahap mơ̆t 'bĭch tơ giơng tep om ơh sơ'ngon ưh kơ sŏng sa.

I Pot 21:6

Sư tơl: “Yua kơ inh khan kơ Nabôt bơngai Jêsreel: ‘Tĕch ăn kơ inh mir hơmu ih 'noh inh gô ăn jên dah mă tơplih băl hăm mir hơmu inh nai kư̆m bưh, mă-lei sư khan: ‘Inh ưh kơ gơh ăn kơ ih mir hơmu inh.’ ”

II Ho 26:20

Asaria 'bok soi tơm păng đĭ-đăng lu 'bok soi nai lăng tơ sư, 'bôh sư đei jĭ chin 'bơ̆t klĕng na tơlĕch hloi sư đơ̆ng lăm noh păng kơdih akâu sư kư̆m 'maih lĕch, yua kơ Kră Yang phak sư.

Esther 2:19

Kơplah lu đe hơdruh akŭm mă 'bar, Morđêkai hơ-oei ngôi 'bơ̆t 'măng jang pơtao.

Esther 6:11

Na Haman năm iŏk hloi ao pơhrŭk ăn kơ Morđêkai, đơ̆ng noh hao aseh ba sư năm jơ̆p rok trong tih lăm pơlei. Sư ôr 'bơ̆r re khan 'bơ̆t anăp sư: 'Nâu boih mă tơdrong pơm kơ bơngai mă pơtao pôk pơyom!

Esther 7:8

Kơplah pơtao hơlơ̆k wih đơ̆ng pơgar pơtao, wơ̆t tơ anih lu sư oei et sa na 'bôh Haman oei drap 'bơ̆t tang-dŏ kơjung yă Esther oei ngôi. Pơtao hil khan, lăm hnam pơtao 'bơ̆t anăp inh sư kư̆m pơ̆n pơm kơnê̆ kơ yă pơtao dơ̆ng hă? Kơplah nơ̆r pơtao pơma 'nao wă tôch, đe thar gom hloi muh măt Haman.

Jop 20:5

Lu bơngai pơm kơnê̆ chhôk lăp tŏ sĕt đĕch, Păng tơdrong chơt hiôk lu bơngai ưh kơ lui kư̆m lăp minh bruh mơ̆n.

Jop 9:24

Kơplah teh đak jao bơih kơ lu bơngai pơm kơnê̆ pơgơ̆r. Sư chĭt lê̆ măt lu 'bok sek tơlang lăm teh đak. Tơdah ưh kơ trŏ Sư pơm lei bu pơm?

I Sam 3:15

Samuel tep dĭng truh hơdah, đơ̆ng noh sư pơih 'măng hnam akŭm Kră Yang. Sư hli na ưh kơ pơ̆n roi dôm tơdrong tơ'bôh kơ sư noh kơ Hêli.