Esther 5:9 - Sơ̆p Hlabơar Nơ̆r 'Bok Kei-Dei

⁹ Lăm năr noh Haman lĕch năm hăm jơhngơ̆m hiôk chơt. Mă-lei lăp sư 'bôh Morđêkai oei 'bơ̆t 'măng dur pơtao, ưh kơ iung păng huay kơ hli tơtơ̆ 'bơ̆t anăp sư, Haman blĕk dêh.

Esther 5:9 ပူးပေါင်းရင်းမြစ်များ

I Pot 21:4

Ahap mơ̆t tơ lăm hnam jơhngơ̆m ưh kơ hiôk păng sơ'ngon dêh yua kơ nơ̆r Nabôt, bơngai Jêsreel; đei khan kơ pơtao: “Inh ưh kơ gơh ăn kơ ih ôh tơmam đơ̆ng lu 'bok kơdră inh. Ahap mơ̆t 'bĭch tơ giơng tep om ơh sơ'ngon ưh kơ sŏng sa.

I Pot 21:6

Sư tơl: “Yua kơ inh khan kơ Nabôt bơngai Jêsreel: ‘Tĕch ăn kơ inh mir hơmu ih 'noh inh gô ăn jên dah mă tơplih băl hăm mir hơmu inh nai kư̆m bưh, mă-lei sư khan: ‘Inh ưh kơ gơh ăn kơ ih mir hơmu inh.’ ”

Esther 2:19

Kơplah lu đe hơdruh akŭm mă 'bar, Morđêkai hơ-oei ngôi 'bơ̆t 'măng jang pơtao.

Esther 3:2

Đĭ-đăng lu bơngai jang lăm anih pơtao ngôi 'bơ̆t 'măng dur pơtao lu sư wang drap kơkuh, kơkuh kơ Haman yua kơ pơtao pơkă thoi noh, mă-lei Morđêkai ưh kơ kơkuh ôh.

Esther 3:5

Kơplah Haman 'bôh Morđêkai ưh kơ drap kơkuh kơ sư, sư blĕk dêh.

Esther 5:13

Mă-lei tơdrong noh ưh kơ đei yua kiơ kơ inh mưh inh lăng Morđêkai bơngai Juđa hơ-oei 'bơ̆t 'măng jang hnam pơtao.

Jop 20:5

Lu bơngai pơm kơnê̆ chhôk lăp tŏ sĕt đĕch, Păng tơdrong chơt hiôk lu bơngai ưh kơ lui kư̆m lăp minh bruh mơ̆n.

Jop 31:31

Lu bơngai lăm hnam dơnŏ inh ưh kơ đei pơma: “Hăm đei bu mă Jop ưh kơ đei ăn sa 'nhĕm phĭ mah?”

Horiso 15:4

Sư areh kơ bơngai pơm kơnê̆, Mă-lei sư pơyom kơ lu bơngai mă chu yom kơ Kră Yang; Sư pơkă, ưh kơ đei tơplih ôh, mă khan đei tơdrong răm kơ akâu sư ră;

Horiso 27:3

Mă khan khŭl linh wang tăp kơ inh, Jơhngơ̆m inh ưh kơ hli, Mă khan ayăt iung blah inh, jơhngơ̆m inh oei hơđơ̆ng.

Da 3:13

Thoi noh pơtao Nebukatnessar 'brik blĕk hil, athei đe chông Sadrak, Mêsak, Abetnigo năm tơ sư, na đe năm ba lu đe ei truh 'bơ̆t anăp pơtao.

Mathiơ 10:28

Iĕm 'nĕ hli kơ đe pơlôch akâu iĕm, mă-lei bơhngol iĕm sư ưh kơ gơh pơlôch ôh. Iĕm athei hli kơ 'Bok Kei-Dei đĕch, Sư gơh pơrăm akâu iĕm hăm bơhngol iĕm tơ dơnâu ŭnh.

Mathiơ 2:16

Lăp pơtao Hêrôt băt kơ lu 'bok pơjâu hnhoi sơnglŏng ưh pă wih tơ sư, sư ơh dêh. Na sư athei lu linh sư năm pơlôch đĭ lu kon drŏ-nglo 'nao tơpŭ truh tơ 'bar sơnăm lăm tơring Betlehem. Sư pơlôch lu kon nge 'nao tơpŭ truh tơ 'bar sơnăm noh sư băt đơ̆ng lu bơngai hnhoi sơnglŏng roi kơ sư ki.

Luka 6:25

“Lu iĕm mă phĭ jơnap dang ei, ning-mônh iĕm kư̆m pơmat-tat mơ̆n yua kơ tơmam sa ưh kơ đei. “Lu iĕm mă 'nă hal dang ei, ning-mônh iĕm gô nhơ̆m hmoi pơmat-tat mơ̆n.

Yo 16:20

Inh khan kơ iĕm tơpă wă kơ iĕm băt: Pă 'biơ̆ lu iĕm nhơ̆m hmoi ơh ol. Mă-lei lu bơngai ala teh âu 'nă hal. Pă 'biơ̆ mơ̆n jơhngơ̆m iĕm gô sơ'ngon, klaih kơ noh iĕm gô chhơp dơ̆ng.

Jang 7:54

Êtien pơma kơ lu 'bok sek tơlang ei 'lơ̆ng ră mơ̆n, mă lu 'bok sek tơlang ei tơkăp sơnĕnh hil mơmĭl areh kơ Êtien.

Ya 4:9

Iĕm athei nhơ̆m hmoi ơh kơdih tơdrong yoch đêl iĕm pơm, hmoi ơh kơdih tơdrong đêl iĕm hiĕk 'nă, hmoi ơh kơdih tơdrong đêl iĕm hiôk chơt, pơhaih sơ'ngon kơdih kơ 'Bok Kei-Dei, na Sư mơnat.