Esther 4:16 - Sơ̆p Hlabơar Nơ̆r 'Bok Kei-Dei

¹⁶ Akŭm đĭ-đăng lu adrĕch bơngai Juđa tơ pơlei Susa bĕ, đơ̆ng noh athei ơ̆t kơ sŏng sa lăm pêng năr yua kơ inh, 'nĕ sŏng sa, kư̆m 'nĕ kơ nhă đak. Inh hăm lu bơngai awih awăn tơgŭm inh kư̆m ơ̆t kơ sŏng sa mơ̆n. Thoi noh inh gô mơ̆t tơ anih pơtao, mă khan pơm glăi kơ tơdrong juăt bưh mơ̆n. Tơdah trŏ kơ lôch lei inh lôch.

Esther 4:16 ပူးပေါင်းရင်းမြစ်များ

Bl 18:19

Inh đei rơih iŏk boih Abraham wă kơ bơtho tơ'bôh kơ kon sâu lăm hnam dơnŏ sư wei tơdrong lui yom kơ Kră Yang, wă pơsĭt nơ̆r mă Kră Yang đei pơkă boih hăm Abraham.”

Bl 43:14

Apơi kơ Kră Yang 'Bok Kei-Dei, mơsêh mơyang tơgŭm ăn kơ sư đei mơnat kơ iĕm păng achăng 'nhŏng ki, hăm Bênjamin ăn kơ iĕm, bĕ gah 'bă, tơdah hiong kon, 'bă kư̆m chu đĕch boih.

II Sam 10:12

'Nĕ kơ hli athei tơblah mă nuih đĭ jơhngơ̆m wă wei kon pơlei pơla bơ̆n, păng lu pơlei tih Kră Yang 'Bok Kei-Dei bơ̆n; hơpơi kơ Kră Yang pơm kiơ̆ thoi Sư tơchĕng 'lơ̆ng!

II Pot 7:4

Dah bơ̆n khan năm mơ̆t lăm pơlei, lei lăm pơlei âu đei pơngot tih, păng lu bơ̆n gô lôch rơwĕt tơ ei; mă-lei dah bơ̆n hrăn ngôi 'bơ̆t dâu kư̆m lôch mơ̆n. Bĕ bơ̆n năm tơ kơđông linh Aram. Dah lu sư mơnat ăn, lei bơ̆n arih, dah lu sư pơlôch bơ̆n, mă thoi yơ hĭ, lu bơ̆n kư̆m wă lôch kơ rơwĕt mơ̆n.”

II Ho 20:3

Jêhôsaphat hli, na hơmet jơhngơ̆m sư chă Kră Yang, na kư̆m roi tơbăt jơ̆p kơ dêh char athei ơ̆t kơ sŏng sa.

Esơra 8:21

Tơ jê̆ đak krong Ahawa, inh athei đĭ-đăng ơ̆t kơ sŏng sa, wă kơ bơ̆n drap kơkuh 'bơ̆t anăp Kră Yang 'Bok Kei-Dei lu bơ̆n, krao apinh sư tơ'bôh ăn kơ bơ̆n kon sâu lu bơ̆n păng tơmam bơ̆n đei hiôk-hian kơplah bơ̆n yak rok trong.

Esther 4:15

Kơtơ̆ng thoi noh boih, Esther athei sư năm roi dơ̆ng kơ Morđêkai thoi âu:

Esther 4:17

Thoi noh Morđêkai năm pơm kiơ̆ dôm tơdrong Esther đei pơkă kơ sư.

Esther 4:3

Lăm rim tơring mă đei hla bơar pơtao tơtă truh, đei ơh sơ'ngon nhơ̆m hmoi tih lăm adrĕch Juđa, nhơ̆m hmoi ơ̆t kơ sŏng sa ơh sơ'ngon, lơ bơngai su 'bi 'bĭch păng pung tơnuh.

Esther 5:1

Lăm năr mă pêng Esther hrŭk ao yă pơtao sư klaih kơ noh sư năm dơ̆ng 'bơ̆t anăp 'măng tơklă anih tang-dŏ pơtao hơ-oei, pơtao sư hơ-oei tang-dŏ tơklă 'măng mơ̆t anih pơtao sư.

Esther 9:31

Wă kơ lu sư iŏk năr Purim noh pơm năr 'blŏk hơdơ̆r kiơ̆ thoi Morđêkai bơngai Juđa păng yă pơtao Esther bơtho pơkă boih kơ lu bơngai Juđa, thoi lu sư păng kon sâu sư kư̆m đei pơm kơdih, gah tơdrong ơ̆t kơ sŏng sa păng nhơ̆m hmoi.

Êsai 22:12

Lăm năr noh Kră Yang Tih Hloh krao lu iĕm athei nhơ̆m hmoi, ơh sơ'ngon, hơkôih sŏk, hrŭk ao 'bi.

Je 36:9

Lăm khei tơsĭn sơnăm mă pơđăm chăl Jêhôiakim kon drŏ-nglo Jôsia pơtao đe Juđa, đĭ-đăng kon pơlei oei lăm Jêrusalem păng đĭ-đăng kon pơlei đơ̆ng pơlei nai dơ̆ng lăm char Juđa, năm tơ pơlei Jêrusalem, pơm giĕng ơ̆t kơ sŏng sa 'bơ̆t anăp Kră Yang.

Da 2:18

Sư apinh buăl sư krao khan hơpơi kơ Kră Yang 'Bok Kei-Dei mơnat kơ lu sư tơ'bôh ăn tơdrong hlơp noh, wă kơ Đaniel hăm lu buăl sư huay kơ đe pơlôch, hơdai hăm lu bơngai hơgei đe Babilôn.

Mathiơ 12:40

Jôna sơ̆ sư oei lăm klak ka tih pêng măng pêng năr, na Inh Kon Bơngai gô oei lăm trôm teh pêng măng pêng năr kư̆m thoi noh mơ̆n.

Luka 9:24

Bơngai bu ưh kơ chu lôch yua kơ tơdrong Inh, bơngai noh lôch hoh hoh đĕch ưh kơ yua kiơ. Bơngai bu chu lôch yua kơ tơdrong Inh, sư 'noh gô arih ling-lang.

Yo 19:22

Mă-lei Pilat khan: “Tơdrong noh, inh chih đang boih.”

Jang 10:7

Đơ̆ng rŏng kơ linh jang 'lơ̆ng brŏk, 'bok Kôrnei krao 'bar 'nu bơngai jang kơ sư păng minh 'nu linh juăt awih awăn păng sư. Linh ei kư̆m lui kơ 'Bok Kei-Dei mơ̆n.

Jang 20:24

Mă đe pơlôch inh kư̆m bưh, kư̆ mă inh gơh jang mă keh tơdrong Kră Yang Yêsu pơjao ăn kơ inh sơ̆. Tơdrong jang noh wă khan bơtho tơdrong 'lơ̆ng 'Bok Kei-Dei mơnat kơ bơ̆n, ăn kơ lu bơ̆n klaih đơ̆ng tơdrong yoch, đơ̆ng ti yang kơnê̆.

Jang 21:13

Na Pôl khan: “Kơlih kơ kiơ iĕm nhơ̆m hmoi păng lung inh tŭk tơdrong jang inh? Mă lu sư tah inh lăm hnam phak, mă lu sư pơlôch inh, kư̆m bưh, akâu inh kơdih wă pơrơ̆ng năm yua kơ inh jang tơdrong Kră Yang Yêsu Krist.”

Jang 27:33

Wă jê̆ 'năr lĕch boih na Pôl apinh đĭ lu sư sŏng sa. Pôl khan: “Bơ̆n nŏng kơ chang gô kial dơhlu dă 'biơ̆ ơ̆t kơ sŏng sa mơjĭt-puăn năr boih.

Jang 9:9

Pêng năr Sôl sư ưh kơ đei sŏng sa păng nhă đak. Măt sư ưh kơ 'bôh hơdah ôh.

Rom 16:4

Sơ̆ inh đei tơdrong đe wă pơlôch, na bre sư tơdŏng inh, bre sư nuih dêh ưh kơ hli kơ đe wă pơlôch hăm bre sư. Na inh păng đĭ-đăng bơngai lui tơmoi bơnê kơ bre sư tơpă.

Philip 2:30

Sư jĭ wă lôch yua kơ sư adrin jang tơdrong Yêsu Krist tang iĕm, yua kơ iĕm ataih ưh kơ gơh jang tơgŭm inh. Mă-lei sư ưh kơ hli kơ lôch ôh.

Jôsuê 24:15

Tơdah lu iĕm ưh kơ wă chu yom ôh kơ Kră Yang, lei dang ei athei rơih iŏk bĕ kơdih lu iĕm wă kơkuh kơ bu, kơ lu yang mă lu 'bok yă lu iĕm kơkuh tơ gah hơlĕch kơ đak Krong Tih dah lu yang kon pơlei Amôrit lăm char lu sư; mă lu iĕm oei âu Mă-lei gah inh păng hnam inh gô chu yom păng pơm kiơ̆ kơ Kră Yang.”

I Sam 19:5

Sư hŭt akâu kơdih na mă pơlôch bơngai Philistin, yua kơ sư na Kră Yang đei ăn kơ bơngai Isơrael tơblah jei ngăl. Ih 'bôh boih păng chơt hiôk; lei na khan wă pơlôch pơrăm bơngai ưh kơ pơm yoch wă pơlôch Đawit tơdrong ưh kơđei?