Esther 4:14 - Sơ̆p Hlabơar Nơ̆r 'Bok Kei-Dei

¹⁴ Yua kơ tơdah ih ngăn lăm jơ 'nâu gô đei trong nai dơ̆ng pơklaih adrĕch Juđa, mă-lei ih păng hnam dơnŏ 'bă ih kư̆m gô lôch răm. Bu băt lê̆ ih gơh pơm yă pơtao kư̆m yua kơ tơdrong lâu?

Esther 4:14 ပူးပေါင်းရင်းမြစ်များ

Bl 22:14

Abraham krao anih noh Kră Yang Jirêa đơ̆ng noh, na dang ei đei nơ̆r khan: “Tơ kơpal kông Kră Yang gô đei hơmet ăn.”

II Pot 13:5

Kră Yang ăn kơ Isơrael minh 'nu bơngai dŏng pơklaih lu sư, kon pơlei Isơrael klaih đơ̆ng ti lu đe Aram păng gơh oei lăm anih hnam lu sư kơdih thoi adrol sơ̆ dơ̆ng,

II Pot 19:3

Lu sư khan kơ Êsai: “Hesekia khan: 'Năr 'nâu bơih jơ̆ năr răm tih, năr teh bơtho păng mơlâu thoi drŏ-kăn đĭ tôm khei 'năr sư bơih. Mă-lei jơhngơ̆m pran sư ưh kơ đei wă hơiơch hơ'lơ̆p noh.

Esơra 9:9

Yua kơ lu nhôn tơm hmơm sơ̆ jĭ bơngai pơm đĭch; mă-lei Kră Yang 'Bok Kei-Dei nhôn ưh kơ đei achăng lê̆ lu nhôn kơplah oei pơm đĭch sơ̆, Sư ăn kơ nhôn tơdrong Sư 'mêm sĭt 'bơ̆t anăp pơtao Phersia, wă ăn kơ lu nhôn arih 'biơ̆ wă kơ gơh pơm hnam akŭm Kră Yang 'Bok Kei-Dei lu nhôn păng wă kơ wih pơm ming đêl pơchah răm, kư̆m ăn kơ lu nhôn minh anih oei kơjăp lăm dêh Juđa păng pơlei Jêrusalem.

Ne 6:11

Inh khan: Minh 'nu bơngai thoi inh âu wă kơdâu ôn hă? Bơngai bu thoi inh âu mơ̆t lăm hnam akŭm na mă gơh arih hă? Inh ưh kơ mơ̆t ôh.

Esther 2:15

Truh kơ jơ Esther kon hơdruh Abihai ma kơ Morđêkai, bơngai rong sư pơm jing kon kơdih sư, mơ̆t năm tơ anih pơtao, hơdruh noh ưh kơ đei wă apinh tơdrong kiơ, sư apinh pôm tơmam đơ̆ng Hêgai bơngai linh krĕo jang kơ pơtao wei-lăng lu hơdruh, tơ'bôh kơ sư. Esther đei lơ bơngai lăng sư mơnat.

Esther 2:17

Pơtao 'mêm kơ Esther hloh kơ lu đe hơdruh nai, 'bơ̆t anăp pơtao lăng sư mơnat hloh kơ lu đe hơdruh nai, na pơyơ̆l ăn kơ sư môk pơtao tơ kơ̆l sư, pôk sư jing yă pơtao tơplih kơ yă Wathi.

Esther 2:7

Morđêkai rong ba Hadasah, kư̆m krao anăn sư Esther, kon hơdruh ma sư, akâu sư hơbŏ 'lơ̆ng. Đơ̆ng rŏng kơ mĕ 'bă sư lôch boih. Morđêkai iŏk rong ba pơm jing kon hơdruh sư kơdih.

Esther 4:13

Na Morđêkai athei năm roi dơ̆ng kơ Esther thoi âu: Ih 'nĕ tơchĕng khan yua kơ ih oei lăm hnam pơtao na gơh klaih hloh kơ adrĕch bơngai Juđa.

Esther 4:15

Kơtơ̆ng thoi noh boih, Esther athei sư năm roi dơ̆ng kơ Morđêkai thoi âu:

Jop 9:18

Sư ưh kơ ăn kơ inh hơya chă kial dui jơhngơ̆m, mă-lei roi ăn kơ inh sơ'ngon rai dêh.

Bôk Bơthô 3:7

Đei năr hek lê̆, đei năr sĭt ming; Đei năr ngăn, đei năr pơma.

Êsai 49:23

Lu pơtao gô pơm 'bă wei rong iĕm, lu akăn pơtao gô pơm bơngai wei rong tơmŏm iĕm. Lu sư gô kŭp drap tơ teh chu kơ iĕm; liah 'mui teh tơ jơ̆ng iĕm; kơplah noh iĕm gô băt kơ Inh bơih Kră Yang, păng lu bơngai gơnang kơ Inh gô ưh kơ đei mơlâu.”

Êsai 54:17

Mă dôm tơmam tơblah sư pơm wă pơrăm Ih gô ưh kơ kĕ păng dôm nơ̆r lu bơngai pơma jâu ih gô glăi đĭ. Noh bơih tơdrong Inh ăn kơ lu đĭch đam Kră Yang, păng tơdrong lăng pơsĭt đơ̆ng Inh ăn, Kră Yang khan thoi noh.

Je 30:11

Kră Yang khan: “Inh oei păng iĕm, wă dŏng pơklaih iĕm. Inh gô pơlôch pơrăm đĭ lu dêh char, mă Inh đei puh iĕm tơklah tơklang lăm noh, mă-lei Inh huay kơ pơlôch iĕm. Inh gô phak bơtho lu iĕm kiơ̆ kơ tơdrong trŏ, Inh ưh kơ lê̆ ôh phak bơtho lu iĕm.”

Je 46:28

Kră Yang khan: “Ơ Jakôp đĭch đam Inh, ih 'nĕ kơ hli, Inh oei hơdai ih, Inh gô pơrăm đĭ lu dêh char mă Inh đei puh iĕm tơ noh; bĕ gah lu iĕm Inh ưh kơ pơlôch đĭ, mă-lei gô phak bơtho iĕm trŏ tơpăt hơnơ̆ng, ưh kơ đei lê̆ ôh tơdrong phak bơtho iĕm.”

Lêwi 26:42

Lei Inh gô 'blŏk kơ tơdrong Inh pơgơ̆p hăm Jakôp, 'blŏk kơ tơdrong pơgơ̆p hăm Isăk đơ̆ng noh 'blŏk kơ tơdrong Inh pơgơ̆p hăm Abraham păng Inh gô 'blŏk hơdơ̆r kơ dêh char.

Mathiơ 16:18

Ơ Pêtrôs, Inh wă khan kơ ih, ih thoi lĕ kơ tơmo kŭk; kơpal tơmo kŭk noh boih Inh wă pơm hnam Inh, hnam noh wă khan lu bơngai lui kơ Inh. Na dôm lu yang kơnê̆ ưh kơ kĕ blah lu bơngai lui noh ôh.

Mathiơ 24:22

Dah 'Bok Kei-Dei ưh kơ achơ̆t lê̆ tơdrong tơblah tih noh, ưh kơ đei bu arih ôh. Mă-lei 'Bok Kei-Dei achơ̆t lê̆, yua kơ Sư mơnat kơ lu bơngai mă Sư rơih boih.

Both 32:36

Trŏ boih Kră Yang gô sek tơlang kơ kon pơlei Sư. 'Mêm mơnat kơ đĭch đam Sư. Kơplah Kră Yang 'bôh jơhngơ̆m lu sư gleh lap đĭ boih, ưh pă đei bu oei đĭch dah yŏng tơ'ngla lu sư.

Lu 15:6

Kon pơlei Philistin khan: Bu pơm tơdrong 'nâu? Đei khan: 'Noh đơ̆ng Samsơn ŏng bơngai pơlei Timna, yua kơ bơngai Timna rôp akăn sư ăn lê̆ kơ buăl sư oei pơm akăn. Na kon pơlei Philistin năm hloi truh tơ noh, soh pơlôch lê̆ bơngai drŏ-kăn ei hăm 'bă sư hloi.

I Sam 12:22

Kră Yang yua kơ anăn Sư tih dêh, na Sư ưh kơ achăng lê̆ kon pơlei Sư: Sư wă kơ lu iĕm pơm kon pơlei Sư.

I Sam 17:29

Đawit tơl: Inh đei pơm kiơ? 'Noh inh wă apinh lăng đĕch!