Esther 3:1 - Sơ̆p Hlabơar Nơ̆r 'Bok Kei-Dei

¹ Đơ̆ng rŏng kơ tơdrong noh pơtao Asêrus pôk Haman bơngai Agak, kon drŏ-nglo Hamedatha, pơm tih hloh kơ đĭ-đăng lu kuan jang lăm hnam pơtao.

Esther 3:1 ပူးပေါင်းရင်းမြစ်များ

Bl 41:40

Thoi noh, ih tŏk pơgơ̆r hnam pơtao; đĭ-đăng kon pơlei pơla pơtao gô chu yom kơ ih pơma. Inh tih hloh kơ ih tŏ sĕt yua kơ inh oei lăm tang-dŏ pơtao đĕch.

Bl 41:55

Đơ̆ng noh, jơ̆p lăm dêh char Êyiptơ kư̆m pơngot rơwĕt, kon pơlei năm tơ Pharaôn apinh tơmam sa. Pharaôn khan tơtă kơ kon pơlei thoi âu: Năm bĕ tơ Jôsep pơm kiơ̆ thoi sư athei.

Esơra 7:14

Inh păng tơpơh 'nu bơngai hơgei wơh ih brŏk chă lăng wă kơ băt lăm bơngai Juđa păng tơ Pơlei Jêrusalem, hăm kiơ̆ kơ khôi juăt Kră Yang 'Bok Kei-Dei mă đei chih rok ih oei chĕp lăm ti ih.

Esther 1:14

Na sư apinh lu kuan tih oei jê̆ sư Karsena, Sethan, Atmatha, Tarsis, Mêdi, Marsena păng Memukan, tơpơh 'nu kuan tih Phersia păng Mêre, lu đe âu juăt kơ 'bôh pơtao păng lu sư hơ-oei 'bơ̆t anih kơjung hloh kơ đĭ-đăng.

Esther 3:10

Klaih kơ noh pơtao plôh tơkhiĕn đơ̆ng ti sư ăn kơ Haman wă pơsĭt bơngai Agak kon drŏ-nglo Hamedatha, bơngai mă ayăt kơ adrĕch Juđa.

Esther 5:11

Haman roi pơư kơdih akâu, tơdrong mơdrŏng sư, roi sư đei kon drŏ-nglo lơ, roi kơ pơtao pơyom kơ sư păng sư pơm yŏng hloh kơ lu kuan tih nai.

Esther 7:6

Esther tơl: Minh 'nu bơngai ayăt kơnê̆ noh jơ̆ Haman! Kơplah noh Haman hli dêh 'bơ̆t anăp pơtao păng yă pơtao Esther.

Esther 8:3

Esther pơma dơ̆ng hăm pơtao sư drap 'bơ̆t jơ̆ng pơtao, nhơ̆m apinh hơdrĭ 'bơ̆t pơtao apinh pơtao pơrăm lê̆ tơdrong Haman bơngai Agak chă đon wă pơrăm adrĕch Juđa.

Horiso 12:8

Na lu bơngai kơnê̆ gô năm tơ jơ̆p puăn pah dêh. Dah tơdrong kơnê̆ gô pơyom hloh kơ lăm kon bơngai.

Tơdrông Pơđơk 29:2

Mưh bơngai tơpăt rai lơ, kon pơlei đei chơt hiôk; Mă-lei dah đei bơngai kơnê̆ pơgơ̆r, kon pơlei đei ôr krao.

Bôk Bơthô 10:6

Lu bơngai kơtul bơlŭk, đe pôk hơtŏk sư jang tơdrong tih, lu bơngai mơdrŏng tơdrong hơgei tă oei tơ ala.

Da 6:2

Tơ kơpal 'biơ̆ kơ lu đe noh đei pêng 'nu jing kơiĕng pơtao, lăm noh đei Đaniel. Lu yŏng pơgơ̆r tơring, athei roi tơbăt ăn kơ lu đe pêng 'nu noh băt rim kơ tơdrong kiơ kiơ, na wă kơ pơtao huay pă hiơ̆k kơ minh tơdrong kiơ.

Jo 24:7

Đak gô ro đơ̆ng thŭng blai lah lai truh tơ 'nguaih, găr adrĕch lu sư gô oei tơ lăm anih đei đak, Pơtao sư jing tih hloh kơ Agak. Dêh char sư rai să rai tih,

I Sam 15:33

Mă-lei Samuel khan: Dah đao ih pơm boih kơ bơngai drŏ-kăn hiong kon thoi yơ, na mĕ ih kư̆m gô hiong kon thoi noh mơ̆n. Đang kơ pơma, Samuel pơlôch hloi Agak 'bơ̆t anăp Kră Yang tơ Gilgal.

I Sam 15:8

Sư rôp arih Agak, pơtao lu bơngai Amalek; đơ̆ng noh iŏk đao pơlôch pơđĭ lu kon pơlei pơla.