Esther 2:18 - Sơ̆p Hlabơar Nơ̆r 'Bok Kei-Dei

¹⁸ Đơ̆ng noh pơtao pơih sŏng sa tih, krao lu kuan tih păng lu yŏng pơgơ̆r, hăm asong ăn đĕch tơmam kơ kon pơlei păng pơtao kư̆m tơjur thuê̆ lăp ai ăn kơ rim tơring.

Esther 2:18 ပူးပေါင်းရင်းမြစ်များ

Bl 29:22

Na La'ban hloi wơ̆n lu kon pơlei, pơih minh năr et sa;

Ne 8:11

Thoi noh bơngai Lêwi tơgŭm kon pơlei gơh hiôk hơđơ̆ng, khan: Oei hreh bĕ, yua kơ 'năr 'nâu jơ̆ năr 'lơ̆ng rơgoh, 'nĕ kơ sơ'ngon.

Esther 1:7

Lu sư huch sa păng kơchŏk maih, đei lơ kơchŏk phara pha, đei tơdrô lơ trŏ kơ tơdrong mơdrŏng pơtao.

Esther 9:22

yua kơ lăm năr păng khei ei lu bơngai Juđa klaih rơngei đơ̆ng lu bơngai ayăt kơ lu sư păng lu sư gơh đei rơnŭk rơnua. Tơdrong ơh sơ'ngon tơplih boih jing tơdrong chơt hiôk, tơdrong pơmat-tat tơplih boih jing năr sŏng sa chơt hiôk. Sư pơkă kơ lu sư pơm năr noh jing năr giĕng sŏng sa chơt hiôk tơăn băl tơmam lăng jơ̆ng ti păng tơgŭm bơngai dơnuh hin.

Hơri Hiôk 3:11

Ơ lu adruh Siôn, năm lăng bĕ Pơtao Sôlômôn, Yơ̆l môk pơtao đêl mĕ sư pơyơ̆l kơ sư lăm năr pơkong kơ sư sơ̆, lăm năr mă jơhngơ̆m sư chơt hiôk.

Hơri Hiôk 5:1

Ơ mŏ adruh inh, ŭnh om inh, inh mơ̆t lăm pơgar inh boih! Inh dônh 'long pơgang 'bâu phu inh, Inh sa hơkoh sut păng đak sut inh. Inh huch đak hơmu păng đak toh inh.

Mathiơ 22:2

“'Bok Kei-Dei pơgơ̆r kon bơngai thoi âu: Minh 'nu 'bok pơtao hơmet tơmam sa pơkong kơ kon sư iŏk akăn.

Markôs 6:21

Lăm minh năr ei lăp kơ jơhngơ̆m duch Hêrôđia wă pơlôch Yôhan, năr ei sa et trŏ kơ năr Hêrôt tơpŭ. Na pơtao Hêrôt krao wơ̆n lu 'bok kuan tih, lu 'bok tih linh păng lu kră mơdrŏng.

Luka 14:8

“Dah đe wơ̆n iĕm năm sŏng sa lăm năr đe et pơkong, iĕm 'nĕ kơ chă tơoei anih rŏ rŏ hŏ, hli kơ đe wơ̆n bơngai pơm tih hloh kơ iĕm,

Tơdrông Tơ'bôh 11:10

Đĭ-đăng bơngai ưh kơ lăp đon kơ bre sư, khan bre sư pơjĭ jơhngơ̆m đon đe. Na lăp đe 'bôh bre sư lôch boih, đĭ rim măt bơngai 'nă hal ngôi pơchơt dih băl, pơm chă tơăn băl tơmam.

Tơdrông Tơ'bôh 19:9

Na linh jang khan kơ inh thoi âu: “Ih chih răk tơdrong âu hŏ: Lu bơngai mă 'Bok Kei-Dei krao sŏng sa hơpong kơ Kon Triu iŏk akăn, lu sư hiôk dêh.” Na sư khan dơ̆ng kơ inh thoi âu: “Tơdrong mă inh 'nao khan kơ ih âu hei, ưh kơ trŏ tơdrong inh kơdih ôh, tơdrong 'Bok Kei-Dei tơpă.”

I Sam 25:8

Ih apinh bĕ lu đĭch đam ih, lu sư gô roi ăn kơ ih. Apinh ih ăn kơ lu tơdăm mơlôh inh đei mơnat 'bơ̆t anăp ih, yua kơ lu nhôn năm tơ âu trŏ kơ năr giĕng 'lơ̆ng rŏ. Đah lăm tơpang ti ih đei tơmam kiơ, asong bĕ kơ lu đĭch đam ih păng ăn kơ kon ih Đawit.