Esther 10:3 - Sơ̆p Hlabơar Nơ̆r 'Bok Kei-Dei

³ Yua kơ Morđêkai bơngai Juđa jing minh 'nu bơngai pơm kơiĕng pơtao Asêrus păng pơm tih lăm adrĕch Juđa, hăm đĭ-đăng lu 'nhŏng oh sư lăp đon kơ sư, yua kơ sư chă tơdrong pơm 'lơ̆ng kơ kon pơlei pơla pơma rơngơp kơ đĭ-đăng adrĕch adrung sư păng tơgŭm dŏng adrĕch adrung sư hiôk-hian. 25-Nov-2005@13:33, Backup Description=25-Nov-2005@13:30, Billy - 29-Nov-2005@10:12, Backup Description=25-Nov-2005@16:45, David Le vp - 29-Nov-2005@10:23, Backup Description=29-Nov-2005@10:21, Billy -

Esther 10:3 ပူးပေါင်းရင်းမြစ်များ

Bl 41:40

Thoi noh, ih tŏk pơgơ̆r hnam pơtao; đĭ-đăng kon pơlei pơla pơtao gô chu yom kơ ih pơma. Inh tih hloh kơ ih tŏ sĕt yua kơ inh oei lăm tang-dŏ pơtao đĕch.

Bl 45:10

'Bă, lu kon, sâu, lu bơbe triu, rơmo, mŭk măk 'bă gô oei tơ tơring Gôsen kư̆m jê̆ tơ âu.

Bl 45:11

Tơ noh inh gô wei-lăng 'bă, yua kơ oei pơđăm sơnăm pơngot rơwĕt hli kơnh 'bă, hnam dơnŏ 'bă păng đĭ-đăng mŭk tơmam gô hiong hiach.

II Ho 28:7

Sikri minh 'nu bơngai nuih kơtang đơ̆ng char Êphraim pơlôch Maaseia, kon drŏ-nglo pơtao, Asrikam Yŏng wei hnam pơtao păng Êlkana, kơiĕng pơtao.

Ne 2:10

Mă-lei kơplah noh Sanhalat bơngai Hôrôn păng Tôbia đĭch đam Ammôn, băt tơdrong noh, na ưh kơ hiôk yua kơ đei bơngai truh wă chă tơgŭm lu kon pơlei Isơrael.

Esther 2:5

Lăm pơlei Susa, đei minh 'nu bơngai Juđa anăn sư Morđêkai kon drŏ-nglo Jair sâu tơm Simei sâu i Kis bơngai Bênjamin,

Esther 3:2

Đĭ-đăng lu bơngai jang lăm anih pơtao ngôi 'bơ̆t 'măng dur pơtao lu sư wang drap kơkuh, kơkuh kơ Haman yua kơ pơtao pơkă thoi noh, mă-lei Morđêkai ưh kơ kơkuh ôh.

Da 5:16

Inh đei kơtơ̆ng đe khan ih gơh tơblang păng pơm ăn kơ dôm tơdrong hơwơ̆l hơwang hiong đĭ. Thoi âu tơdah ih gơh đŏk lu chư âu păng tơblang ăn kơ inh, lei ih gô hrŭk ao pơtao, 'băk kon kiơng maih păng gô pơm kuan yŏng mă pêng lăm dêh char âu.

Da 5:29

Kiơ̆ thoi nơ̆r pơtao Belsatsar, đe iŏk ao pơtao pơhrŭk hloi kơ Đaniel; tơ'băk ăn kơ sư kon kiơng maih păng tơbăt hloi pôk sư pơm tih mă pêng lăm lu 'bok pơgơ̆r dêh char sư.

Da 6:3

Na Đaniel pơm yŏng tih hloh 'biơ̆ kơ bre 'bar 'nu noh păng kư̆m tih hloh kơ lu yŏng pơgơ̆r tơring, yua kơ sư đei tơdrong gơh hơgei; na pơtao pôk ăn kơ sư pơm tih hloh kơ đĭ-đăng lăm char sư.

Rom 10:1

Ơ lu 'nhŏng oh, inh wă tơpă kơ lu bơngai Isơrael klaih đơ̆ng tơdrong yoch. Inh krao khan kơ 'Bok Kei-Dei apinh tơdrong noh ling-lang.

Rom 14:18

Bơngai mă lui yom kơ Yêsu thoi noh, bơngai noh 'Bok Kei-Dei lăp đon, mă tơduă kon bơngai kư̆m lăp đon mơ̆n.

I Sam 18:16

Mă-lei đĭ-đăng bơngai Isơrael păng bơngai Juđa 'mêm kơ Đawit, yua kơ sư pơgơ̆r lu sư tơblah.

I Sam 23:17

Jônathan khan kơ Đawit: Ih 'nĕ kơ hli; ti Sôl, 'bă inh, ưh kơ gơh hơtŭt 'bơm kơ ih ôh. Ih gô pơm pơtao lu bơngai Isơrael, gah inh gô pơm yŏng pơgơ̆r, mă 'bar đơ̆ng rŏng ih Sôl 'bă inh, kư̆m băt hơđăl dôm tơdrong noh.