Esther 10:2 - Sơ̆p Hlabơar Nơ̆r 'Bok Kei-Dei

² Đĭ-đăng tơdrong jang pơtao pơgơ̆r păng tơdrong gơh kĕ sư păng đĭ-đăng tơdrong kơ Morđêkai pơm tih yua kơ pơtao pôk hơtŏk sư boih, đe đei chih lăm sơ̆p hla bơar tơdrong hơ'mon tơdrong jang lu pơtao dêh char Mêdi păng char Phersia.

Esther 10:2 ပူးပေါင်းရင်းမြစ်များ

I Pot 11:41

Dôm tơdrong jang nai Sôlômôn pơm, đĭ-đăng tơdrong kiơ pơtao Sôlômôn pơm păng tơdrong gơh hơgei pơtao đe đei chih răk bơih lăm sơ̆p hla bơar hơ'mon Sôlômôn?

I Pot 14:19

Dôm tơdrong jang nai mă Jêrôbôam đei pơm, tơdrong sư tơblah păng tơdrong sư pơgơ̆r, đei chih bơih lăm sơ̆p hla bơar hơ'mon lu pơtao Isơrael.

I Pot 22:39

Dôm tơdrong jang Ahap, đĭ-đăng tơdrong jang pơtao đei pơm, hnam pơtao sư pơm păng bơla rôih păng đĭ-đăng lu pơlei sư man pơjing, đe đei chih lê̆ bơih lăm hla bơar hơ'mon lu pơtao đe Isơrael.

Esther 2:23

Đe chă apinh lăng tơdrong noh trŏ thoi ei tơpă na đe chô̆ atol hơko bre sư tơ 'long gơ̆ng kơjung. Tơdrong noh đe đei chih răk lăm sơ̆p hla bơar hơ'mon tơdrong jang pơtao, 'bơ̆t anăp pơtao.

Esther 6:1

Lăm măng noh pơtao ưh kơsŭk tep, na athei đe iŏk sơ̆p hla bơar đe chih răk hơ'mon tơdrong lu pơtao pơgơ̆r na đŏk 'bơ̆t anăp sư.

Esther 8:15

Morđêkai lĕch đơ̆ng anăp pơtao hrŭk hơbĕn ao jơk kok, yơ̆l môk maih pơtao păng hrŭk ao tai che 'bui se 'brê hơhĭm, kơplah noh kon pơlei Susa ôr jreo chhôk hơnôk.

Esther 8:2

Pơtao plôh iŏk tơkhiĕn mă đêl sư pơsĭt đơ̆ng Haman jao kơ Morđêkai yă pơtao Esther jao ăn kơ Morđêkai wei-lăng hnam đêl Haman oei.

Esther 9:4

Yua kơ Morđêkai pơm tih lăm hnam pơtao, đe ư-ang anăn sư jơ̆p-jang kơ dêh char; yua kơ Morđêkai pơgơ̆r rai đunh rai pran.

Horiso 18:35

Kră Yang ăn kơ inh khêl tơdrong dŏng pơklaih;d Ti gah 'ma Ih tơiung inh, Đơ̆ng tơdrong Ih dŏng na inh jing tih mơng.

Da 2:48

Pơtao pôk ăn Đaniel pơm tih păng pơjao ăn kơ sư tơmam mă gĭt dêh. Pơtao ăn kơ sư pơgơ̆r đĭ lăm char Babilôn.