Esther 10:1 - Sơ̆p Hlabơar Nơ̆r 'Bok Kei-Dei

¹ Pơtao Asêrus athei lăm char sư mă tơ teh dah tơ bŏl dơsĭ wang ăn thuê̆.

Esther 10:1 ပူးပေါင်းရင်းမြစ်များ

Bl 10:5

Noh boih kon sâu Japhet, kiơ̆ adrĕch adrung, kiơ̆ kơ nơ̆r pơma, dêh char păng pơlei pơla sư. Đơ̆ng lu sư na đei kon bơngai oei jơ̆p kơ bŏl lăm đak dơsĭ păng tơter jih dơsĭ.

Esther 1:1

chăl pơtao Asêrus, sư pơgơ̆r lăm minh-hrĕng 'bar-jĭt tơpơh tŏ char iŏk đơ̆ng char Ânđô̆ truh tơ Êthiôpi.

Esther 8:9

Lăm năr noh hloi, năr 'bar-jĭt pêng khei pêng wă khan khei Siwan, kơplah noh bre Esther păng Morđêkai krao akŭm thây chih hla bơar lu sư chih kiơ̆ kơ nơ̆r Morđêkai pơtă chih ăn kơ adrĕch Juđa, gơih ăn kơ lu kuan tih lu kră pơgơ̆r char, kră pơgơ̆r tơring iŏk đơ̆ng Ânđô̆ truh tơ Êthiôpi, wă khan minh-hrĕng 'bar-jĭt tơpơh tŏ tơring char. Lu sư chih ăn tơring ayơ kiơ̆ kơ chư păng nơ̆r sư kơdih, chih ăn kơ lu adrĕch ayơ kiơ̆ kơ nơ̆r pơma lu sư kơdih, ăn kơ adrĕch Juđa kiơ̆ kơ chư păng nơ̆r pơma lu sư kơdih.

Horiso 72:10

Lu pơtao Tarêsi păng lu bŏl đak dơsĭ gô ăn thuê̆ kơ sư. Pơtao Seba păng Seba gô pơyơ̆r ăn kơ sư.

Êsai 11:11

Lăm năr noh kơnh, Kră Yang gô yơ̆r ti Sư pă minh 'măng dơ̆ng wă huai iŏk kon pơlei Sư mă oei đei đơ̆ng lăm teh đak Asiri, Êyiptơ, Patrôs, Êthiôpi, Êlam, Sinar, Hamat păng đơ̆ng lu bŏl đak dơsĭ.

Êsai 24:15

Thoi noh ư-ang bĕ kơ Kră Yang ơ lu bơngai oei lăm teh đak gah hơlĕch, ư-ang bĕ kơ anăn Kră Yang 'Bok Kei-Dei đe Isơrael ơ lu bơngai oei lăm lu bŏl đak dơsĭ.

Da 11:18

Đơ̆ng noh lu sư weh drong tơ lu bŏl đak păng blah iŏk đei lơ anih. Mă-lei gô đei minh 'nu pơtao găn lê̆ tơdrong sư chă pơrăm đe noh păng pơm ăn kơ tơdrong noh tuh plơ̆ kơ lu sư.

Luka 2:1

Lăm sơnăm noh 'bok pơtao tơm đe Rôm, anăn sư Ôgut, chih hla bơar athei đe chă chih măt rim kon bơngai jơ̆p kơ tơring sư pơgơ̆r.