Esther 1:6 - Sơ̆p Hlabơar Nơ̆r 'Bok Kei-Dei

⁶ Tăp dăr kơ pơgar đei dăng che kok, che dreng hla 'long, dreng jơk plĕnh, iŏk tơlei kok păng 'brê hơhĭm chô̆ tơ kong hu păng jrăng tơmo brông, lu giơng pơm păng hu maih, dan kơpal hơnă lơ̆k tơmo gôh kok păng tơmo rang gĭt găm.

Esther 1:6 ပူးပေါင်းရင်းမြစ်များ

Esther 7:8

Kơplah pơtao hơlơ̆k wih đơ̆ng pơgar pơtao, wơ̆t tơ anih lu sư oei et sa na 'bôh Haman oei drap 'bơ̆t tang-dŏ kơjung yă Esther oei ngôi. Pơtao hil khan, lăm hnam pơtao 'bơ̆t anăp inh sư kư̆m pơ̆n pơm kơnê̆ kơ yă pơtao dơ̆ng hă? Kơplah nơ̆r pơtao pơma 'nao wă tôch, đe thar gom hloi muh măt Haman.

Esther 8:15

Morđêkai lĕch đơ̆ng anăp pơtao hrŭk hơbĕn ao jơk kok, yơ̆l môk maih pơtao păng hrŭk ao tai che 'bui se 'brê hơhĭm, kơplah noh kon pơlei Susa ôr jreo chhôk hơnôk.

Le 26:1

Ih athei yua mơjĭt blah che 'bui se hơ'bơ̆l wă pơm Bơsŭn Anih Akŭm tanh păng brai jơk, 'brê gôh, 'brê hơhĭm, ih athei tanh rup chêrubim tanh mă đen 'lơ̆ng.

Êsêkiên 23:41

Ih ngôi kơpal giơng 'lơ̆ng rŏ, dan minh tŏ gơ'bang 'bơ̆t anăp đei đak pơgang 'bâu phu Inh noh.

Am 2:8

Lu sư 'bĭch jê̆ tơ chơnang soi, kơpal ao tai đe iŏk boih wă pơm tơmam pơkơ̆ng păng iŏk huch sa sik đêl đe duh tơ hnam yang sư.

Am 3:12

Kră Yang khan: Thoi lu bơngai wei triu dui pơdŭng iŏk 'bar pah jơ̆ng dah minh pah đon đơ̆ng 'bơ̆r dăm-brang, na lu kon sâu Isơrael kư̆m lei-lăi, lu bơngai mă hơ-oei tơ kơpal giơng tơ dêh Samari păng kơpal 'bi lơ̆k tơ pơlei Đamas, kư̆m gô gơh dŏng pơklaih thoi noh.

Am 6:4

Răm-'băm dêh kơ lu bơngai tep tơ giơng bơla păng yon pơdăng jơ̆ng kơpal tang-dŏ iĕm; 'buh sa lu kon triu mă rơih iŏk đơ̆ng lăm khŭl păng 'bet sa rơmo bek đơ̆ng lăm hơdrong.

I Sam 28:23

Sôl sơngah khan: Inh ưh kơ sa, mă-lei lu đĭch đam sư păng bơngai drŏ-kăn adrin pơlung sư dĭng sư chu kiơ̆ nơ̆r athei; sư iung đơ̆ng teh tŏk hơ-oei kơpal giơng.