Esther 1:13 - Sơ̆p Hlabơar Nơ̆r 'Bok Kei-Dei

¹³ Pơtao mưh sư đei tơdrong truh sư juăt kơ apinh lu bơngai hơgei lu bơngai băt tơdrong juăt păng băt kơ sek tơlang.

Esther 1:13 ပူးပေါင်းရင်းမြစ်များ

I Ho 12:32

Kon sâu Isakar đei lu bơngai băt hlôh khei 'năr păng tơdrong jang kon pơlei Isơrael wă pơm; lu sư đei 'bar-hrĕng 'nu bơngai yŏng pơgơ̆r; na đĭ-đăng lu 'nhŏng oh sư lăm ala kơ lu sư pơgơ̆r.

I Ho 12:33

Kon sâu Sabulôn đei pơđăm-jĭt rơbâu 'nu bơngai gơh tơblah, chĕp lu tơmam tơblah, hơmet lê̆ wă tơblah, lu sư minh jơhngơ̆m đon hăm Đawit.

Esther 1:12

Mă-lei yă pơtao Wathi ưh kơ wă chu nơ̆r pơtao tơtă đơ̆ng lu linh krĕo khan, yua kơ tơdrong noh na pơtao blĕk dêh tơtŏ lăm jơhngơ̆m sư.

Je 10:7

Bu mă ưh kơ hli yom kơ Ih, ơ Pơtao kơ đĭ-đăng dêh char! Ih trŏ tơpă thoi noh, lăm đĭ-đăng lu bơngai hơgei rim adrĕch adrung kon bơngai, lăm jơ̆p-jang kơ dêh char, ưh kơ đei bu thoi Ih.

Da 2:12

Thoi noh na pơtao blĕk hil dêh, na athei đe rôp pơlôch đĭ lu bơngai hơgei lăm char Babilôn.

Da 2:2

Thoi noh, na pơtao krao lu bơngai hơgei, lu pơjâu, lu bơngai Kalđê wă athei tơblang tơdrong pơtao đei apo 'bôh. Lu sư năm đĭ 'bơ̆t anăp 'Bok pơtao.

Da 2:27

Đaniel dơ̆ng 'bơ̆t anăp pơtao drơ̆ng thoi âu: Tơdrong hlơp mă pơtao wă kơ băt, na mă dôm lu bơngai hơgei lu bơngai hlôh wao, lu pơjâu tă ưh kơ đei bu gơh tơblang ăn kơ ih băt ôh.

Da 5:7

Pơtao krao ôr athei đe krao lu bơngai hơgei, lu bơngai gơh tơwir lu pơjâu bơngai Kalđê truh. Đơ̆ng noh, pơtao khan kơ bơngai hơgei, lu bơngai pơjâu bơngai Kalđê lăm Babilôn thoi âu: Bu gơh đŏk chư 'nâu? Păng gơh tơblang ăn kơ inh băt, lei sư noh inh gô pơhrŭk ăn kơ sư ao pơtao, gơh đei 'băk kon kiơng maih tơ hơko sư păng jing bơngai pơm tih mă pêng lăm lu kuan pơgơ̆r teh đak.

Mathiơ 16:3

Lăp 'năr wă lĕch, iĕm 'bôh 'năr pơchrang 'brê păng đei hơmơ̆l găm, noh iĕm kư̆m băt kơ 'năr wă 'mi. Iĕm kơnăl kơ plĕnh wă 'mi dah prăng ră mă-lei liơ iĕm pơm ưh kơ băt kơ 'Bok Kei-Dei wă pơgơ̆r lu iĕm dang ei?

Mathiơ 2:1

Mari tơpŭ kơ Yêsu tơ Pơlei Betlehem lăm dêh Juđê, kơplah ei sơ̆ Hêrôt pơm pơtao tơ dêh Juđê. Đơ̆ng rŏng tơpŭ kơ Yêsu ei đei lu 'bok pơjâu hơgei hnhoi sơnglŏng, lu sư hnhoi đơ̆ng gah hơlĕch truh tơ Pơlei Jêrusalem na lu sư jet đe tơ noh khan: