Esther 1:10 - Sơ̆p Hlabơar Nơ̆r 'Bok Kei-Dei

¹⁰ Truh lăm năr mă tơpơh jơhngơ̆m pơtao hiôk dêh đơ̆ng huch tơdrô na sư pơkă kơ Mêhuman, Bistha, Harbôna, Biktha, Abaktha, Sethar păng Karkas. Tơpơh 'nu linh krĕo bơ̆jang lăm hnam pơtao Asêrus,

Esther 1:10 ပူးပေါင်းရင်းမြစ်များ

Bl 43:34

Jôsep athei pôk ăn kơ lu 'nhŏng oh sư tơmam sa dan 'bơ̆t anăp sư. Mă-lei Bênjamin đe ăn tơmam sa lơ hloh kơ lu nai pơđăm wơ̆t. Lu sư sŏng sa 'băt 'lơ̆ng ngôi chơt hơdai hăm Jôsep.

II Sam 13:28

Apsalôm pơkă kơ lu đĭch đam sư: “Athei kơchăng lăng kơplah Amnôn hiôk chơt wă suai kơ tơdrô, inh athei lu iĕm: Teh Amnôn, lu iĕm athei pơlôch sư hloi, ưh kơ hli kơ kiơ, noh đơ̆ng inh athei lu iĕm. Athei đei jơhngơ̆m đon mă nuih hŏ.”

Esther 1:9

Yă pơtao Wathi kư̆m hơmet sŏng sa tih ăn kơ lu bơngai drŏ-kăn tơ lăm hnam pơtao Asêrus.

Esther 3:15

Lu bơngai chĕp hla bơar noh hăt hot pơm kiơ̆ kơ tơdrong pơtao tơtă. Nơ̆r tơtă âu kư̆m roi tơbăt lăm kon pơlei Susa. Pơtao păng Haman oei et tơdrô, mă-lei lăm lu kon pơlei Susa hli tơrơ dêh.

Esther 7:9

Kơplah noh Harbôna minh 'nu lăm lu linh krĕo wei pơtao khan: To đei boih 'long gơ̆ng mă Haman đei pơdơ̆ng lê̆ boih wă atol Morđêkai, Morđêkai bơngai mă dŏng pơrih pơtao, 'long gơ̆ng noh kơjung pơđăm-jĭt hơgăt, pơtao khan, hrek atol bĕ sư tơ kơpal noh.

Tơdrông Pơđơk 20:1

Sik hơmu pơm kơ đe suai jing bơngai blei hiap. Sik hơmu et suai pơm kơ bơngai ôr tơkĕch. Bu et hloh kơ ai suai jing pă đei đon tơchĕng hơgei.

Tơdrông Pơđơk 31:4

Ơ Lêmuel, lu pơtao huch tơdrô ưh kơ 'lơ̆ng ôh; Kŭm ưh kơ 'lơ̆ng kơ lu kră pơgơ̆r hơmuy tơdrô.

Bôk Bơthô 10:19

Đe pơih et sa wă kơ chơt hiôk; et tơdrô pơthim ăn kơ chăl arih chơt; đei jên kăk gơh răt tôm tơdrong.

Lu 16:25

Wă jơhngơ̆m lu sư hiôk chơt, lu sư ôr re khan: Hơtŏk Samsơn tơ âu bĕ, wă kơ sư pơpơm pơchơt kơ lu bơ̆n. Lu sư dui Samsơn lĕch đơ̆ng lăm hnam bơnă, na Samsơn pơpơm pơchơt 'bơ̆t anăp kon pơlei pơla. Lu sư ăn kơ Samsơn dơ̆ng 'bơ̆t tŏk-bŏk lu jrăng hnam đe akŭm.

Lu 19:6

Thoi noh klo kăn bre sư hơ-oei sŏng sa hơdai, na 'bă bơngai drŏ-kăn noh khan dơ̆ng: Ơ dăm, apinh ih oei tơ âu pă minh măng âu dơ̆ng wă kơ jơhngơ̆m ih hiôk chơt.

Ru 3:7

Đang kơ sŏng sa boih 'Bôô jơhngơ̆m sư hiôk dêh, sư năm 'bĭch tep tơ cheng pôi 'ba, Rut năm chơlon hơdar hơdar pơih khăn 'bơ̆t jơ̆ng sư na 'bĭch hloi.