Esơra 7:9 - Sơ̆p Hlabơar Nơ̆r 'Bok Kei-Dei

⁹ Thoi noh, năr mônh khei mônh, sư đơ̆ng dêh Babilôn pơtơm wih brŏk blŭng-a, yua kơ đơ̆ng ti Kră Yang 'Bok Kei-Dei 'mêm wei-lăng tơgŭm, sư truh tơ pơlei Jêrusalem năr mônh khei mă pơđăm.

Esơra 7:9 ပူးပေါင်းရင်းမြစ်များ

Esơra 7:28

Păng ăn kơ inh đei tơdrong pŭn hiôk 'bơ̆t anăp pơtao păng 'bơ̆t anăp lu bơngai hơgei păng lu kuan tih gơh kĕ đơ̆ng pơtao ăn! Thoi noh, inh hiôk dêh, yua kơ ti Kră Yang 'Bok Kei-Dei inh tơgŭm inh pơ̆n nuih păng krao akŭm lu kơdră adrĕch adrung đe Isơrael wă yak năm hơdai hăm inh.

Esơra 7:6

Esơra âu sư wih brŏk đơ̆ng Babilôn. Sư jơ̆ minh 'nu bơngai bơtho hơgei hlôh kloh klĕch khôi juăt Môis, mă Kră Yang Kră Yang 'Bok Kei-Dei đe Isơrael đei chih roi. Yua kơ ti Kră Yang tơgŭm sư, thoi noh pơtao asong ăn dôm tơdrong sư apinh.

Esơra 7:8

Khei pơđăm sơnăm mă tơpơh chăl pơtao Artaserses, Esơra truh tơ pơlei Jêrusalem.

Esơra 8:18

Yua kơ đơ̆ng ti Kră Yang 'Bok Kei-Dei lu bơ̆n tơgŭm, lu sư ba ăn tơ lu bơ̆n minh 'nu bơngai hơgei, sư adrĕch adrung Mahli, noh kon drŏ-nglo Lêwi kon drŏ-nglo Isơrael, hăm Sêrêbia păng lu kon drŏ-nglo sư hăm lu 'nhŏng oh sư, đei mơjĭt-tơhngam 'nu;

Esơra 8:22

Mă-lei inh, mơlâu, ưh kơ pơ̆n apinh pơtao ăn minh grŭp linh păng linh hao seh, dŏng tơgŭm lu bơ̆n đơ̆ng ayăt kơplah lu bơ̆n năm rok trong; yua kơ lu bơ̆n đei khan kơ pơtao thoi âu: Ti Kră Yang 'Bok Kei-Dei lu nhôn wei-lăng tơgŭm lu bơngai băt krao chă Sư; mă-lei tơdrong mơsêh păng tơdrong hil mĭl Sư blah lu bơngai bu mă blah Sư.

Esơra 8:31

Năr mơjĭt-'bar khei mônh, lu nhôn pơtơm yak năm đơ̆ng đak krong Ahawa, wă năm tơ pơlei Jêrusalem. Ti Kră Yang 'Bok Kei-Dei nhôn gô tơgŭm, dŏng pơklaih nhôn đơ̆ng ti lu ayăt, lu bơngai răp trong.

Esơra 8:32

Na, nhôn truh tơ pơlei Jêrusalem, oei pơdơh tơ noh pêng năr.

Ne 2:18

Inh kư̆m roi dơ̆ng kơ lu sư băt kơ tơpang ti 'mêm mơnat Kră Yang 'Bok Kei-Dei đei tơgŭm inh, păng đơ̆ng nơ̆r pơtao, khan kơ inh. Lu sư khan: “Iung bĕ păng man hơmet ming dơ̆ng!” Thoi noh jang tơdrong jang 'lơ̆ng dêh 'nâu.

Ne 2:8

kư̆m chih tơjur ăn kơ Asap, bơngai mă wei bri kơdrơ̆ng pơtao, roi ăn kơ sư asong inh 'long wă pơm jrăng 'măng jang ming pơdơ̆ng, dur pơlei gah hnam Kră Yang păng hnam inh oei.” Na pơtao ăn kơ inh dôm tơdrong noh, kiơ̆ thoi tơpang ti 'lơ̆ng rơgoh đơ̆ng 'Bok Kei-Dei tơgŭm inh.

Horiso 80:18

Na lu nhôn pă đei tơklah đơ̆ng Ih dơ̆ng; Apinh Ih ăn kơ lu nhôn arih dơ̆ng. Kơna lu nhôn gô krao apinh hăm anăn Ih.

Êsai 66:14

Lu iĕm gô 'bôh dôm tơdrong noh, na lăm jơhngơ̆m hiôk-hian, kơting lu iĕm gô bluh thoi 'nhĕt. Đe gô băt ti Kră Yang gô tơgŭm lu đĭch đam Sư, mă-lei tơdrong Sư hil mĭl gô phak lu bơngai ayăt kơ Sư.