Esơra 7:6 - Sơ̆p Hlabơar Nơ̆r 'Bok Kei-Dei

⁶ Esơra âu sư wih brŏk đơ̆ng Babilôn. Sư jơ̆ minh 'nu bơngai bơtho hơgei hlôh kloh klĕch khôi juăt Môis, mă Kră Yang Kră Yang 'Bok Kei-Dei đe Isơrael đei chih roi. Yua kơ ti Kră Yang tơgŭm sư, thoi noh pơtao asong ăn dôm tơdrong sư apinh.

Esơra 7:6 ပူးပေါင်းရင်းမြစ်များ

Bl 32:28

Bơngai ei khan: “Anăn ih ưh pă Jakôp dơ̆ng boih. Mă-lei krao anăn ih Isơrael, b yua kơ ih tơglơ̆m hăm Kră Yang 'Bok Kei-Dei păng bơngai nai; tă kơ jei ih ngăl.”

Esơra 5:5

Mă-lei Kră Yang 'Bok Kei-Dei wei-lăng lu kră pơgơ̆r kon pơlei Juđa, thoi noh lu đe noh ưh kơ đei gơh pơgăn, gô chih roi tơdrong noh kơ pơtao Đarius băt, gô mơ̆ng kơ pơtao chih tơjur ăn thoi yơ.

Esơra 6:22

Lăm tơpơh năr lu sư 'blŏk pơm giĕng 'bĕng ưh kơ đei 'buih pông lu sư đei jơhngơ̆m hiôk chơt; yua kơ Kră Yang pơm ăn păng pơm ăn kơ jơhngơ̆m pơtao Asiri đei mơnat, tơgŭm lăm tơdrong pơjing pơm hnam akŭm Kră Yang 'Bok Kei-Dei đe Isơrael.

Esơra 7:21

Thoi noh, inh boih pơtao Artaserses đei chih roi ăn kơ lu 'bok kuan wei hnam mong tơmam gah bơmơ̆t kơ đak krong khan mă tơmam kiơ Esơra, 'bok soi bơngai bơtho hơgei kơ hla bơar, hlôh băt dôm khôi juăt Kră Yang 'Bok Kei-Dei tơ kơpal plĕnh, gô apinh đơ̆ng lu iĕm, lu iĕm athei ăn hloi.

Esơra 7:28

Păng ăn kơ inh đei tơdrong pŭn hiôk 'bơ̆t anăp pơtao păng 'bơ̆t anăp lu bơngai hơgei păng lu kuan tih gơh kĕ đơ̆ng pơtao ăn! Thoi noh, inh hiôk dêh, yua kơ ti Kră Yang 'Bok Kei-Dei inh tơgŭm inh pơ̆n nuih păng krao akŭm lu kơdră adrĕch adrung đe Isơrael wă yak năm hơdai hăm inh.

Esơra 7:5

Usi kon drŏ-nglo Buki, Buki kon Abisua, Abisua kon Phinêhas, Phinêhas kon drŏ-nglo Êlêasar, Êlêasar kon drŏ-nglo Arôn boih 'bok soi tơm.

Esơra 7:9

Thoi noh, năr mônh khei mônh, sư đơ̆ng dêh Babilôn pơtơm wih brŏk blŭng-a, yua kơ đơ̆ng ti Kră Yang 'Bok Kei-Dei 'mêm wei-lăng tơgŭm, sư truh tơ pơlei Jêrusalem năr mônh khei mă pơđăm.

Esơra 8:1

'Nâu, lu kơdră mă pơgơ̆r adrĕch adrung, khŭl bơngai đơ̆ng Babilôn wih hăm inh, lăm chăl pơtao Artaserses pơgơ̆r.

Esơra 8:18

Yua kơ đơ̆ng ti Kră Yang 'Bok Kei-Dei lu bơ̆n tơgŭm, lu sư ba ăn tơ lu bơ̆n minh 'nu bơngai hơgei, sư adrĕch adrung Mahli, noh kon drŏ-nglo Lêwi kon drŏ-nglo Isơrael, hăm Sêrêbia păng lu kon drŏ-nglo sư hăm lu 'nhŏng oh sư, đei mơjĭt-tơhngam 'nu;

Esơra 8:22

Mă-lei inh, mơlâu, ưh kơ pơ̆n apinh pơtao ăn minh grŭp linh păng linh hao seh, dŏng tơgŭm lu bơ̆n đơ̆ng ayăt kơplah lu bơ̆n năm rok trong; yua kơ lu bơ̆n đei khan kơ pơtao thoi âu: Ti Kră Yang 'Bok Kei-Dei lu nhôn wei-lăng tơgŭm lu bơngai băt krao chă Sư; mă-lei tơdrong mơsêh păng tơdrong hil mĭl Sư blah lu bơngai bu mă blah Sư.

Esơra 8:31

Năr mơjĭt-'bar khei mônh, lu nhôn pơtơm yak năm đơ̆ng đak krong Ahawa, wă năm tơ pơlei Jêrusalem. Ti Kră Yang 'Bok Kei-Dei nhôn gô tơgŭm, dŏng pơklaih nhôn đơ̆ng ti lu ayăt, lu bơngai răp trong.

Ne 12:26

Dôm lu đe âu oei arih lăm chăl Jôiakim kon drŏ-nglo Jêsua, sâu Jôsađăk păng lăm chăl Nêhêmi, pơm kră pơgơ̆r dêh char păng lăm chăl Esơra pơm 'bok soi păng chih hla bơar.

Ne 12:36

hăm 'nhŏng oh sư, Sêmaia, Asarel, Milalai, Gilalai, Mai, Nêthanêl, Juđa păng Hanani, chĕp reh brŏ hơri Đawit, bơngai Kră Yang 'Bok Kei-Dei păng Esơra, bơngai chih hla bơar, nơnăm adrol kơ lu sư.

Ne 2:12

Inh păng lu bơngai kiơ̆ inh, lu nhôn iung yak kơmăng, inh ưh kơ đei roi kơ bu băt ôh tơdrong Kră Yang 'Bok Kei-Dei ăn lăm jơhngơ̆m inh, tơdrong jang tơ pơlei Jêrusalem, inh hao aseh lu bơngai kiơ̆ inh yak năm jơ̆ng hoh.

Ne 2:18

Inh kư̆m roi dơ̆ng kơ lu sư băt kơ tơpang ti 'mêm mơnat Kră Yang 'Bok Kei-Dei đei tơgŭm inh, păng đơ̆ng nơ̆r pơtao, khan kơ inh. Lu sư khan: “Iung bĕ păng man hơmet ming dơ̆ng!” Thoi noh jang tơdrong jang 'lơ̆ng dêh 'nâu.

Ne 2:8

kư̆m chih tơjur ăn kơ Asap, bơngai mă wei bri kơdrơ̆ng pơtao, roi ăn kơ sư asong inh 'long wă pơm jrăng 'măng jang ming pơdơ̆ng, dur pơlei gah hnam Kră Yang păng hnam inh oei.” Na pơtao ăn kơ inh dôm tơdrong noh, kiơ̆ thoi tơpang ti 'lơ̆ng rơgoh đơ̆ng 'Bok Kei-Dei tơgŭm inh.

Ne 4:15

Tơdah lu ayăt kơ lu nhôn băt kơ lu nhôn băt kơ tơdrong noh păng Kră Yang 'Bok Kei-Dei pơrăm lê̆ boih tơdrong tơchĕng lu sư, thoi noh lu nhôn wơ̆t bơ̆jang man dur dơ̆ng rim 'nu kư̆m wơ̆t bơ̆jang tơdrong jang sư kơdih.

Ne 8:1

Kon pơlei pơgơ̆p akŭm băl jing thoi minh 'nu bơngai, tơ lăm pơlei tih 'bơ̆t anăp 'măng jang Đak lu sư pơma hăm Esơra thây bơtho, apinh sư chĕp sơ̆p hla bơar khôi juăt Môis mă đơ̆ng Kră Yang đei bơtho ăn kơ Isơrael.

Ne 8:13

Hlôi kơ năr mă 'bar, lu kră kơdră lăm hnam 'bă kơ đĭ-đăng kon pơlei, lu 'bok soi păng bơngai Lêwi, năm akŭm tơ Esơra, bơngai bơtho khôi juăt năm mơ̆ng wă pơhrăm iŏk dôm lu nơ̆r lăm khôi juăt.

Ne 8:4

Thây bơtho khôi juăt Esơra dơ̆ng tơ kơpal hơdrơ̆l đe pơm păng 'long; kơplah noh Matithia, Sêma, Anaia, Uri, Hilkia păng Masêia, dơ̆ng gah 'ma sư; gah 'ngiĕo sư đei Pêđaia, Misael, Malkija, Hasum, Hasbađana, Sachari păng Mêsulam.

Ne 8:9

Nêhêmi kră pơgơ̆r, Esơra 'bok soi păng pơm thây bơtho khôi juăt, lu bơngai Lêwi mă bơtho kon pơlei, kư̆m pơma khan kơ đĭ-đăng Isơrael thoi âu! 'Năr 'nâu jơ̆ 'lơ̆ng rơgoh ăn kơ Kră Yang 'Bok Kei-Dei lu iĕm; 'nĕ kơ sơ'ngon, kư̆m 'nĕ kơ nhơ̆m hmoi, yua kơ kon pơlei nhơ̆m kơplah lu sư kơtơ̆ng đŏk dôm lu nơ̆r khôi juăt.

Ne 9:13

Ih kư̆m jur tơ kơpal kông Sinai, pơma hăm lu sư đơ̆ng kơpal plĕnh, tơjur ăn kơ lu sư dôm tơdrong trŏ, khôi juăt tơpăt 'lơ̆ng, tơdrong tơtă sĭt.

Horiso 109:27

Ăn kơ lu sư băt đơ̆ng ti Ih boih pơklaih inh. Ih boih ơ Kră Yang, đei pơm tơdrong noh;

Horiso 147:19

Sư roi tơbăt nơ̆r Sư kơ adrĕch Jakôp, Khôi juăt păng nơ̆r tơtă Sư kơ adrĕch Isơrael.

Horiso 45:1

Jơhngơ̆m inh chhôka hăm tơdrongb 'lơ̆ng rŏ. Inh hơri pơđơ̆kc pôk pơư pơang kơ pơtao, Hơpiĕt inh thoi pla 'long chih lu bơngai hơgei chih.

Horiso 80:18

Na lu nhôn pă đei tơklah đơ̆ng Ih dơ̆ng; Apinh Ih ăn kơ lu nhôn arih dơ̆ng. Kơna lu nhôn gô krao apinh hăm anăn Ih.

Tơdrông Pơđơk 3:6

'Blŏk băt bĕ kơ Kră Yang lăm rim trong ih pơm, Na sư gô pơm kơ trong ih tơpăt.

Êsai 50:2

Lơliơ mưh Inh truh ưh kơ đei 'bôh bơngai bu? Mưh Inh krao ưh kơ đei bơngai bu tơl? Ti Inh kơđeh hă na ưh kơ gơh dŏng pơklaih? Dah Inh ưh kơ đei jơhngơ̆m pran wă dŏng pơklaih iĕm hă? 'Nâu wă Inh chrih na đak dơsĭ hrơ̆ hloi. Inh ăn kơ đak krong jing char glă; ka tơ ala đak krong gô lôch đĭ jing 'bâu ôm yua ưh kơ đei đak.

Êsai 59:1

Tơpă ti Kră Yang ưh kơ sĭ kơđeh ôh na mă ưh kơ gơh pơklaih; đon Sư kư̆m ưh kơ sĭ kơ klĭk ôh mă ưh kơ gơh kơtơ̆ng.

Je 8:8

Liơ lu iĕm gơh khan: “Lu nhôn hơgei boih, lu nhôn đei khôi juăt Kră Yang? Mă-lei âu, lu bơngai chih hla bơar chih hơlĕnh. Pơm pơglăi lê̆ kơ khôi juăt Inh

Mathiơ 13:52

Yêsu khan: “Thoi noh na lu iĕm bơngai mă pơhrăm păng Inh, iĕm gô jing thây bơtho đe tơdrong 'Bok Kei-Dei pơgơ̆r kon bơngai, na iĕm bơtho đe tơdrong 'nao tơdrong so kư̆m thoi 'bok tơ'ngla hnam chă asong kơ đe tơmam 'nao păng tơmam so sư, gô mơ̆ng kơ sư wă.”

Mathiơ 23:2

“Lu thây bơtho tơdrong juăt đe Juđê păng lu khŭl Pharisi lu sư bơtho bơ̆n tơdrong juăt Môis pơkă.

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

I Kor 1:20

Na tơ yơ lu bơngai đe khan 'bơ̆r đon ei? Tơ yơ bơngai đe ang khan lu sư hŏk hơgei? Tơ yơ lu bơngai mă pran kơ pơjah pơjăng lăm kon bơngai ala teh âu? 'Bok Kei-Dei jô̆ tơdrong noh boih tơdrong hơgei kon bơngai thoi lĕ kơtul.

I Kor 15:1

Ơ lu 'nhŏng oh, 'nâu inh wă tơ'blŏk ăn kơ iĕm tơdrong 'nao 'lơ̆ng mă inh đei bơtho ăn kơ lu iĕm boih, lu iĕm lui boih păng oei kơjăp lăm tơdrong lui dang ei 'noh.

Both 28:1

Tơdah iĕm mơ̆ng kiơ̆ nơ̆r Kră Yang 'Bok Kei-Dei iĕm mă kơjăp, pơ'lơ̆ng pơm kiơ̆ dôm nơ̆r Sư tơtă, mă inh bơtho khan kơ iĕm năr 'nâu, na Kră Yang 'Bok Kei-Dei iĕm gô pôk hơtŏk iĕm hloh kơ adrĕch nai mă oei tơ kơpal teh âu.

Both 4:5

Inh đei bơtho lu iĕm lu nơ̆r tơtă păng khôi juăt Kră Yang 'Bok Kei-Dei inh tơtă boih kơ inh, wă kơ lu iĕm pơm kiơ̆ mưh iĕm mơ̆t oei boih tơ lăm dêh char noh.