Esơra 7:24 - Sơ̆p Hlabơar Nơ̆r 'Bok Kei-Dei

²⁴ Đơ̆ng noh dơ̆ng, inh đei chih roi kơ iĕm băt ưh kơ gơh iŏk thuê̆ tơmam dah jên đơ̆ng 'bok soi, bơngai Lêwi, lu khŭl hơri, bơngai gak 'măng, bơngai Nêthinim, dah lu đam lăm hnam akŭm Kră Yang 'Bok Kei-Dei.

Esơra 7:24 ပူးပေါင်းရင်းမြစ်များ

Bl 47:22

Mă-lei chŭn mir, gah teh lu 'bok soi, Jôsep ưh kơ đei răt ôh, yua kơ lu sư đei phe 'ba đơ̆ng Pharaôn klah asong hai. Thoi ei na lu 'bok soi ưh kơ đei tĕch ôh mir chŭn lu sư.

Bl 47:26

Gah tơdrong noh, Jôsep pơkă minh tơdrong juăt, truh tơ dang ei oei đei, athei thuê̆ teh ăn kơ Pharaôn minh lăm pơđăm chăl mă bơ̆n đei. Lăp dôm lu chŭn mir lu 'bok soi đĕch huay kơ jô̆ tơmam Pharaôn.

Esơra 4:13

Thoi noh, hơpơi kơ ih băt mă nhen, tơdah pơlei âu đei pơm ming dơ̆ng păng dur sư đei man hơtŏk ming, thoi noh đĭ kon pơlei noh ưh pă pơyơ̆r ăn kơ ih dôm tơmam, ưh pă ăn thuê̆ dah ăn jên, na đơ̆ng noh tơdrong răm gô truh kơ ih.

Esơra 4:20

Tơ pơlei Jêrusalem kư̆m đei boih lu pơtao pran kơtang, wei-lăng pơgơ̆r đĭ jơ̆p kơ dêh char gah to đak krong păng lu đe tuh pơyơ̆r ăn tơmam, ăn jên thuê̆ păng ăn jên trong kơ lu pơtao noh.

Esơra 7:7

'Blep lăm sơnăm mă tơpơh, chăl pơtao Artaserses, đei lu kon pơlei Isơrael, lu 'bok soi păng bơngai Lêwi, lu bơngai hơri, lu bơngai gak 'măng păng lu bơngai Nêthinim, đĭ-đăng wih brŏk hơdai sư tơ Pơlei Jêrusalem.

Ne 5:4

Kŭm đei bơngai nai khan dơ̆ng; lu nhôn kư̆m đei pơjao chŭn, mir hơmu, na wă kơ đei jên ăn kơ pơtao.

Mathiơ 9:9

Yêsu năm ataih 'biơ̆ đơ̆ng noh, na Sư 'bôh Mathiơ oei jang 'bơ̆t hnam thuê̆. Yêsu pơtơm sư khan: “Bĕ kiơ̆ Inh.” Na sư gruih iung kiơ̆ hloi Yêsu.