Esơra 7:21 - Sơ̆p Hlabơar Nơ̆r 'Bok Kei-Dei

²¹ Thoi noh, inh boih pơtao Artaserses đei chih roi ăn kơ lu 'bok kuan wei hnam mong tơmam gah bơmơ̆t kơ đak krong khan mă tơmam kiơ Esơra, 'bok soi bơngai bơtho hơgei kơ hla bơar, hlôh băt dôm khôi juăt Kră Yang 'Bok Kei-Dei tơ kơpal plĕnh, gô apinh đơ̆ng lu iĕm, lu iĕm athei ăn hloi.

Esơra 7:21 ပူးပေါင်းရင်းမြစ်များ

Esơra 4:16

Lu nhôn roi tơbăt kơ ih băt tơdah pơlei âu đei pơm ming dơ̆ng păng dur pơlei đe man ming dơ̆ng, tơdrong ei ưh kơ jor, ih gô hiong teh đak gah âu kơ đak krong.

Esơra 4:20

Tơ pơlei Jêrusalem kư̆m đei boih lu pơtao pran kơtang, wei-lăng pơgơ̆r đĭ jơ̆p kơ dêh char gah to đak krong păng lu đe tuh pơyơ̆r ăn tơmam, ăn jên thuê̆ păng ăn jên trong kơ lu pơtao noh.

Esơra 6:6

Thoi noh dang ei, ơ Tatênai pơm 'bok pơgơ̆r gah bơmơ̆t đak krong, Sêthar Bôsênai păng đĭ-đăng lu bơngai bơ̆jang tơ Aphatsak gah to đak krong, athei weh bĕ đơ̆ng noh;

Esơra 7:1

Đơ̆ng rŏng lu tơdrong ei, trŏ kơ lăm chăl Artaserses, pơtao Phersia, đei Esơra, kon drŏ-nglo Sêraia;

Esơra 7:22

Truh đei minh-hrĕng hlak talânga jên hu, minh-hrĕng hnŏngb 'bao 'ba tơ'bâu, minh-hrĕng kơthŭng sik, minh-hrĕng kơthŭngc đak rơmă păng 'boh ưh kơ kĕ jô̆ dôm yơ.

Esơra 7:6

Esơra âu sư wih brŏk đơ̆ng Babilôn. Sư jơ̆ minh 'nu bơngai bơtho hơgei hlôh kloh klĕch khôi juăt Môis, mă Kră Yang Kră Yang 'Bok Kei-Dei đe Isơrael đei chih roi. Yua kơ ti Kră Yang tơgŭm sư, thoi noh pơtao asong ăn dôm tơdrong sư apinh.

Esơra 8:36

Lu sư pơjao hla bơar nơ̆r tơtă đơ̆ng pơtao ăn kơ lu 'bok kuan wei tơring păng ăn kơ lu 'bok kuan wei pơgơ̆r char gah bơmơ̆t đak krong, na lu sư tơgŭm kon pơlei păng tơdrong jang hnam akŭm Kră Yang 'Bok Kei-Dei.

Ne 2:7

Inh kư̆m roi kơ pơtao thoi âu: “Tơdah tơdrong âu ih lăp đon, apinh ih pơjao kơ inh hla bơar kơthơ roi kơ lu pơm yŏng pơgơ̆r char pah to đak krong gơh ăn kơ inh yak năm hlôi truh tơ char Juđa;

Horiso 119:4

Ih đei bơtho pơkă boih tơdrong juăt Ih Wă kơ lu nhôn rok kiơ̆.

Da 6:26

Inh chih tơbăt, ăn jơ̆p kơ lăm dêh char 'bôh, đĭ-đăng athei hli yom tơtơ̆ 'bơ̆t anăp Kră Yang 'Bok Kei-Dei arih ling-lang hlŏng hloi, Kră Yang 'Bok Kei-Dei Đaniel teh đak Sư ưh kơ đei layơ hiong răm păng tơdrong mơsêh mơyang Sư oei oei ling-lang truh năr tôch.