Esơra 6:22 - Sơ̆p Hlabơar Nơ̆r 'Bok Kei-Dei

²² Lăm tơpơh năr lu sư 'blŏk pơm giĕng 'bĕng ưh kơ đei 'buih pông lu sư đei jơhngơ̆m hiôk chơt; yua kơ Kră Yang pơm ăn păng pơm ăn kơ jơhngơ̆m pơtao Asiri đei mơnat, tơgŭm lăm tơdrong pơjing pơm hnam akŭm Kră Yang 'Bok Kei-Dei đe Isơrael.

Esơra 6:22 ပူးပေါင်းရင်းမြစ်များ

II Pot 23:29

Lăm chăl Jôsia pơgơ̆r, 'bok Pharaôn Nêkô, pơtao đe Êyiptơ năm tơ đak Krong Ơphrat, tơgŭm pơtao đe Asiri tơblah. Na Jôsia năm găn tơblah hăm sư. Mă-lei lăp Pharaôn Nêkô tơ'bơ̆p sư, na pơlôch lê̆ sư tơ pơlei Mêgiđô.

II Ho 23:18

Jêhôiada jao kơ lu 'bok soi bơngai Lêwi wei-lăng hnam akŭm Kră Yang, wă pơyơ̆r tơmam soi 'buh kơ Kră Yang, rok thoi lăm sơ̆p hla bơar Khôi Juăt Môis đei chih boih, hơdai hăm hơri ư-ang chơt hiôk kiơ̆ kơ Đawit đei pơkă boih.

II Ho 29:30

Pơtao Hesekia păng lu yŏng pơgơ̆r athei bơngai Lêwi hat hơri bơnê kơ Kră Yang hăm nơ̆r hơri đơ̆ng Đawit păng Asap pơm, Asap, 'bok mă juăt kơ 'bôh adrol; lu sư hat hơri chơt hiôk kŭp kơ̆l kơkuh.

II Ho 30:21

Lu bơngai Isơrael oei tơ lăm pơlei Jêrusalem chơt hiôk pơm giĕng sa 'bĕng ưh kơ đei 'Buih Pông lăm tơpơh năr. Lu bơngai Lêwi păng lu 'bok soi rim năr reh brŏ hat hơri bơnê ư-ang kơ Kră Yang.

II Ho 33:11

Na Kră Yang ăn kơ lu yŏng linh, pơtao Asiri năm wang rôp Manase, chô̆ sư hăm tơlei glang păng tôt muh sư, na chông ba tơ dêh char Babilôn.

II Ho 35:17

Đĭ lu kon pơlei Isơrael đei tơ noh, pơm giĕng Năm Brih minh năr păng pơm giĕng sa 'Bĕng ưh kơ đei 'Buih Pông lăm tơpơh năr.

Esơra 1:1

Sơnăm blŭng-a lăm chăl Sirus, pơtao pơgơ̆r dêh char Phersia, Kră Yang wă pơsĭt nơ̆r Sư đei yua 'bơ̆r Jêrêmi đei khan, na Sư pơm ăn kơ jơhngơ̆m Sirus, pơtao Phersia ră roi jơ̆p-jang kơ teh đak sư kơdih păng kư̆m đei chih hla bơar tơjur nơ̆r sư thoi âu:

Esơra 6:1

Pơtao Đarius sư athei đe chă lăng hơlen tơ lăm anih tah hla bơar, anih mong tơmam tơ Babilôn.

Esơra 7:27

Na Esơra khan thoi âu: Trŏ bơnê ư-ang dêh tơpă kơ Kră Yang Kră Yang 'Bok Kei-Dei lu 'bok yă bơ̆n, đei hơmet jơhngơ̆m pơtao wă hơmet pơrŏ ming hnam akŭm Kră Yang tơ pơlei Jêrusalem.

Ne 13:6

Kơplah dôm tơdrong noh đei truh inh ưh kơ đei oei lăm pơlei Jêrusalem; yua kơ trŏ lăm sơnăm pêng-jĭt 'bar chăl Artaserses pơm pơtao đe Babilôn, inh athei wih brŏk tơ pơtao, đơ̆ng rŏng kơ noh inh apinh phep pơtao gơh yak năm.

Tơdrông Pơđơk 16:7

Dah chăl arih bơngai bu pơhiôk Kră Yang, Na Kră Yang kư̆m ăn lu ayăt oei hiôk hăm sư.

Tơdrông Pơđơk 21:1

Jơhngơ̆m pơtao lăm ti Kră Yang thoi đak glung ro; Sư ăn ro tơ yơ mơ̆ng kơ Sư wă.

Êsêkiên 23:23

Lu bơngai Babilôn, đĭ-đăng lu bơngai Kalđê, đơ̆ng lu pơlei Pêkôt, Soa păng Koa, păng đĭ-đăng lu bơngai Asiri, hơdai hăm lu sư, tơdăm 'lơ̆ng hơbŏ. Đei lu yŏng pơgơ̆r, yŏng lu linh, lu linh hao aseh, lu linh gre aseh, đĭ-đăng lu sư hao aseh.

Mathiơ 26:17

Đe juăt kơ pơm giĕng sa 'Bĕng Mi Ưh Kơ Đei 'Buih Pông tơhngam năr. Na năr mă mônh lăm giĕng noh đe kư̆m juăt kơ sa Giĕng Năm Brih. Na trŏ kơ năr noh lu bơngai pơhrăm păng Yêsu năm jet Sư: “Ih wă kơ nhôn hơmet kơ Ih tơmam sa Giĕng Năm Brih tơ yơ?”

Yo 19:11

Yêsu khan: “Dah 'Bok Kei-Dei ưh kơ ăn ih pơm thoi noh, ih ưh kơ gơh pơm kơ Inh ôh. Yua kơ 'noh bơngai mă pơjao lê̆ Inh kơ ih, sư yoch hloh kơ ih.”