Esơra 6:20 - Sơ̆p Hlabơar Nơ̆r 'Bok Kei-Dei

²⁰ Lu 'bok soi păng bơngai Lêwi, đĭ-đăng lu sư hơmet akâu kơdih wă kơ rơgoh, na pơlôch triu năm brih ăn kơ đĭ-đăng lu bơngai đêl pơm bơnă wih brŏk ăn kơ lu 'nhŏng oh 'bok soi lu sư kơdih păng yua kơ kơdih akâu, pơm sŏng sa giĕng năm brih âu hơdai hăm lu bơngai Isơrael.

Esơra 6:20 ပူးပေါင်းရင်းမြစ်များ

II Ho 29:34

Mă-lei lu 'bok soi lu sư tŏ sĕt dêh ưh kơ kĕ kơ tam lŏng đĭ akar kon sem tơmam soi 'buh ôh; na đei lu 'nhŏng oh sư bơngai Lêwi hơmet akâu lu sư rơgoh kư̆m wang tơgŭm tơdrong jang noh dĭng truh keh, yua kơ lu bơngai Lêwi đĭ jơhngơ̆m pơyơ̆r akâu lu Sư hloh kơ lu 'bok soi.

II Ho 35:11

Lu sư 'bet pơlôch triu pơm tơmam soi pơyơ̆r giĕng Năm Brih, na lu 'bok soi iŏk pham đơ̆ng ti lu sư na tơtreh; lu bơngai Lêwi nai lŏng akar lu kon sem tơmam soi noh.

II Ho 35:14

Đơ̆ng noh, lu sư hơmet 'nhĕm sĕch kơ lu sư kơdih păng kơ lu 'bok soi, yua kơ lu 'bok soi noh, lu sư kon sâu Arôn oei hiơ̆k kơ pơyơ̆r tơmam soi 'buh pơkhôi păng rơmă dĭng truh kơmăng. Thoi ei na lu bơngai Lêwi athei hơmet tơmam sa kơ lu sư kơdih păng lu 'bok soi lu kon sâu Arôn.

II Ho 35:15

Lu bơngai hơri, kon sâu Asap; Hêman păng Jêđuthun, 'bok 'bôh lê̆ adrol pơtao, kư̆m oei dơ̆ng lăm anih lu sư kơdih, kiơ̆ thoi tơdrong juăt Đawit tơtă; lu bơngai gak wei 'măng jang kư̆m ngôi tơ rim 'măng, ưh kơ weh đơ̆ng tơdrong jang sư kơdih, yua kơ 'nhŏng oh lu sư bơngai Lêwi đei hơmet ăn boih tơmam sa kơ lu sư.

Le 12:21

Đơ̆ng noh, Môis krao akŭm lu kră bơngai Isơrael na khan kơ lu sư. “Năm bĕ rôp minh pôm triu kon đơ̆ng lăm khŭl kiơ̆ kơ hnam dơnŏ lu iĕm păng pơlôch sư pơm giĕng Năm Brih.

Hêbrơ 7:27

Lu 'bok soi nai, rim năr lu sư soi kơ 'Bok Kei-Dei. Lu sư soi pơ'lơ̆ng gah tơdrong yoch lu sư kơdih 'mơ̆i, na soi kơ lu kon pơlei pơla. Mă-lei gah Yêsu ưh ôh, Sư soi akâu Sư kơ 'Bok Kei-Dei minh 'măng tơ 'long pơglang tôm boih.