Esơra 6:18 - Sơ̆p Hlabơar Nơ̆r 'Bok Kei-Dei

¹⁸ Lu 'bok soi păng lu bơngai Lêwi kiơ̆ kơ khŭl lu sư klah asong wă bơ̆jang kơ Kră Yang 'Bok Kei-Dei tơ Pơlei Jêrusalem, kiơ̆ thoi lăm sơ̆p hla bơar Môis đei chih.

Esơra 6:18 ပူးပေါင်းရင်းမြစ်များ

I Ho 24:1

'Nâu khŭl kon sâu Arôn: Kon drŏ-nglo Arôn noh Nađap, Abihu, Êlêasar păng Ithamar.

I Ho 24:24

Kon sâu Usiel đei Mika; gah kon sâu Mika đei Samir.

I Ho 25:1

Đawit păng lu yŏng pơgơ̆r linh 'măn lê̆ pha mơ'nah lu kon sâu Asap, Hêman păng Jêđuthun wă bơ̆jang, reh brŏ dung, tĭng-nĭng hăm preh chhar wă pơma khan lê̆ adrol. 'Nâu anăn lu bơngai bơ̆jang.

II Ho 35:10

Tơdrong jang hơmet lê̆ đang boih, lu 'bok soi lu sư dơ̆ng 'bơ̆t anih lu sư kơdih păng lu bơngai Lêwi kiơ̆ kơ khŭl lu sư thoi nơ̆r pơtao tơtă.

II Ho 7:6

Lu 'bok soi dơ̆ng kơtă 'bơ̆t anih kơdih; lu bơngai Lêwi chĕp brŏ hơri bơnê kơ Kră Yang, mă đơ̆ng Đawit pơm sơ̆ wă kơkuh bơnê kơ Kră Yang păng hơri ư-ang kơ Sư: “Tơpă tơdrong Sư 'mêm mơnat oei oei ling-lang.” Lu 'bok soi hlôm keng dơ̆ng 'bơ̆t anăp bơngai Lêwi păng đĭ-đăng kon pơlei bơngai Isơrael iung dang dơ̆ng.

Jo 3:6

Ăn bĕ kơ kon drŏ-nglo Lêwi năm jê̆, 'bơ̆t anăp Arôn 'bok soi tơm, wă kơ lu adrĕch Lêwi awih awăn tơgŭm sư.

Jo 3:9

Thoi noh ih athei jao dôm lu bơngai Lêwi kơ Arôn păng lu kon drŏ-nglo sư; đĭ-đăng lu sư mă đei rơih iŏk đơ̆ng lăm adrĕch bơngai Isơrael Inh jao boih kơ Arôn.