Esơra 6:17 - Sơ̆p Hlabơar Nơ̆r 'Bok Kei-Dei

¹⁷ Gah tơdrong pơm giĕng et sa pơih hnam akŭm keh âu, lu sư pơyơ̆r minh-hrĕng tŏ rơmo dăm, 'bar-hrĕng tŏ triu dăm, puăn-hrĕng tŏ triu tơno păng kiơ̆ kơ lu adrĕch bơngai Isơrael, lu sư pơyơ̆r mơjĭt-'bar tŏ bơbe dăm pơm tơmam soi huai đơ̆ng yoch ăn kơ mơjĭt-'bar adrĕch bơngai Isơrael.

Esơra 6:17 ပူးပေါင်းရင်းမြစ်များ

I Pot 18:31

Êli iŏk mơjĭt-'bar tŏ tơmo kiơ̆ kơsô̆ mơjĭt-'bar adrĕch kon drŏ-nglo Jakôp, bơngai mă nơ̆r Kră Yang khan: “Anăn ih gô krao Isơrael.

I Pot 8:62

Pơtao Sôlômôn, hăm đĭ-đăng lu bơngai Isơrael, oei hăm sư, pơyơ̆r tơmam soi 'bơ̆t anăp Kră Yang.

II Ho 29:24

na 'bok soi pơlôch lu bơbe tơno noh păng mong pham tơtreh tơ kơpal chơnang soi noh wă pơm tơmam soi huai đơ̆ng yoch kơ đĭ-đăng kơ lu kon pơlei Isơrael, yua kơ pơtao đei athei khan pơyơ̆r tơmam soi 'buh wă huai đơ̆ng yoch kơ đĭ kon pơlei Isơrael.

II Ho 7:5

Pơtao Sôlômôn pơyơ̆r tơmam soi 'bar-jĭt 'bar-rơbâu tŏ rơmo păng minh-hrĕng 'bar-jĭt rơbâu tŏ triu păng bơbe, thoi noh pơtao Sôlômôn păng đĭ-đăng kon pơlei pơyơ̆r pơih hloi hnam akŭm 'Bok Kei-Dei.

Esơra 8:35

Lu nhôn bơngai mă đe rôp pơm bơnă gơh wih brŏk dơ̆ng, pơyơ̆r tơmam soi 'buh ăn kơ Kră Yang 'Bok Kei-Dei đe Isơrael đĭ mơjĭt-'bar tŏ rơmo dăm đơ̆ng lăm mơjĭt-'bar adrĕch Isơrael, tơsĭn-jĭt tơdrâu tŏ triu dăm, tơpơh-jĭt tơpơh tŏ triu kon păng mơjĭt-'bar tŏ bơbe dăm wă pơm tơmam soi huai iŏk tơdrong yoch; đĭ-đăng pơm tơmam soi 'buh pơyơ̆r kơ Kră Yang.

Lêwi 4:28

Tơdah tơdrong sư pơm yoch đe tơ'bôh boih kơ sư. Sư athei chĕp ba tơmam soi minh pôm bơbe akăn ưh kơ đei jĭ kiơ wă pơm tơmam soi yua kơ tơdrong yoch sư pơm boih.

Lêwi 4:3

Tơdah 'bok soi mă đei tuh đak rơmă boih na pơm yoch, noh pơm ăn kơ kon pơlei yoch kiơ̆, 'bok soi noh sư athei pơyơ̆r kơ Kră Yang minh pôm rơmo dăm ưh kơ đei jĭ kiơ, yua kơ yoch sư pơm noh.

Luka 22:30

Iĕm gô sŏng sa hơdai păng Inh kơplah Inh pơgơ̆r ning-mônh păng iĕm kư̆m pơm pơtao sek tơlang kơ mơjĭt-'bar khŭl bơngai Isơrael.

Tơdrông Tơ'bôh 21:12

Pơlei ei đei dur tih kơjung păng đei mơjĭt-'bar tŏ 'măng. Rim kơ 'măng đei minh 'nu linh jang 'lơ̆ng gak; tơ 'măng noh đe chih mơjĭt-'bar khŭl adrĕch adrung lu bơngai Isơrael.