Esơra 6:15 - Sơ̆p Hlabơar Nơ̆r 'Bok Kei-Dei

¹⁵ Năr mă pêng khei Adar, trŏ kơ sơnăm mă tơdrâu chăl pơtao Đarius, hnam akŭm âu pơm keh.

Esơra 6:15 ပူးပေါင်းရင်းမြစ်များ

I Pot 8:63

Pơtao Sôlômôn sư, pơyơ̆r tơmam soi kơ Kră Yang, đei 'bar-jĭt 'bar-rơbâu tŏ rơmo tơno, đei minh-hrĕng 'bar-rơbâu tŏ triu, păng bơbe. Đĭ-đăng lu kon pơlei hăm pơtao Sôlômôn chơt hiôk pơyơ̆r pơm keh hnam akŭm Kră Yang.

Esơra 4:24

Thoi noh, tơdrong jang pơjing hnam akŭm kơkuh kơ Kră Yang 'Bok Kei-Dei tơ pơlei Jêrusalem pơdơh dĭng truh tơ sơnăm mă 'bar chăl Đarius pơm pơtao pơgơ̆r dêh char Phersia.

Esơra 5:16

Kơplah noh, Sêsbasar truh đei pơjing ming hnam akŭm Kră Yang 'Bok Kei-Dei tơ pơlei Jêrusalem; păng đơ̆ng noh truh tơ dang ei, đe oei pơm, mă-lei tam mă keh.

Esơra 9:9

Yua kơ lu nhôn tơm hmơm sơ̆ jĭ bơngai pơm đĭch; mă-lei Kră Yang 'Bok Kei-Dei nhôn ưh kơ đei achăng lê̆ lu nhôn kơplah oei pơm đĭch sơ̆, Sư ăn kơ nhôn tơdrong Sư 'mêm sĭt 'bơ̆t anăp pơtao Phersia, wă ăn kơ lu nhôn arih 'biơ̆ wă kơ gơh pơm hnam akŭm Kră Yang 'Bok Kei-Dei lu nhôn păng wă kơ wih pơm ming đêl pơchah răm, kư̆m ăn kơ lu nhôn minh anih oei kơjăp lăm dêh Juđa păng pơlei Jêrusalem.

Esther 3:13

Đe gơih hơtă kơ linh năm ba kơ đĭ-đăng tơring lăm char pơtao Asêrus, wă pơrăm pơlôch đĭ lu adrĕch adrung Juđa mă 'lơ̆p mă 'lŏ mă kră, mă drŏ-kăn, lăm năr mơjĭt-pêng khei mơjĭt-'bar khei Adar păng wă tơgar iŏk mŭk tơmam đơ̆ng lu sư.

Esther 3:7

Lăm khei mônh, khei Nisan, lăm sơnăm mơjĭt-'bar chăl pơtao Asêrus đe dan lê̆ Pur 'bơ̆t anăp Haman wă kơ băt năr păng khei ayơ trŏ kơ pơm kơ lu bơngai Juđa. Lu sư dan lê̆ khŏm khŏm na trŏ kơ khei mơjĭt-'bar, khei Adar.

Esther 8:12

Tơdrong noh gơh pơm lăp minh năr lăm năr mơjĭt-pêng khei mơjĭt-'bar, wă khan khei Adar lăm jơ̆p-jang kơ char pơtao Asêrus pơgơ̆r.

Esther 9:1

Lăm khei mơjĭt-'bar, đe anăn khei Adar, năr mơjĭt-pêng lăm khei âu, kơplah wă jê̆ jơ 'năr nơ̆r pơtao pơkă wă pơsĭt boih, 'bơ̆t năr lu bơngai ayăt kơ adrĕch Juđa khan wă jei lu sư ră, mă-lei tơplih tơdrong lu sư wă noh jing jei lu bơngai Juđa pơgơ̆r plơ̆ lu sư dơ̆ng,

Esther 9:15

Lu bơngai Juđa mă oei lăm pơlei Susa akŭm băl dơ̆ng lăm năr mơjĭt-puăn khei Adar, na pơlôch pêng-hrĕng 'nu bơngai drŏ-nglo lăm pơlei Susa; mă-lei lu sư ưh kơ blah iŏk tơmam dah mŭk măk ôh.

Esther 9:17

Lu sư pơm tơdrong noh lăm năr mơjĭt-pêng khei Adar, năr mơjĭt-puăn lăm khei noh mơ̆n lu sư pơdơh, pơih minh năr pơm năr sŏng sa chơt hiôk.

Esther 9:19

Yua kơ noh lu bơngai Juđa oei lăm pơlei iĕ, iŏk năr mơjĭt-puăn khei Adar pơih minh năr pơm sŏng sa tih chơt hiôk 'blŏk hơdơ̆r pơm năr giĕng pơdơh, lăm năr noh lu sư gơih băl tơmam lăng jơ̆ng ti tơduă lu sư.

Esther 9:21

Sư tơtă wă kơ lu sư răk 'blŏk lăm rim sơnăm 'bơ̆t năr mơjĭt-puăn păng mơjĭt-pơđăm khei Adar,

Sa 1:1

Khei tơhngam sơnăm mă 'bar lăm chăl Đarius pơgơ̆r. Đei nơ̆r Kră Yang pơma hăm Sachari, 'bok khan lê̆ adrol, kon drŏ-nglo Bêrekia, sâu Iđô, thoi âu:

Sa 1:16

Thoi noh Kră Yang khan thoi âu: ‘Inh iŏk jơhngơ̆m 'mêm mơnat dơ̆ng kơ Jêrusalem; Inh gô man pơdơ̆ng hnam Inh dơ̆ng tơ lăm sư, tơlei đak mơ̆k pơtŏ gô dăng tơ pơlei Jêrusalem.’ Kră Yang khan thoi noh.

Sa 4:9

“Đơ̆ng ti Sôrôbabel đei pơjing hnam 'nâu păng ti sư kư̆m gô pơm keh mơ̆n.” Kơplah noh ih gô băt Kră Yang Tih Hloh đei wơh inh năm tơ lu iĕm.