Esơra 6:12 - Sơ̆p Hlabơar Nơ̆r 'Bok Kei-Dei

¹² Apinh Kră Yang 'Bok Kei-Dei, Tơ'ngla mă pơm ăn kơ anăn Sư oei lăm hnam akŭm noh, pơrăm lê̆ pơtao ayơ, kon pơlei ayơ mă pơ̆n yơ̆r ti pơjah hăm nơ̆r đei tơjur âu wă pơrăm hnam akŭm Kră Yang 'Bok Kei-Dei tơ pơlei Jêrusalem. Inh Đarius đei chih tơjur nơ̆r tơtă âu. Athei pơm kiơ̆ nơ̆r âu mă pơ'lơ̆ng!

Esơra 6:12 ပူးပေါင်းရင်းမြစ်များ

I Pot 9:3

Kră Yang khan kơ sư: “Inh kơtơ̆ng bơih dôm nơ̆r ih krao khan apinh 'bơ̆t anăp Inh. Inh 'măn lê̆ pha bơih Hnam 'nâu mă ih pơm wă kơ rơgoh, wă kơ anăn Inh oei lăm noh ling-lang; măt păng jơhngơ̆m Inh gô oei tơ noh ling-lang.

II Ho 7:16

Inh rơih iŏk boih păng ăn kơ hnam âu jing rơgoh ăn kơ anăn Inh oei ling-lang; măt păng jơhngơ̆m đon Inh kư̆m gô oei mơ̆ng lăng tơ noh khŏm khŏm.

Esơra 6:13

Tatênai, 'bok kuan tih pơgơ̆r dêh gah to đak krong, Sêthar Bôsênai păng lu bơngai bơ̆jang hơdai lu sư, lu sư pơm kiơ̆ 'blep trŏ thoi nơ̆r pơtao Đarius đei tơtă.

Esơra 6:14

Thoi noh, lu đe kră pơgơ̆r kon pơlei Juđa pơtơm pơjing ming dơ̆ng hnam akŭm, tơdrong jang pŭn hiôk tơpă, 'blep trŏ thoi nơ̆r Hagai păng Sachari khan lê̆ adrol, kon drŏ-nglo Iđô. Thoi noh lu sư pơm keh hnam akŭm kiơ̆ kơ nơ̆r tơtă đơ̆ng Kră Yang 'Bok Kei-Dei lu đe Isơrael păng kư̆m kiơ̆ kơ nơ̆r tơjur đơ̆ng Sirus, Đarius păng Artaserses pơtao dêh char Phersia.

Esơra 7:15

Ih gô chĕp ba hăm ih lu hu păng maih mă pơtao păng lu bơngai hơgei lăp đon pơyơ̆r kơ Kră Yang 'Bok Kei-Dei đe Isơrael, oei lăm pơlei Jêrusalem.

Esơra 7:17

Ih yua jên âu răt lu rơmo dăm, triu dăm, triu tơno kon hăm phe 'ba tơmam soi pơyơ̆r, na pơyơ̆r tơ kơpal kơ chơnang soi lăm hnam Kră Yang 'Bok Kei-Dei lu iĕm, tơ pơlei Jêrusalem.

Esơra 7:26

Tơdah lu đe bu ưh kơ pơm kiơ̆ khôi juăt Kră Yang 'Bok Kei-Dei ih păng khôi juăt pơtao, na lu iĕm athei sek tơlang phak lu sư hloi, dah pơlôch, dah puh tơweh, dah iŏk đi mŭk tơmam dah rôp phak, kiơ̆ kơ tơdrong sư glăi.

Esther 8:14

Thoi noh lu bơngai năm ba hla bơar noh hao aseh dăm pran kuăng, hăt hot chu kiơ̆ nơ̆r pơtao pơkă athei. Hla bơar noh đe kư̆m đŏk tơbăt kơ kon pơlei lăm pơlei tih Susa.

Horiso 5:10

Ơ Kră Yang, phak lu sư bĕ; Ăn kơ lu sư pơ̆k huŏng tơ lăm tơdrong lu sư pơđâu; Pơpuh bĕ lu sư yua kơ tơdrong yoch kơnê̆ lu sư lơ tơpă, Yua kơ lu sư blah Ih.

Le 20:24

Ih athei pơm kơ Inh minh pôm chơnang soi păng teh, kơpal noh athei pơyơ̆r tơmam soi 'buh hăm tơmam soi hiôk-hian triu dah rơmo, tơ rim anih ayơ mă Inh ăn athei 'blŏk hơdơ̆r kơ Anăn Inh, Inh gô năm tuh ăn tơdrong pŭn hiôk kơ ih tơ noh.

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.

Êsai 60:12

kon pơlei păng teh đak ayơ ưh kơ chu yom kơ ih, lei gô pơlôch pơrăm, lu teh đak kon pơlei noh gô pơrăm pơchah pơchek đĭ.

Ob 1:10

Noh yua kơ đơ̆ng tơdrong kơnê̆ ih pơm kơ oh ih Jakôp, mă ih gô pŭ iŏk mơlâu păng lôch hiong ling-lang hlong hloi!

Jang 9:5

Sôl khan: “Ơ 'Bok, anăn Ih bu?” Kră Yang Yêsu khan: “Inh Yêsu mă ih areh kơ Inh.

Both 12:11

Kơplah noh lu iĕm gô chĕp ba tơmam soi 'buh, tơmam iĕm soi pơyơ̆r iŏk minh lăm mơjĭt, tơmam soi pha, lu tơmam soi 'lơ̆ng hloh, mă lu iĕm drơ̆ng pơkă wă pơyơ̆r ăn kơ Kră Yang tơ anih mă Kră Yang 'Bok Kei-Dei iĕm gô rơih wă ăn Anăn Sư oei.

Both 12:5

Mă-lei lu iĕm athei chă anih ayơ lăm adrĕch Isơrael, mă Kră Yang 'Bok Kei-Dei lu iĕm gô rơih iŏk pơm anih oei păng 'măn Anăn Sư, lu iĕm akŭm kơkuh.

Both 16:2

Tơ lăm anih mă Kră Yang gô rơih wă 'măn lê̆ Anăn Sư oei, iĕm athei iŏk triu dah rơmo, pơyơ̆r pơm Năm Brih ăn kơ Kră Yang 'Bok Kei-Dei.