Esơra 6:11 - Sơ̆p Hlabơar Nơ̆r 'Bok Kei-Dei

¹¹ Inh đei nơ̆r tơtă thoi âu: Tơdah đe bu pơjah hăm nơ̆r inh đei chih tơjur âu, na athei hor iŏk minh pôm 'long hơpok đơ̆ng hnam bơngai noh păng chô̆ hơtol sư tơ noh, yua kơ tơdrong yoch noh, pơm kơ hnam sư jing anih đe tuh 'bruih 'brăm.

Esơra 6:11 ပူးပေါင်းရင်းမြစ်များ

II Pot 10:27

Teh pơchah lê̆ rup man yang Baal, hăm yuih lê̆ hnam sư, pơm kơ anih noh jing anih chă bơyơ̆ng 'bâu ôm, truh tơ dang ei,

II Pot 9:37

Păng atâu sư noh gô hĕch hoch nhen mơ̆r 'bơ̆t teh, tơ lăm mir chŭn Pơlei Jêsreel, dĭng đe mă pă gơh khan: “'Nâu bơih Jêsebel.”

Esơra 7:26

Tơdah lu đe bu ưh kơ pơm kiơ̆ khôi juăt Kră Yang 'Bok Kei-Dei ih păng khôi juăt pơtao, na lu iĕm athei sek tơlang phak lu sư hloi, dah pơlôch, dah puh tơweh, dah iŏk đi mŭk tơmam dah rôp phak, kiơ̆ kơ tơdrong sư glăi.

Esther 5:4

Yă Esther tơl: Tơdah ih lăp đon, apinh ih păng Haman năr âu năm sŏng sa inh đei hơmet ăn kơ ih boih.

Esther 7:10

Thoi noh na đe hrek atol Haman tơ 'long gơ̆ng mă sư đei pơdơ̆ng wă hrek atol Morđêkai. Đơ̆ng noh tơdrong pơtao blĕk ưh pă đei boih.

Da 2:5

Pơtao tơl lu bơngai noh thoi âu: Tơdrong noh lĕch hlôi đơ̆ng inh boih. Tơdah lu iĕm ưh kơ roi kơ inh băt tơdrong apo noh thoi yơ păng tơblang liơ, lei lu iĕm gô lôch sơ̆k akâu, hnam lu iĕm đe kư̆m gô pơrăm đĭ truh tơ hơnă.

Da 3:29

Thoi noh inh ăn nơ̆r tơtă âu: Mă khan kon pơlei ayơ, dêh char ayơ, nơ̆r pơma kiơ, dah đei bu pơma kơnê̆ kơ Kră Yang 'Bok Kei-Dei Sadrak, Mêsak, Abetnigo gô koh pơhĕch sư, hnam dơnŏ noh kư̆m gô jing mơ̆r kơ teh, yua kơ ưh kơ đei yang kiơ mă gơh dŏng pơklaih thoi 'nâu.