Esơra 5:16 - Sơ̆p Hlabơar Nơ̆r 'Bok Kei-Dei

¹⁶ Kơplah noh, Sêsbasar truh đei pơjing ming hnam akŭm Kră Yang 'Bok Kei-Dei tơ pơlei Jêrusalem; păng đơ̆ng noh truh tơ dang ei, đe oei pơm, mă-lei tam mă keh.

Esơra 5:16 ပူးပေါင်းရင်းမြစ်များ

Esơra 3:10

Kơplah lu bơngai man hơnă hnam akŭm Kră Yang, na đei lu 'bok soi dơ̆ng tơ noh hrŭk ao giĕng păng chĕp keng, na lu bơngai Lêwi, kon sâu Asap, đĭ-đăng chĕp chhar, wă ư-ang kơ Kră Yang kiơ̆ thoi khôi juăt Đawit, pơtao Isơrael, đei pơjing.

Esơra 3:8

Sơnăm mă 'bar khei 'bar, đơ̆ng rŏng lu sư brŏk tơ hnam akŭm Kră Yang 'Bok Kei-Dei tơ pơlei Jêrusalem, Serubabel, kon drŏ-nglo Sêathiel păng Jêsua kon drŏ-nglo Jôsađăk, lu 'nhŏng oh, lu 'bok soi păng bơngai Lêwi, hăm đĭ-đăng lu bơngai mă đe rôp pơm bơnă 'nao wih brŏk tơ pơlei Jêrusalem, đĭ-đăng wang pơtơm pơm pơjing hnam akŭm; Lu sư ăn bơngai Lêwi đơ̆ng 'bar-jĭt sơnăm năm tơ kơpal, wă kơ wei-lăng tơdrong jang pơm pơjing hnam akŭm Kră Yang.

Esơra 5:14

Pơtao Sirus kư̆m đei iŏk pơdrâu dôm lu tơmam kơthao hu, maih đơ̆ng lăm hnam yang Babilôn mă pơtao Nebukatnessar đei iŏk đơ̆ng lăm hnam akŭm Kră Yang 'Bok Kei-Dei tơ pơlei Jêrusalem, na chĕp ba tơmam noh tơ hnam yang Babilôn; Sirus pơjao ăn kơ Sêsbasar, mă sư đei ăn pơm 'bok yŏng pơgơ̆r,

Esơra 5:15

păng khan kơ sư thoi âu: Iŏk bĕ dôm pơnhan tơmam gĭt 'nâu, năm 'măn tơ hnam akŭm tơ pơlei Jêrusalem păng pơjing pơm ming dơ̆ng hnam Kră Yang 'Bok Kei-Dei 'bơ̆t anih so sư.

Esơra 5:2

Đei Serubabel, kon drŏ-nglo Sêathiel păng Jêsua kon tơdăm Jôsađăk, bre sư iung, tơgŭm pơtơm pơjing hnam akŭm kơkuh kơ Kră Yang 'Bok Kei-Dei tơ pơlei Jêrusalem păng đei lu 'bok khan lê̆ adrol Kră Yang 'Bok Kei-Dei wang tơgŭm.

Esơra 6:15

Năr mă pêng khei Adar, trŏ kơ sơnăm mă tơdrâu chăl pơtao Đarius, hnam akŭm âu pơm keh.

Hagai 2:18

Dang ei tơchĕng bĕ; đơ̆ng năr 'nâu tơ adrol ki, wă khan iŏk đơ̆ng năr 'bar-jĭt puăn khei tơsĭn đơ̆ng năr man pơjing hơnă hnam akŭm 'Bok Kei-Dei, tơchĕng bĕ kơ tơdrong noh;

Sa 4:10

Yua kơ bu pơ̆n pơjăm kơ năr tơdrong iĕ âu? Sư gô chơt hiôk 'bôh tơlei dăng pơtŏ 'bơ̆t ti Sôrôbabel.* Đei tơpơh tŏ măt 'nâu măt Kră Yang năm tơmang lăng jơ̆p kơ teh đak.

Sa 4:9

“Đơ̆ng ti Sôrôbabel đei pơjing hnam 'nâu păng ti sư kư̆m gô pơm keh mơ̆n.” Kơplah noh ih gô băt Kră Yang Tih Hloh đei wơh inh năm tơ lu iĕm.

Yo 2:20

Lu bơngai Juđê khan: “Thoi yơ Ih kĕ? Đe jang pơm hnam âu sơ̆ puăn-jĭt tơdrâu sơnăm 'mơ̆i na gơh keh; na Ih khan kơtĕch pêng năr đĕch keh hloi.”