Esơra 4:19 - Sơ̆p Hlabơar Nơ̆r 'Bok Kei-Dei

¹⁹ Kiơ̆ dôm nơ̆r inh đei tơtă kơ lu iĕm, đe kư̆m đei lăng hơlen boih, đei 'bôh sơ̆ pơlei âu đei iung blah hăm lu pơtao păng lăm noh đei lơ tơdrong tơblơ̆ tơblĕnh păng tơdrong khŭl hơlĕnh.

Esơra 4:19 ပူးပေါင်းရင်းမြစ်များ

II Pot 18:7

Kră Yang oei hơdai hăm sư; dôm sư pơm kiơ, dah jang kiơ gơh jing. Sư blah pơtao đe Asiri, ưh pă chu kơ pơtao ei dơ̆ng.

II Pot 24:20

Tơdrong Kră Yang hil mĭl Sư ăn truh bơih kơ Pơlei Jêrusalem păng dêh Juđa, Kră Yang mah puh tơweh lê̆ lu sư đơ̆ng muh măt Kră Yang. Na Sêđekia iung blah pơtao đe Babilôn.

Esơra 4:15

ih lăng lăm hla bơar chih răk lu 'bok kră ih: Wă kơ băt lăm hla bơar hơ'mon noh roi băt kơ pơlei 'nâu, 'nâu pơlei mă juăt kơ blơ̆ blĕch pơm pơrăm pơtao, păng dêh char; đơ̆ng sơ̆ boih, đe juăt kơ tơblah băl tơ noh; yua kơ tơdrong ei boih na pơlei âu pơchah jing juơ ưh pă đei dơ̆ng.

Esơra 4:18

Kơthơ lu iĕm chih roi noh đei truh tơ inh đei đŏk tơblang rơđah nhen 'bơ̆t anăp inh boih.

Esơra 4:20

Tơ pơlei Jêrusalem kư̆m đei boih lu pơtao pran kơtang, wei-lăng pơgơ̆r đĭ jơ̆p kơ dêh char gah to đak krong păng lu đe tuh pơyơ̆r ăn tơmam, ăn jên thuê̆ păng ăn jên trong kơ lu pơtao noh.

Esơra 5:17

Thoi noh dang ei, dah ih lăp đon, chă lăng pơnhen bĕ lăm anih tah răk hla bơar tơ dêh Babilôn, lăng lăng hăm trŏ kơ pơtao Sirus đei tơjur ăn gơh pơm ming dơ̆ng hnam akŭm Kră Yang 'Bok Kei-Dei tơ pơlei Jêrusalem dah ưh. Đơ̆ng noh, apinh ih ăn kơ nhôn băt, bơtho lu nhôn wă kơ lu nhôn pơm kiơ̆ thoi ih wă.”

Tơdrông Pơđơk 25:2

Lăm tơdrong kiơ oei hlơp, noh boih tơdrong ư-ang kơ Kră Yang 'Bok Kei-Dei. Tơdrong lu pơtao chơchă wă kơ băt noh tơdrong ư-ang kơ lu sư.

Both 13:14

na iĕm athei chă apinh lăng, pơnhen hơlen mă hơđăl. Tơdah tơdrong noh đei tơpă tơdrong kơnê̆ noh đei pơm tơpă tơ lăm lu iĕm,