Esơra 4:16 - Sơ̆p Hlabơar Nơ̆r 'Bok Kei-Dei

¹⁶ Lu nhôn roi tơbăt kơ ih băt tơdah pơlei âu đei pơm ming dơ̆ng păng dur pơlei đe man ming dơ̆ng, tơdrong ei ưh kơ jor, ih gô hiong teh đak gah âu kơ đak krong.

Esơra 4:16 ပူးပေါင်းရင်းမြစ်များ

II Sam 8:3

Đawit blah Hadadêser kon tơdăm pơtao Rêhôp dêh Sôba; kơplah pơtao 'nâu oei wă năm lăm tơring đak Krong Ơphrat wă pơdơ̆ng ming 'blŏk kơ tơdrong sư pơgơ̆r.

I Pot 4:24

Sôlômôn pơgơ̆r jơ̆p kơ dêh char gah bơmơ̆t kơ đak Krong Ơphrat, sư pơgơ̆r hloi lu pơtao dêh char noh, đơ̆ng pơlei Tipsa truh tơ pơlei Gasa păng sư oei hiôk hơiă hăm kon pơlei pơla jum dăr kơ sư.a

Esơra 4:15

ih lăng lăm hla bơar chih răk lu 'bok kră ih: Wă kơ băt lăm hla bơar hơ'mon noh roi băt kơ pơlei 'nâu, 'nâu pơlei mă juăt kơ blơ̆ blĕch pơm pơrăm pơtao, păng dêh char; đơ̆ng sơ̆ boih, đe juăt kơ tơblah băl tơ noh; yua kơ tơdrong ei boih na pơlei âu pơchah jing juơ ưh pă đei dơ̆ng.

Esơra 4:17

Pơtao hloi chih hla bơar tơjur nơ̆r tơtă ăn kơ yŏng linh Rêhum, ăn kơ Simsai bơngai chih hla bơar păng ăn kơ đĭ-đăng lu bơngai bơ̆jang oei lăm Samari păng oei lăm dêh nai gah bơmơ̆t kơ đak krong, thoi âu: Hơpơi ăn kơ lu iĕm đei tơdrong hiôk-hian.

Esơra 4:20

Tơ pơlei Jêrusalem kư̆m đei boih lu pơtao pran kơtang, wei-lăng pơgơ̆r đĭ jơ̆p kơ dêh char gah to đak krong păng lu đe tuh pơyơ̆r ăn tơmam, ăn jên thuê̆ păng ăn jên trong kơ lu pơtao noh.