Esơra 4:14 - Sơ̆p Hlabơar Nơ̆r 'Bok Kei-Dei

¹⁴ Yua kơ lu nhôn đei sa yua đơ̆ng hnam pơtao ih păng lu nhôn 'maih wă lăng hă tơdrong răm gô truh kơ ih thoi noh, lei na lu nhôn wơh bơngai năm roi ăn kơ ih băt,

Esơra 4:14 ပူးပေါင်းရင်းမြစ်များ

Esơra 4:13

Thoi noh, hơpơi kơ ih băt mă nhen, tơdah pơlei âu đei pơm ming dơ̆ng păng dur sư đei man hơtŏk ming, thoi noh đĭ kon pơlei noh ưh pă pơyơ̆r ăn kơ ih dôm tơmam, ưh pă ăn thuê̆ dah ăn jên, na đơ̆ng noh tơdrong răm gô truh kơ ih.

Esơra 4:15

ih lăng lăm hla bơar chih răk lu 'bok kră ih: Wă kơ băt lăm hla bơar hơ'mon noh roi băt kơ pơlei 'nâu, 'nâu pơlei mă juăt kơ blơ̆ blĕch pơm pơrăm pơtao, păng dêh char; đơ̆ng sơ̆ boih, đe juăt kơ tơblah băl tơ noh; yua kơ tơdrong ei boih na pơlei âu pơchah jing juơ ưh pă đei dơ̆ng.

Êsêkiên 33:31

Lu sư năm tơ ih thoi kon pơlei Inh juăt kơ năm, lu sư năm mơ̆ng nơ̆r ih thoi kon pơlei Inh; mă-lei lu sư ưh kơ pơm kiơ̆ tơdrong noh ôh 'bơ̆r lu sư pơm khan 'mêm mơnat, jơhngơ̆m lu sư chă tơdrong đei lơi yua kơdih akâu.