Esơra 2:68 - Sơ̆p Hlabơar Nơ̆r 'Bok Kei-Dei

⁶⁸ Đei lu kră kơdră lăm adrĕch adrung kơplah lu sư năm truh boih tơ hnam akŭm Kră Yang tơ pơlei Jêrusalem, na pơyơ̆r tơmam lu sư đei păng lăp đon lăm hnam Kră Yang 'Bok Kei-Dei, wă pơdơ̆ng pơm ming 'bơ̆t anih so.

Esơra 2:68 ပူးပေါင်းရင်းမြစ်များ

I Ho 21:18

Kơplah noh linh jang 'lơ̆ng Kră Yang khan kơ Gat athei khan kơ Đawit: Ih athei năm pơm minh pôm chơnang soi kơ Kră Yang tơ anih pơjuă 'ba Ôrnan bơngai Jêbus.”

I Ho 22:1

Na Đawit khan. “'Bơ̆t âu gô pơm hnam Kră Yang 'Bok Kei-Dei; păng 'bơ̆t âu boih anih chơnang soi 'buh kơ lu bơngai Isơrael.”

II Ho 3:1

Sôlômôn pơtơm pơm hnam akŭm kơ Kră Yang lăm pơlei Jêrusalem, kơpal kông Môria, anih mă Kră Yang đei jur tơ'bôh kơ Đawit, 'bă sư, tơ anih mă Đawit đei rơ̆ng hơmet, 'bơ̆t anih pơjuă 'ba Arauna, bơngai Jêbus.

Esơra 2:67

Puăn-hrĕng pêng-jĭt pơđăm tŏ aseh lăk-đa păng tơdrâu-rơbâu tơpơh-hrĕng 'bar-jĭt tŏ aseh iĕ.

Esơra 2:69

Kiơ̆ kơ kĕ đei lu sư kơdih pơyơ̆r 'măn tơ lăm hnam mong tơmam wă pơm hnam akŭm đei tơdrâu-jĭt mônh rơbâu đariêka maih pơđăm-rơbâu minab hu păng minh-hrĕng blah hơbĕn ao 'bok soi.

Esơra 3:3

Lu sư hli kơ kon pơlei kơtă, mă-lei pơm ming chơnang soi tơ hơnă so sư păng soi pơyơ̆r tơmam soi kơ Kră Yang tơ noh, wă khan tơmam soi 'buh gah pơgê păng kơsơ̆.

Esơra 9:9

Yua kơ lu nhôn tơm hmơm sơ̆ jĭ bơngai pơm đĭch; mă-lei Kră Yang 'Bok Kei-Dei nhôn ưh kơ đei achăng lê̆ lu nhôn kơplah oei pơm đĭch sơ̆, Sư ăn kơ nhôn tơdrong Sư 'mêm sĭt 'bơ̆t anăp pơtao Phersia, wă ăn kơ lu nhôn arih 'biơ̆ wă kơ gơh pơm hnam akŭm Kră Yang 'Bok Kei-Dei lu nhôn păng wă kơ wih pơm ming đêl pơchah răm, kư̆m ăn kơ lu nhôn minh anih oei kơjăp lăm dêh Juđa păng pơlei Jêrusalem.

Horiso 110:3

Lu kon pơlei pơgơ̆r lu sư kơdih năm. Năm năr Ih năm tơblah, pơdah tơdrong mơsêh Ih, Nhen thoi đak ngom pơgê hrôih. Lu bơngai hơmuh hơmŏng pơguăng ao rơgoh năm tơ Ih.

Le 25:2

Athei khan kơ bơngai Isơrael pơyơ̆r tơmam ăn kơ Inh; ih athei iŏk tơmam đơ̆ng bơngai bu đei jơhngơ̆m hiôk pơyơ̆r ăn kơ Inh noh.

Le 35:21

Đĭ-đăng lu bơngai đei jơhngơ̆m pơdrŭt, hăm lu bơngai mă đei jơhngơ̆m 'maih wă, chĕp ba tơmam pơyơ̆r ăn kơ Kră Yang, wă yua lăm tơdrong jang pơm Bơsŭn Anih Akŭm kơkuh păng đĭ-đăng tơdrong jang kăl lăm noh, hăm pơm hơbĕn ao rơgoh 'lơ̆ng.

Le 35:29

Đĭ-đăng lu drŏ-nglo drŏ-kăn lăm kon pơlei pơla Isơrael. Đei jơhngơ̆m pơdrŭt wă tơgŭm tơdrong jang Kră Yang pơkă kơ Môis noh, lu sư chĕp ba tơmam pơyơ̆r kơ Kră Yang kiơ̆ thoi lu sư wă kơdih.

Le 36:3

Lu sư iŏk đơ̆ng Môis dôm tơmam pơyơ̆r đơ̆ng kon pơlei pơla Isơrael ba ăn wă yua pơm Bơsŭn Anih Akŭm rơgoh 'lơ̆ng. Rim pơgê đei bơngai năm ba tơ Môis tơmam pơyơ̆r kiơ̆ thoi tơdrong kăl yua.

II Kor 8:12

Mă tơ̆ng iĕm 'maih ra jên hơdai bôl ră, mă iĕm ưh kơ đei, noh huay ôh, 'Bok Kei-Dei kư̆m hiôk mơ̆n.

II Kor 8:3

Inh khan tơpă, lu sư ra jên ra tơmam kiơ̆ kơ lu sư đei, phŏ lu sư kư̆m ăn hloh kơ lu sư đei. Mă-lei tơdrong noh ưh kơ sĭ kơ nhôn pơgŏ ôh, lu sư lăp đon kơdih.

II Kor 9:7

Rim 'nu athei ăn kiơ̆ kơ đon sư 'maih kơdih, ăn athei ăn kiơ̆ kơ jơhngơ̆m mă hiôk, 'nĕ kơ ăn thoi đe pơgŏ, yua kơ 'Bok Kei-Dei 'mêm kơ lu bơngai mă ăn hiôk kơ jơhngơ̆m.