Esơra 2:63 - Sơ̆p Hlabơar Nơ̆r 'Bok Kei-Dei

⁶³ 'Bok pơgơ̆r ưh kơ ăn lu sư sa tơmam rơgoh 'lơ̆ng tôch bơneh wă gô dĭng truh tơ layơ đei 'bok soi yua Urim păng Thumim mă krao apinh Kră Yang 'Bok Kei-Dei. Wă kơ băt lu sư hăm trŏ kơ adrĕch 'bok soi ưh.

Esơra 2:63 ပူးပေါင်းရင်းမြစ်များ

Esơra 2:64

Jô̆ đĭ-đăng kon pơlei đei puăn-jĭt 'bar-rơbâu pêng-hrĕng tơdrâu-jĭt 'nu,

Ne 10:1

'Nâu anăn lu bơngai chơ̆m tơdra pơsĭt lăm pơgơ̆p ei: Nêhêmi pơm kră pơgơ̆r, kon drŏ-nglo Hakalia păng Sêđekia,

Ne 10:2

Sêraia, Asaria, Jêrêmi,

Ne 7:65

Kră wei-lăng pơlei pơkă ưh kơ ăn sa tơmam rơgoh 'lơ̆ng dĭng truh tơ đei minh 'nu 'bok soi gơh yua Urim păng Thumim iung apinh.

Ne 8:9

Nêhêmi kră pơgơ̆r, Esơra 'bok soi păng pơm thây bơtho khôi juăt, lu bơngai Lêwi mă bơtho kon pơlei, kư̆m pơma khan kơ đĭ-đăng Isơrael thoi âu! 'Năr 'nâu jơ̆ 'lơ̆ng rơgoh ăn kơ Kră Yang 'Bok Kei-Dei lu iĕm; 'nĕ kơ sơ'ngon, kư̆m 'nĕ kơ nhơ̆m hmoi, yua kơ kon pơlei nhơ̆m kơplah lu sư kơtơ̆ng đŏk dôm lu nơ̆r khôi juăt.

Le 28:30

Ih dan lăm bơnal 'băk tơ kơtơh gah tơdrong sek tơlang, Urim hăm Thumim,a wă kơ kơplah Arôn truh 'bơ̆t anăp Kră Yang na dôm tơmam noh gô jê̆ lăm jơhngơ̆m Arôn kơdih, thoi noh Arôn gô yua Urim păng Thumim wă kơ băt sek tơlang lu kon drŏ-nglo Isơrael kiơ̆ thoi Kră Yang wă.*

Lêwi 2:10

Dôm tơmam soi phe 'ba mă oei đei gô lê̆ đĭ kơ Arôn păng kon drŏ-nglo sư; noh jơ̆ tơmam soi 'lơ̆ng rơgoh hloh lăm lu tơmam soi soh hăm ŭnh sa pơyơ̆r kơ Kră Yang.

Lêwi 2:3

Dôm tơmam kiơ oei đei, đơ̆ng tơmam pơyơ̆r tơpŭng lê̆ đĭ kơ lu 'bok soi kon drŏ-nglo Arôn. Noh jơ̆ tơmam 'lơ̆ng rơgoh lăm lu tơmam pơyơ̆r soh hăm ŭnh sa mă pơyơ̆r ăn kơ Kră Yang.

Lêwi 22:10

Minh 'nu bơngai tơmoi ưh kơ gơh sa tơmam rơgoh 'lơ̆ng ôh, bơngai tơmoi chă oei lăm hnam 'bok soi dah bơngai chă jang mưng kơ đe kư̆m ưh kơ gơh sa tơmam rơgoh 'lơ̆ng.

Lêwi 22:13

Păng tơdah kon adruh 'bok soi adro, dah klo sư achăng lê̆, ưh kơ đei hơ'lơ̆p ôh, na wih brŏk tơ hnam 'bă sư thoi oei 'lơ̆p sơ̆ lei sư gơh sa tơmam 'bă sư. Mă-lei ưh kơ đei bơngai tơmoi ayơ gơh sa tơmam noh ôh.

Lêwi 6:17

Ưh kơ gơh pai tơpŭng noh hăm 'buih ôh, Inh ăn kơ sư minh pah tơmam pơyơ̆r yua soh hăm ŭnh, Noh jing tơmam rơgoh hloh. Thoi tơmam pơyơ̆r huai đơ̆ng yoch păng tơmam huai đơ̆ng tơdrong hơch 'bơm kơ pơm yoch.

Lêwi 6:29

Rim 'nu bơngai drŏ-nglo lăm lu 'bok soi gơh sa 'nhĕm noh; noh jing tơmam rơgoh hloh.

Lêwi 7:16

Tơdah tơmam pơyơ̆r âu yua kơ tơdrong pơkă dah tơmam pơyơ̆r 'maih wă, đe gô sa tơmam soi noh lăm năr mă pơyơ̆r tơdah oei rơkah gơh sa năr dơning dơ̆ng.

Lêwi 8:8

Sư atol bơnal tơ kơtơh păng pơklep Urim păng Thumim.

Jo 18:19

Inh pơkă 'nâu ling-lang ăn kơ ih, lu kon drŏ-nglo lu kon drŏ-kăn ih, đĭ-đăng tơmam pơyơ̆r 'lơ̆ng rơgoh mă bơngai Isơrael đei pơyơ̆r kơ Kră Yang; noh tơdrong pơgơ̆p pơkă 'bohb pơm ling-lang, ưh kơ gơh hiơt ôh, 'bơ̆t anăp Kră Yang ăn kơ ih păng adrĕch adrung ih.

Jo 18:32

Yua kơ thoi noh tơdah lu iĕm đei pơyơ̆r boih tơmam mă 'lơ̆ng hloh ăn kơ Kră Yang, lu iĕm huay pă pŭ tơdrong yoch boih, lu iĕm huay pă pơm 'mê̆-'mach kơ dôm lu tơmam 'lơ̆ng rơgoh bơngai Isơrael, lu iĕm huay kơ lôch ôh.

Jo 27:21

Sư gô năm dơ̆ng 'bơ̆t anăp 'bok soi, Êlêasar, sư apinh Urim 'bơ̆t anăp Kră Yang ăn kơ Jôsuê wă kơ sư băt sek tơdrong liơ, Jôsuê păng đĭ-đăng kon pơlei Isơrael athei kiơ̆ dôm tơdrong jang lu sư gô mơ̆t dah gô lĕch.

Both 33:8

Môis sơkat kơ Lêwi thoi âu: Thumim păng Urimb Ih ăn boih kơ bơngai băt hli yom wei răk. Bơngai mă Ih pơlong lăng boih tơ Masa, bơngai mă Ih đei pơjah pơjăng boih tơ đak Mêriba;

I Sam 28:6

Sôl krao khan kơ Kră Yang; mă-lei Kră Yang ưh kơ đei tơl nơ̆r sư, lăm tơdrong apo, dah đơ̆ng Urim dah đơ̆ng 'bơ̆r lu bơngai khan lê̆ adrol.