Esơra 2:58 - Sơ̆p Hlabơar Nơ̆r 'Bok Kei-Dei

⁵⁸ Akŭm dôm lu bơngai awih awăn lăm hnam akŭm păng lu kon sâu lu đĭch đam Sôlômôn, đĭ-đăng pêng-hrĕng tơsĭn-jĭt 'bar 'nu.

Esơra 2:58 ပူးပေါင်းရင်းမြစ်များ

I Pot 9:20

Đĭ-đăng lu bơngai mă oei arih đơ̆ng lu bơngai Amôrit, bơngai Hêtit bơngai Phêrisit, bơngai Hêwit păng lu bơngai Jêbus, lu sư ưh kơ trŏ kơ bơngai Isơrael ôh.

I Pot 9:21

Dôm lu kon sâu sư mă oei arih lăm dêh char mă lu bơngai Isơrael ưh kơ kĕ pơlôch pơđĭ 'noh, na Sôlômôn rôp lu sư pơm đĭch bơ̆jang truh tơ dang ei.

I Ho 9:2

'Nâu, lu bơngai brŏk blŭng-a tơ teh đak tơ pơlei lu sư kơdih bơngai Isơrael, lu 'bok soi, lu bơngai Lêwi păng lu bơngai Nêthirim.

Esơra 2:57

kon sâu Sêphatia, kon sâu Hatil, kon sâu Pôkêrêt, kon sâu Hasêbaim păng kon sâu Ami.

Esơra 2:59

'Nâu jơ̆ lu bơngai oei tơ lăm pơlei Tênmêla. Têlatsa, Kêrup, Ađôn păng Immer wih brŏk tơ pơlei Jêrusalem, ưh pă đei roi hơđăl lu oei lăm adrĕch bơngai Isơrael dah ưh:

Esơra 7:7

'Blep lăm sơnăm mă tơpơh, chăl pơtao Artaserses, đei lu kon pơlei Isơrael, lu 'bok soi păng bơngai Lêwi, lu bơngai hơri, lu bơngai gak 'măng păng lu bơngai Nêthinim, đĭ-đăng wih brŏk hơdai sư tơ Pơlei Jêrusalem.

Ne 3:26

Đơ̆ng noh bơngai Nêthiniam awih awăn lăm hnam Kră Yang oei tơ hnam thôt Ôphêl man hơmet truh tơ anih tơklă 'măng jang Đak tơ gah hơlĕch, truh tơ hnam Thôt kơjung.

Ne 7:60

Akŭm pơđĭ lu đĭch đam kră hnam yang păng kon sâu lu đĭch đam Sôlômôn, pêng-hrĕng tơsĭn-jĭt 'bar 'nu.

Bôk Bơthô 2:7

Inh răt lu đĭch đam drŏ-nglo drŏ-kăn, đơ̆ng noh đĭch đam đei kon hơ'lơ̆p lơ lăm hnam nhôn inh đei khŭl rơmo, khŭl triu lơ hloh kơ đĭ-đăng bơngai pơtao oei tơ pơlei Jêrusalem adrol kơ inh.

Jôsuê 9:21

Lu kră wei-lăng Isơrael khan dơ̆ng lê̆ lu sư arih, mă-lei lê̆ lu sư chă kăl 'long ŭnh, chhŏ đak ăn kơ lu khŭl tơpôl. Thoi noh lu sư wei răk nơ̆r lu kră pơgơ̆r khan.

Jôsuê 9:23

Dang ei đe hiap pơtê̆ boih, đĭ-đăng lu iĕm gô pơm đĭch, mơ'nah lu iĕm chă kăl 'long ŭnh, tung đak, lăm hnam 'Bok Kei-Dei inh.

Jôsuê 9:27

Đơ̆ng năr noh chă wơh ăn lu sư chă kăl 'long ŭnh, chhŏ đak kơ khŭl tơpôl păng kơ chơnang soi Kră Yang kiơ̆ kơ anih mă Kră Yang đei rơih iŏk, noh tơdrong jang kơ lu sư noh dĭng truh tơ dang ei.