Esơra 1:6 - Sơ̆p Hlabơar Nơ̆r 'Bok Kei-Dei

⁶ Lu kon pơlei oei lăm tơring ei lu sư tơgŭm tơmam ngăl, ăn kơ lu sư tơmam păng hu păng maih, mŭk tơmam, sem dơrong păng dôm lu tơmam gĭt, ưh kơ jô̆ lu tơmam mă đe đei pơyơ̆r nai.

Esơra 1:6 ပူးပေါင်းရင်းမြစ်များ

I Ho 29:9

Kon pơlei chơt hiôk gah tơdrong lu sư kơdih akâu đei pơyơ̆r, lu sư đĭ jơhngơ̆m pơyơ̆r kơ Kră Yang; păng pơtao Đawit kư̆m chơt hiôk dêh.

Esơra 1:4

Lu bơngai Juđa mă oei arih, mă khan oei tơ yơ, kon pơlei mă tơ anih lu sư oei, athei tơgŭm lu sư hu, maih, mŭk tơmam, sem dơrong, wă pơm hnam akŭm Kră Yang 'Bok Kei-Dei, ưh kơ jô̆ lu tơmam đei pơyơ̆r boih tơ lăm hnam akŭm Kră Yang 'Bok Kei-Dei tơ pơlei Jêrusalem.

Esơra 8:33

Năr mă puăn, lu nhôn kŏng lăng dơ̆ng lu hu, maih păng lu tơmam yua lăm hnam Kră Yang 'Bok Kei-Dei, đơ̆ng noh pơjao ăn kơ Mêrêmôt, kon drŏ-nglo 'bok soi Uri, 'bok soi hơdai hăm sư đei Êlêasar, kon drŏ-nglo Phinêhas, Jôsabat kon drŏ-nglo Jêsua păng Nôađia, kon drŏ-nglo Binnui, bơngai Lêwi.

Ne 6:9

Yua kơ lu sư wă tơhli lu nhôn; inh păng đĭ-đăng nhôn hli; lu sư khan: Ti lu sư gô gleh lap, ưh pă gơh jang dơ̆ng, na dang ei hloi, ơ Kră Yang pơm bĕ kơ ti inh jing pran.

Horiso 106:46

Sư kư̆m ăn kơ lu sư đei pŭn hiôk 'bơ̆t anăp lu bơngai mă rôp lu sư pơm bơnă.

Horiso 110:3

Lu kon pơlei pơgơ̆r lu sư kơdih năm. Năm năr Ih năm tơblah, pơdah tơdrong mơsêh Ih, Nhen thoi đak ngom pơgê hrôih. Lu bơngai hơmuh hơmŏng pơguăng ao rơgoh năm tơ Ih.

Le 12:35

Lu kon pơlei Isơrael pơm kiơ̆ lei-lăi thoi nơ̆r Môis tơtă. Lu sư apinh dôm tơmam gĭt, hu dah maih truh kơ ao tai đơ̆ng lu bơngai Êyiptơ.

Le 12:36

Kră Yang pơm ăn kơ kon pơlei Isơrael đei tơdrong mơnat 'bơ̆t anăp lu bơngai Êyiptơ, na ăn kơ lu sư. Kiơ̆ thoi lu sư apinh. Thoi noh kon pơlei Isơrael tơgar iŏk đĭ-đăng tơmam đơ̆ng bơngai Êyiptơ.

Êsai 35:3

Pơm ăn bĕ lu ti rơdu mă jăng, pơm ăn kơ lu kŭl-tăng rơdu mă kơjăp!

II Kor 9:7

Rim 'nu athei ăn kiơ̆ kơ đon sư 'maih kơdih, ăn athei ăn kiơ̆ kơ jơhngơ̆m mă hiôk, 'nĕ kơ ăn thoi đe pơgŏ, yua kơ 'Bok Kei-Dei 'mêm kơ lu bơngai mă ăn hiôk kơ jơhngơ̆m.