Esơra 1:5 - Sơ̆p Hlabơar Nơ̆r 'Bok Kei-Dei

⁵ Kơplah noh, lu kơdră adrĕch Juđa păng Bênjamin, lu 'bok soi păng bơngai Lêwi, đĭ-đăng dôm lu đe bu mă Kră Yang 'Bok Kei-Dei đei pơtrŭt lăm jơhngơ̆m lu sư wă, năm pơjing hnam akŭm Kră Yang tơ pơlei Jêrusalem.

Esơra 1:5 ပူးပေါင်းရင်းမြစ်များ

II Ho 36:22

Lăm sơnăm blŭng-a chăl Sirus pơm pơtao Persia, Kră Yang wă pơsĭt nơ̆r Sư mă Jêrêmi đei khan adrol boih, Kră Yang pơm ăn kơ jơhngơ̆m Sirus pơtao Persia, wă kơ sư roi tơbăt tơ jơ̆p-jang teh đak sư, hăm chih hla bơar roi tơbăt khan:

Esơra 1:1

Sơnăm blŭng-a lăm chăl Sirus, pơtao pơgơ̆r dêh char Phersia, Kră Yang wă pơsĭt nơ̆r Sư đei yua 'bơ̆r Jêrêmi đei khan, na Sư pơm ăn kơ jơhngơ̆m Sirus, pơtao Phersia ră roi jơ̆p-jang kơ teh đak sư kơdih păng kư̆m đei chih hla bơar tơjur nơ̆r sư thoi âu:

Esơra 1:2

Sirus pơtao Phersia, khan thoi âu: Kră Yang Kră Yang 'Bok Kei-Dei đei ăn kơ inh pơgơ̆r dôm lu dêh char lăm teh đak păng kơdih Sư athei inh pơm kơ Sư minh pôm hnam akŭm tơ pơlei Jêrusalem, lăm dêh Juđa.

Esơra 1:4

Lu bơngai Juđa mă oei arih, mă khan oei tơ yơ, kon pơlei mă tơ anih lu sư oei, athei tơgŭm lu sư hu, maih, mŭk tơmam, sem dơrong, wă pơm hnam akŭm Kră Yang 'Bok Kei-Dei, ưh kơ jô̆ lu tơmam đei pơyơ̆r boih tơ lăm hnam akŭm Kră Yang 'Bok Kei-Dei tơ pơlei Jêrusalem.

Ne 2:12

Inh păng lu bơngai kiơ̆ inh, lu nhôn iung yak kơmăng, inh ưh kơ đei roi kơ bu băt ôh tơdrong Kră Yang 'Bok Kei-Dei ăn lăm jơhngơ̆m inh, tơdrong jang tơ pơlei Jêrusalem, inh hao aseh lu bơngai kiơ̆ inh yak năm jơ̆ng hoh.

Tơdrông Pơđơk 16:1

Tơdă wă pơm noh đơ̆ng jơhngơ̆m kon bơngai, Mă-lei đei hơpiĕt tơl tơwih noh lĕch đơ̆ng Kră Yang.

Hagai 1:14

Đơ̆ng noh, Kră Yang pơtrŭt jơhngơ̆m Sôrôbabel, kon drŏ-nglo Salathiel, yŏng pơgơ̆r Juđa păng pơtrŭt jơhngơ̆m Jêhôsua kon drŏ-nglo Jêhôsađak 'bok soi tơm păng kư̆m pơtrŭt jơhngơ̆m kon pơlei mă oei oei; lu sư tă kơ năm bơ̆jang tơ anih hnam Kră Yang Tih Hloh noh jơ̆ Kră Yang sư.

II Kor 8:16

Inh bơnê kơ 'Bok Kei-Dei pơm kơ Tĭt hưch hanh kơ năm tơgŭm iĕm kư̆m thoi inh hưch hanh kơ tơgŭm iĕm ling-lang.

Philip 2:13

Tơdrong noh 'Bok Kei-Dei hơmet lăm jơhngơ̆m iĕm, tơgŭm iĕm pơm kiơ̆ 'blep thoi Sư wă.

III Yo 1:11

Ơ oh, ih 'nĕ kơ pơm rok lu bơngai mă pơm kơnê̆ thoi noh hŏ, ih pơm rok lu bơngai pơm 'lơ̆ng đĕch. Bơngai bu pơm 'lơ̆ng, bơngai 'noh lĕch đơ̆ng 'Bok Kei-Dei. Bơngai bu pơm kơnê̆, bơngai 'noh ưh kơ lĕch đơ̆ng 'Bok Kei-Dei ôh.