Esơra 1:4 - Sơ̆p Hlabơar Nơ̆r 'Bok Kei-Dei

⁴ Lu bơngai Juđa mă oei arih, mă khan oei tơ yơ, kon pơlei mă tơ anih lu sư oei, athei tơgŭm lu sư hu, maih, mŭk tơmam, sem dơrong, wă pơm hnam akŭm Kră Yang 'Bok Kei-Dei, ưh kơ jô̆ lu tơmam đei pơyơ̆r boih tơ lăm hnam akŭm Kră Yang 'Bok Kei-Dei tơ pơlei Jêrusalem.

Esơra 1:4 ပူးပေါင်းရင်းမြစ်များ

I Ho 29:17

Ơ Kră Yang 'Bok Kei-Dei inh, inh băt kơ Ih 'bôh nhen lăm jơhngơ̆m klơm klak kon bơngai păng Ih hiôk gah tơdrong 'lơ̆ng tơpăt. Gah inh kư̆m kiơ̆ tơdrong 'lơ̆ng tơpăt lăm jơhngơ̆m hiôk pơyơ̆r ăn kơ ih lu tơmam 'nâu. Dang ei inh hiôk dêh inh 'bôh kon pơlei Ih oei tơ âu kư̆m đei pơyơ̆r ăn kơ Ih hăm jơhngơ̆m hiôk.

I Ho 29:3

Yua kơ đei jơhngơ̆m 'mêm kơ hnam Kră Yang 'Bok Kei-Dei bơ̆n, na 'nguaih kơ dôm tơmam inh ăn wă pơm hnam 'lơ̆ng rơgoh, inh kư̆m pơyơ̆r ăn kơ pơm hnam Kră Yang 'Bok Kei-Dei inh lu tơmam maih hu đơ̆ng hnam tah tơmam inh kơdih.

I Ho 29:9

Kon pơlei chơt hiôk gah tơdrong lu sư kơdih akâu đei pơyơ̆r, lu sư đĭ jơhngơ̆m pơyơ̆r kơ Kră Yang; păng pơtao Đawit kư̆m chơt hiôk dêh.

II Ho 31:14

Kôrê kon drŏ-nglo Imna, bơngai Lêwi bơngai wei 'Măng Jang Hơlĕch, sư yŏng wei-lăng tơmam đe pơyơ̆r kơ Kră Yang 'Bok Kei-Dei hăm jơhngơ̆m hiôk păng lu tơmam 'lơ̆ng rơgoh.

Esơra 1:3

Bơngai bu lăm lu iĕm, mă kon pơlei Sư, athei wih brŏka tơ pơlei Jêrusalem dêh Juđa, wă pơm ming dơ̆ng hnam akŭm Kră Yang, Sư boih Kră Yang 'Bok Kei-Dei lu bơngai Isơrael, mă oei lăm pơlei Jêrusalem. Hơpơi kơ Kră Yang 'Bok Kei-Dei bơngai noh oei hơdai hăm sư!

Esơra 1:5

Kơplah noh, lu kơdră adrĕch Juđa păng Bênjamin, lu 'bok soi păng bơngai Lêwi, đĭ-đăng dôm lu đe bu mă Kră Yang 'Bok Kei-Dei đei pơtrŭt lăm jơhngơ̆m lu sư wă, năm pơjing hnam akŭm Kră Yang tơ pơlei Jêrusalem.

Esơra 9:15

Ơ Kră Yang Kră Yang 'Bok Kei-Dei đe Isơrael! Ih boih tơm tơdrong 'lơ̆ng tơpăt; yua kơ lu nhôn, mă oei arih gơh klaih, thoi đei 'bôh dang ei; 'nâu lu nhôn oei 'bơ̆t anăp Ih, pơm lơ tơdrong yoch; yua kơ noh, ưh kơ đei bu kĕ dơ̆ng ôh 'bơ̆t anăp Ih.”

Le 35:29

Đĭ-đăng lu drŏ-nglo drŏ-kăn lăm kon pơlei pơla Isơrael. Đei jơhngơ̆m pơdrŭt wă tơgŭm tơdrong jang Kră Yang pơkă kơ Môis noh, lu sư chĕp ba tơmam pơyơ̆r kơ Kră Yang kiơ̆ thoi lu sư wă kơdih.

Êsai 10:21

Dôm lu bơngai mă oei arih gô wih brŏk. Dôm lu bơngai adrĕch Jakôp noh gô wih brŏk tơ Kră Yang 'Bok Kei-Dei Mơsêh Mơyang.

Jang 24:17

“Kơplah 'bar pêng sơnăm inh ưh kơ brŏk tơ Pơlei Jêrusalem. Na ki inh brŏk wă kơ chĕp ba jên đe mơnat ăn kơ lu bơngai Juđê nhôn. Inh kư̆m wă pơyơ̆r ăn kơ 'Bok Kei-Dei tơmam.

Galati 6:2

Iĕm gơh tơgŭm dih băl thoi noh trŏ tơpă, thoi Kră Yang Yêsu Krist pơkă.