Êsêkiên 9:10 - Sơ̆p Hlabơar Nơ̆r 'Bok Kei-Dei

¹⁰ Gah Inh, măt Inh lăng kư̆m pă mơnat păng Inh kư̆m pă đei lê̆ lu sư oei arih; Inh gô tuh tơ kơ̆l lu sư dôm tơdrong mă lu sư đei pơm.”

Êsêkiên 9:10 ပူးပေါင်းရင်းမြစ်များ

I Pot 8:32

apinh Ih đơ̆ng kơpal plĕnh mơ̆ng păng tơl tơwih sek tơlang ăn kơ đĭch đam Ih, apinh Ih pơm plơ̆ kơ lu bơngai kơnê̆, đơ̆ng sư chă trong pơm kơnê̆ tuh plơ̆ tơ kơpal kơ̆l sư, apinh Ih tơgŭm bơngai 'lơ̆ng tơpăt. Ih apah bơnê kiơ̆ kơ tơdrong 'lơ̆ng tơpăt sư pơm.

II Ho 6:23

apinh Kră Yang đơ̆ng kơpal plĕnh ti mơ̆ng nơ̆r sư păng pơm. Sek tơlang kơ lu đĭch đam Ih, pơm tơwih bĕ kơ bơngai pơm kơnê̆, kiơ̆ thoi tơdrong kơnê̆ sư đei pơm, ăn kơ tơdrong yoch sư pơm noh tuh tơ kơpal kơ̆l sư kơdih. Pơm mă hơdah kơ bơngai tơpăt kiơ̆ kơ tơdrong tơpăt sư pơm.

Êsai 13:18

Lu sư gô pơlôch lu adruh tơdăm hăm hră; ưh kơ mơnat ôh kơ lu nge oei lăm klak, măt lu sư kư̆m ưh kơ 'blŏk mơnat kơ lu đe hơ'lơ̆p.

Êsai 65:6

'Nâu tơdrong mă đei chih bơih 'bơ̆t anăp Inh, Inh gô ưh pă đei lê̆ bơih, mă-lei gô pơm tơwih trŏ, Inh gô pơm tơwih kiơ̆ kơ tơdrong yoch lăm jơhngơ̆m sư.

Nhom 1:5

Bơngai ayăt kơ sư jing yŏng, bơngai blah sư jing pŭn hiôk; Yua kơ 'Bok Kei-Dei pơmat sư, yua kơ tơdrong yoch sư lơ dêh. Lu kon hơ'lơ̆p sư lu ayăt rôp pơm bơnă.

Êsêkiên 11:21

Mă-lei, lu mơ'nah đei jơhngơ̆m 'maih kiơ̆ tơdrong Inh areh păng tơdrong kơnê̆ krưp, Inh gô pơm tơwih tơdrong lu sư pơm tuh tơ kơ̆l lu sư, Kră Yang Tih Hloh khan thoi noh.”

Êsêkiên 16:43

Yua kơ ih ưh kơ 'blŏk kơplah ih oei 'lơ̆p sơ̆, na mă pơgreh Inh tôm tơdrong, thoi noh na Inh gô tuh pơdrâu tơ kơpal kơ̆l ih, Kră Yang Tih Hloh khan thoi noh; hăm trŏ kơ ih pơm pơyô kư̆ kă hăm thim đơ̆ng tơdrong kơnê̆ krưp mă Inh areh?

Êsêkiên 17:19

Na Kră Yang Tih Hloh khan: Tơpă thoi Inh mă arih ling-lang, Inh gô tuh tơ kơpal kơ̆l lu sư nơ̆r pơkă hơlĕnh pơrăm lê̆ tơdrong pơgơ̆p Inh.

Êsêkiên 22:31

Na Inh tuh tơdrong hil mĭl tơ lu sư păng iŏk ŭnh Inh hil soh pơrăm lu sư; Inh gô pơm tơwih tuh tơ kơ̆l lu sư, kiơ̆ kơ trong lu sư pơm. Kră Yang khan thoi noh.

Êsêkiên 23:49

Iĕm gô pŭ tơdrong pơm pơyô kư̆ kă iĕm; lu iĕm gô pŭ tơdrong phak yua kơ kơkuh kơ rup yang, na lu iĕm gô băt Inh boih Kră Yang.

Êsêkiên 24:14

Inh bơih Kră Yang, đei khan dôm tơdrong noh gô truh, Inh gô pơm. Inh ưh kơ gơ̆t lê̆ ti, ưh kơ hmach, ưh kơ tơplih. Inh gô sek kiơ̆ kơ trong ih năm păng kiơ̆ kơ tơdrong jang ih, Kră Yang khan thoi noh.

Êsêkiên 43:3

Tơdrong mă inh 'bôh nhen thoi tơdrong mă tơ'bôh kơ inh kơplah Kră Yang pơrăm pơlei. Noh kư̆m nhen thoi tơdrong tơ'bôh kơ inh 'bơ̆t jih đak krong Kêbar, na inh drap bon tơ teh.

Êsêkiên 5:11

Lei na Kră Yang Tih Hloh khan: Tơpă thoi Inh oei arih, yua kơ ih pơm kơnê̆ 'mê̆-'mach lăm anih rơgoh Inh hăm pơm kơnê̆ krưp, mă Inh areh dêh. Thoi noh na Inh pơrăm ih, măt Inh ưh kơ wă lăng păng ưh pă mơnat.

Êsêkiên 7:3

Dang ei tơdrong ih truh bơih. Inh gô tuh tơdrong Inh hil tơ ih, Inh gô sek tơlang phak ih kiơ̆ kơ trong ih yak, hăm Inh gô pơm tơwih kơ ih kiơ̆ dôm tơdrong kơnê̆ krưp mă ih đei pơm.

Êsêkiên 7:4

Măt Inh ưh pă lăng 'mêm mơnat kơ ih păng ưh pă đei dŏng ih; Inh gô phak ih tơpă yua kơ lu tơdrong ih yak kiơ̆ păng tơdrong kơnê̆ krưp lăm ih. Na ih gô băt Inh boih Kră Yang.

Êsêkiên 8:18

Na Inh kư̆m gô blĕk areh dêh; măt Inh pă lăng mơnat kơ lu sư boih, mă lu sư krao ôr 'bĕnh kơ đon Inh, Inh kư̆m ưh pă mơ̆ng lu sư.”

Êsêkiên 9:11

'Nâu bơngai hrŭk ao che 'bui, bĕng 'long chih đak mơ̆k, brŏk roi thoi âu: “Inh đei pơm kiơ̆ kơ nơ̆r Ih tơtă.”

Êsêkiên 9:5

Inh kơtơ̆ng Kră Yang khan kơ lu bơngai nai: “Athei năm kiơ̆ đơ̆ng rŏng bơngai noh, năm pơlôch jơ̆p pơlei, iĕm 'nĕ lăng mơnat.

Hôsia 9:7

Năr wă phak lu sư truh boih, năr wă pơm 'mong lu sư truh boih! Ăn kơ lu bơngai Isơrael athei băt tơdrong noh. Yua kơ tơdrong yoch iĕm tih dêh, Păng tơdrong lu iĕm hil mĭl kư̆m tih dêh, Iĕm lăng lu bơngai khan lê̆ adrol thoi bơngai kơhlôh kơwao, thoi bơngai yang mơ̆t jing wơnh,

Jôel 3:4

Ơ pơlei Tirơ păng pơlei Siđôn păng đĭ tơring Philistin, lu iĕm đei tơdrong kiơ păng Inh? Lu iĕm wă blah plơ̆ Inh hă? Tơdah lu iĕm blah plơ̆ Inh, Inh gô ăn tơdrong iĕm blah plơ̆ Inh wih plơ̆ tĕnh hloi tơ kơ̆l lu iĕm,

Sa 11:6

Kră Yang khan: “Yua kơ Inh ưh pă 'mêm boih kơ kon bơngai lăm teh âu; mă-lei 'nâu, Inh gô jao rim 'nu bơngai kơ lu rông 'bôt sư kơdih păng lăm ti pơtao lu sư; lu sư gô blah pơjuă teh đak, Inh ưh kơ đei pơklaih lu sư đơ̆ng ti đe noh ôh.”

Both 32:41

Kơplah inh pat đao rang mơnhal Ti Inh chĕp đao, Inh hơ-oei sek tơlang. Inh gô pơm 'mong kơ lu bơngai ayăt păng pơm tơwih kơ lu bơngai areh kơ Inh.

Hêbrơ 10:30

Yua kơ 'Bok Kei-Dei khan sơ̆ boih thoi âu: “Lê̆ kơ Inh pơm tơwih kơ lu bơngai pơm kơnê̆.” Sư khan dơ̆ng thoi âu: “Inh gô sek tơlang lu kon pơlei pơla Inh.” Sư khan thoi noh, bơ̆n băt kơ Sư wă pơm tơpă.