Êsêkiên 9:1 - Sơ̆p Hlabơar Nơ̆r 'Bok Kei-Dei

¹ Inh kơtơ̆ng Kră Yang krao re 'bơ̆t đon inh khan kơ đe: “Năm jê̆ tơ âu bĕ lu iĕm mă wei-lăng pơlei, rim 'nu athei chĕp đao hơlă wă pơrăm đe.”

Êsêkiên 9:1 ပူးပေါင်းရင်းမြစ်များ

II Pot 10:24

Lu sư mơ̆t wă pơyơ̆r dôm tơmam soi, păng tơmam soi 'buh pơkhôi. Jêhu dan tơhngam-jĭt 'nu bơngai, athei lu sư răp tơ 'nguaih hnam, păng athei lu đe ei: “Dah đei bơngai bu lăm lu bơngai mă ĭnh pơjao lăm tơpang ti iĕm 'nâu, oei đei klaih 'mơ̆i lei bơngai mă lê̆ lu đe ei klaih hiong 'nei sư gô lôch tơplih lu đe noh.”

I Ho 21:15

Kră Yang 'Bok Kei-Dei wơh linh jang 'lơ̆ng năm pơrăm pơlei Jêrusalem. Mă-lei kơplah lu linh jang 'lơ̆ng oei năm pơrăm pơlei Jêrusalem, Kră Yang sơ'ngon 'bôh kơ tơdrong pơrăm tih 'nâu; sư khan kơ linh jang 'lơ̆ng mă oei pơrăm: “Dôm bơih, gơ̆t ti ih.” Kơplah noh linh jang 'lơ̆ng dơ̆ng 'bơ̆t anih preh 'ba Ôrnan bơngai Jêbus.

Le 12:23

Kơplah Kră Yang gô năm wă pơlôch bơngai Êyiptơ; mưh sư 'bôh pham tơ jrăng găn kơpơ̆ng 'măng păng 'bar pah jrăng dơ̆ng 'măng, Kră Yang gô năm yoh hloi; ưh kơ ăn linh jang mơ̆t pơlôch lăm hnam lu iĕm.

Êsai 6:8

Păng inh kơtơ̆ng nơ̆r Kră Yang khan: “Inh gô wơh bu năm? Bu gô năm kơ lu bơ̆n?” Inh tơl: “Đei inh tơ âu, apinh ih wơh inh năm.”

Je 4:6

Pơdơ̆ng bĕ hla-kơ tơ gah Siôn! Kơdâu ôn bĕ tơ anih hơđơ̆ng 'nĕ pă dơ̆ng, yua kơ Inh gô ăn tơdrong pơrăm truh đơ̆ng yă-nơ̆m, minh tơdrong pơrăm tih.

Êsêkiên 43:3

Tơdrong mă inh 'bôh nhen thoi tơdrong mă tơ'bôh kơ inh kơplah Kră Yang pơrăm pơlei. Noh kư̆m nhen thoi tơdrong tơ'bôh kơ inh 'bơ̆t jih đak krong Kêbar, na inh drap bon tơ teh.

Tơdrông Tơ'bôh 14:7

Na sư pơma 'bơ̆r re kơ đe wă kơ đe kơtơ̆ng, sư khan thoi âu: “Iĕm athei băt hli kơ 'Bok Kei-Dei păng ư-ang kơ Sư, yua kơ Sư wă sek tơlang iĕm boih. Kơkuh kơ Sư bĕ, yua kơ Sư Yang pơjing plĕnh teh, pơjing đak dơsĭ, pơjing tôm kơ tu đak.”