Êsêkiên 8:6 - Sơ̆p Hlabơar Nơ̆r 'Bok Kei-Dei

⁶ Na Sư khan kơ inh dơ̆ng: “Ơ kon bơngai, ih hăm 'bôh dôm tơdrong lu sư oei pơm, lu tơdrong krưp kơnê̆ 'mê̆-'mach tih dêh mă adrĕch Isơrael pơm wă puh Inh ataih đơ̆ng anih rơgoh Inh? Tơpă ih gô 'bôh lơ tơdrong krưp kơnê̆ tih hloh dơ̆ng.”

Êsêkiên 8:6 ပူးပေါင်းရင်းမြစ်များ

II Ho 29:5

Sư khan: “Ơ bơngai Lêwi, mơ̆ng inh bĕ! Hơmet bĕ akâu iĕm kơdih rơgoh păng năm hơmet hnam Kră Yang 'Bok Kei-Dei 'bok lu iĕm mă rơgoh păng hơmet hŭt lê̆ bĕ đĭ dôm tơmam kơnê̆ 'mê̆ brư̆ đơ̆ng hnam 'lơ̆ng rơgoh.

Horiso 78:60

Sư weh lê̆ đơ̆ng anih akŭm Sư tơ Silô, Anih mă Sư oei hăm kon bơngai;

Tơdrông Pơđơk 5:14

Inh wă jê̆ hiong răm boih Đơ̆ng lăm tơpôl kon pơlei inh.

Je 11:18

Kră Yang đei roi ăn boih kơ inh băt tơdrong noh păng inh băt boih; Kră Yang đei pơdah boih kơ inh tơdrong kơnê̆ lu sư wă pơm.

Je 23:11

“Đĭ lu bơngai khan lê̆ adrol hăm đĭ lu 'bok soi tă kơ pơm kơnê̆ dêh, Inh 'bôh boih lu sư pơm kơnê̆ truh tơ lăm hnam Inh hloi.” Noh Kră Yang khan,

Je 26:6

na Inh gô pơm ăn kơ hnam akŭm âu thoi Inh đei pơm boih kơ pơlei Silô, na đĭ-đăng dêh char lăm teh gô hiap pơlei Inh âu.

Je 3:6

Kră Yang khan kơ inh, lăm chăl Jôsia pơm pơtao: “Ih hăm 'bôh dôm tơdrong bơngai Isơrael đei pơm boih, lu sư chă tŏk tơ jơ̆p kơ groi păng jơ̆p kơ yơ̆p tơm 'long hla hơmŭl; na pơm pơyô kư̆ kă tơ noh.

Je 32:34

Lu sư tah 'măn boih rup yang kơnê̆ 'mê̆ krưp tơ lăm hnam mă đe anăn măt Inh, pơm mơgrĭ 'mê̆-'mach.

Je 7:17

Ih ưh kơ 'bôh ôh hă tơdrong lu sư pơm tơ pơlei Juđa păng tơ rok trong pơlei tih Jêrusalem?

Je 7:30

Kră Yang khan: “Bơngai Juđa pơm boih tơdrong kơnê̆ 'bơ̆t anăp Inh, lu sư pơm boih rup yang mă Inh lăng krưp lăm hnam Anăn Inh, pơm kơ hnam noh 'mê̆-'mach.

Êsêkiên 10:18

Tơdrong ư-ang rang mơnhal Kră Yang lĕch đơ̆ng anăp 'măng hnam akŭm na dơ̆ng tơ kơpal lu chêrubim.

Êsêkiên 10:19

Lu chêrubim bơyar pơnăr păr tơ kơpal hloi đơ̆ng teh 'bơ̆t anăp inh; lu tang-wang gre kư̆m năm hơdai 'bơ̆t cheng lu sư. Lu sư dơ̆ng 'bơ̆t anăp 'măng mơ̆t gah hơlĕch hnam Kră Yang, tơdrong ư-ang rang mơnhal Kră Yang 'Bok Kei-Dei Isơrael oei kơpal lu sư.

Êsêkiên 11:22

Lu chêrubim hăm tang-wang gre 'bơ̆t cheng lu sư iung bơyar pơnăr. Tơdrong ư-ang rang mơnhal Kră Yang 'Bok Kei-Dei Isơrael oei kơpal lu sư.

Êsêkiên 11:23

Tơdrong ư-ang rang mơnhal Kră Yang tŏk tơ kơpal đơ̆ng lăm pơlei tih păng dơ̆ng 'bơ̆t kơpal kông gah hơlĕch kơ pơlei.

Êsêkiên 14:6

Thoi noh, khan bĕ kơ adrĕch Isơrael: ‘'Nâu nơ̆r Kră Yang Tih Hloh khan: Wih brŏk tơbral bĕ! Lê̆ rup yang lu iĕm, tơbral weh đơ̆ng dôm tơdrong kơnê̆ krưp 'bơ̆t anăp lu iĕm.

Êsêkiên 18:12

pơjuă pơđep bơngai dơnuh hin tơtông tơmam đe păng ưh kơ pơdrâu đêl tơmam đe, lăng tơ rup yang, pơm dôm tơdrong yoch kơnê̆ krưp,

Êsêkiên 43:8

Đơ̆ng lu sư dan kơtơ̆n 'măng hnam lu sư 'bơ̆t jê̆ kơtơ̆n 'măng hnam Inh, dan jrăng 'măng hnam lu sư jê̆ jrăng 'măng hnam Inh, đei tơnăr pĕng găn sơlam Inh păng lu sư đĕch, lu sư pơm kơnê̆ 'mê̆-'mach boih kơ anăn 'lơ̆ng rơgoh Inh. Kơplah lu sư pơm tơdrong kơnê̆ krưp noh, lei na Inh đei pơlôch pơrăm lê̆ lu sư lăm năr Inh hil mĭl.

Êsêkiên 47:6

Bơngai noh sư khan kơ inh: “Ơ, kon bơngai, ih hăm 'bôh ưh? Sư chông ba inh wơ̆t 'bơ̆t đak krong.

Êsêkiên 5:11

Lei na Kră Yang Tih Hloh khan: Tơpă thoi Inh oei arih, yua kơ ih pơm kơnê̆ 'mê̆-'mach lăm anih rơgoh Inh hăm pơm kơnê̆ krưp, mă Inh areh dêh. Thoi noh na Inh pơrăm ih, măt Inh ưh kơ wă lăng păng ưh pă mơnat.

Êsêkiên 8:13

Sư khan dơ̆ng: “Ih gô 'bôh tơdrong krưp tih hloh phara kơ noh dơ̆ng mă lu sư oei pơm.”

Êsêkiên 8:14

Na Sư chông ba inh mơ̆t tơ hnam Kră Yang, rok 'măng jang gah yă-nơ̆m; tơ noh Inh 'bôh lu drŏ-kăn nhơ̆m hmoi kơ Tamus.

Êsêkiên 8:7

Na Sư ba inh tơ 'măng mơ̆t tơ cham, inh lăng 'bôh đei minh bơlôh tơ dur.

Êsêkiên 8:9

Sư khan kơ inh: “Mơ̆t lăng bĕ lu tơdrong kơnê̆ krưp mă lu sư đei pơm tơ âu.”

Hôsia 5:6

Lu sư gô ba khŭl triu, khŭl rơmo lu sư, wă năm chă Kră Yang; mă-lei ưh kơ 'bôh Sư ôh. Sư weh achăng lê̆ đơ̆ng lu sư boih.