Êsêkiên 8:18 - Sơ̆p Hlabơar Nơ̆r 'Bok Kei-Dei

¹⁸ Na Inh kư̆m gô blĕk areh dêh; măt Inh pă lăng mơnat kơ lu sư boih, mă lu sư krao ôr 'bĕnh kơ đon Inh, Inh kư̆m ưh pă mơ̆ng lu sư.”

Êsêkiên 8:18 ပူးပေါင်းရင်းမြစ်များ

Tơdrông Pơđơk 1:28

Kơplah noh kơnh lu sư gô krao apinh Inh, Mă-lei Inh ưh kơ tơl tơwih; Lu sư adrin chă Inh, Mă-lei ưh kơ đei tơ'bơ̆p.

Êsai 1:15

Na mưh kơplah iĕm yơ̆r ti krao khan, Inh đơ̆p măt ưh kơ wă lăng lu iĕm ôh. Mă khan iĕm krao khan lơ, Inh ưh kơ wă mơ̆ng ôh. Ti lu iĕm 'bĕnh kơ pham.

Êsai 59:1

Tơpă ti Kră Yang ưh kơ sĭ kơđeh ôh na mă ưh kơ gơh pơklaih; đon Sư kư̆m ưh kơ sĭ kơ klĭk ôh mă ưh kơ gơh kơtơ̆ng.

Êsai 59:2

Mă-lei 'noh đơ̆ng tơdrong kơnê̆ lu iĕm, pơm pơklah iĕm hăm Kră Yang 'Bok Kei-Dei; păng tơdrong yoch lu iĕm na Kră Yang ôn muh măt sư đơ̆ng lu iĕm, dĭng mah Sư ưh pă mơ̆ng lu iĕm.

Je 11:11

Thoi noh Kră Yang khan thoi âu: Inh gô ăn tơdrong gleh răm truh, lu sư ưh kơ gơh klaih ôh, mă lu sư krao ôr apinh Inh, Inh ưh kơ wă mơ̆ng lu sư ôh.

Je 14:12

Mă khan lu sư ơ̆t kơ sŏng sa, Inh ưh kơ đei mơ̆ng nơ̆r lu sư krao khan ôh, mă khan lu sư pơyơ̆r tơmam soi 'buh dah tơmam soi phe 'ba, Inh ưh kơ iŏk ôh; mă-lei Inh gô pơrăm lu sư hăm đao gưm, hăm tơdrong pơngot rơwĕt păng hăm tơdrong jĭ hơpoh.”

Je 23:39

Yua kơ thoi noh, na 'nâu, sĭt tơpă Inh gô hiơt kơ lu iĕm păng Inh gô hŭt lê̆ iĕm đơ̆ng hơdai hăm pơlei tih mă Inh ăn boih kơ iĕm păng lu 'bok iĕm.

Je 44:3

yua kơ đơ̆ng tơdrong yoch kon pơlei pơm wă tơblĕk Inh. Lu sư soh nhang păng kơkuh kơ lu rup yang nai, mă lu sư dah ih dah lu 'bok yă iĕm ưh tam băt ôh.

Je 44:6

Thoi noh na Inh tuh boih tơdrong hil mĭl Inh thoi ŭnh khơ̆ng tơ lăm lu pơlei dêh Juđa păng tơ rok trong lăm pơlei Jêrusalem; năr 'nâu lu pơlei noh oei jing bri juơ tơtŭng.”

Nhom 1:5

Bơngai ayăt kơ sư jing yŏng, bơngai blah sư jing pŭn hiôk; Yua kơ 'Bok Kei-Dei pơmat sư, yua kơ tơdrong yoch sư lơ dêh. Lu kon hơ'lơ̆p sư lu ayăt rôp pơm bơnă.

Nhom 2:17

Kră Yang pơm boih dôm đêl sư pơkă, Pơm keh boih mă sư kơdih đei khan lê̆; thoi sư đei pơkă lê̆ đunh boih. Sư tơhuŏng lê̆ iĕm ưh pă đei mơnat boih, Đei ăn boih kơ lu ayăt chơt hiôk, yua kơ iĕm, pơm ăn hơke lu ayăt tưk kơjung.

Êsêkiên 16:42

Tơdrong hil Inh gô ngach, tơdrong Inh gar ih ưh pă đei boih, Inh gô oei hiôk ưh pă hil dơ̆ng.

Êsêkiên 23:25

Inh gô blĕk gar hil blah ih, lu sư gô pơm kơ ih hăm tơdrong hil dêh. Lu sư gô kăt muh păng đon ih; lu bơngai oei arih gô lôch kơ đao. Lu sư gô rôp kon drŏ-nglo kon drŏ-kăn ih; lu bơngai oei arih ŭnh gô sa đĭ.

Êsêkiên 24:13

Tơdrong 'mê̆-'mach ih pơm pơyô kư̆ kă, Inh wă ôp rơgoh ih, mă-lei ih ưh kơ wă tơdrong 'mê̆-'mach ih ôp rơgoh, lei ih ưh pă gơh ôp rơgoh bơih dĭng layơ tơdrong inh hil ngach 'mơ̆i.

Êsêkiên 9:10

Gah Inh, măt Inh lăng kư̆m pă mơnat păng Inh kư̆m pă đei lê̆ lu sư oei arih; Inh gô tuh tơ kơ̆l lu sư dôm tơdrong mă lu sư đei pơm.”

Êsêkiên 9:5

Inh kơtơ̆ng Kră Yang khan kơ lu bơngai nai: “Athei năm kiơ̆ đơ̆ng rŏng bơngai noh, năm pơlôch jơ̆p pơlei, iĕm 'nĕ lăng mơnat.

Mi 3:4

Kơplah ei lu sư gô krao apinh Kră Yang, mă-lei Kră Yang ưh kơ tơl tơwih, tơpă Kră Yang ôn muh măt Sư kơ lu đe noh lăm kơplah noh kiơ̆ thoi tơdrong kơnê̆ lu sư đei pơm boih.

Na 1:2

Kră Yang jơ̆ 'Bok Kei-Dei gar păng pơm 'mong; Kră Yang pơm tơwih păng 'bĕnh kơ tơdrong hil mĭl. Kră Yang pơm 'mong kơ bu mă blah Sư păng hil kơ lu đe bu mă ayăt kơ Sư.

Sa 1:2

“Kră Yang ưh kơ lăp đon kơ yă 'bok iĕm.

Sa 7:13

Đei tơdrong truh thoi kơplah Inh krao, lu sư ưh kơ chu mơ̆ng, na kơplah lu sư krao Inh kư̆m ưh kơ wă mơ̆ng, Kră Yang Tih Hloh khan thoi noh.

Luka 13:25

Pơtih gia Inh mă 'Bok tơ'ngla hnam gô tang lê̆ 'măng, na lăp iĕm dơ̆ng dơdŭ 'măng 'bơ̆t 'ngoaih khan: ‘Ơ 'Bok, pơih ăn kơ nhôn 'măng,’ na Inh khan: ‘Inh ưh kơ băt iĕm đơ̆ng yơ.’

I Sam 8:18

Kơplah ei kơnh lu iĕm gô ôr krao yua kơ đơ̆ng pơtao mă iĕm đei rơih iŏk noh, mă-lei Kră Yang ưh kơ wă mơ̆ng nơ̆r lu iĕm ôh.