Êsêkiên 8:16 - Sơ̆p Hlabơar Nơ̆r 'Bok Kei-Dei

¹⁶ Na, Kră Yang Sư ba inh mơ̆t tơ cham hnam Kră Yang; păng tơ noh trong mơ̆t tơ hnam kơkuh kơ Kră Yang, tŏk-bŏk kơdeng 'măng păng chơnang soi, inh 'bôh đei dang 'bar-jĭt pơđăm 'nu bơngai drŏ-nglo, rŏng tơwih kơ hnam Kră Yang păng muh măt lu sư tơwih gah hơlĕch, drap kơkuh kơ măt 'năr đơ̆ng hơlĕch.

Êsêkiên 8:16 ပူးပေါင်းရင်းမြစ်များ

I Pot 8:29

Apinh măt Ih măng năr wei-lăng Hnam âu, anih mă Ih khan: Anăn Ih gô oei lăm hnam noh, wă kơ Ih mơ̆ng dôm nơ̆r lu đĭch đam Ih krao khan kơ anih 'nâu.

II Pot 16:14

Chơnang soi đe pơm păng kong dan 'bơ̆t anăp Kră Yang, sư iŏk lê̆ đơ̆ng anih mă đe dan chơnang soi ei 'bơ̆t 'măng Hnam akŭm, sơlam chơnang soi 'nao hăm hnam Kră Yang, đơ̆ng noh iŏk dan tơ gah yă-nơ̆m kơ chơnang soi sư 'nao pơm.

II Pot 21:5

Sư pơm lu chơnang soi kơkuh kơ đĭ-đăng yang kơpal plĕnh 'bơ̆t 'bar tŏ anih lăm cham hnam akŭm.

II Pot 23:11

Lu sư teh pơpuh lu aseh mă lu pơtao đe Juđa pơyơ̆r ăn kơ yang măt 'năr, pơdơ̆ng 'bơ̆t 'măng mơ̆t tơ Hnam akŭm kơkuh kơ Kră Yang, jê̆ hnam linh krĕo anăn sư Nathan Mêlek, 'bơ̆t cham Hnam akŭm,’ Jôsia soh rŭk lê̆ đĭ lu gre aseh pơyơ̆r kơ yang măt 'năr.

II Pot 23:5

Sư kư̆m puh tơweh lê̆ lu 'bok soi jang kơ lu rup yang, mă đêl pơtao đe Juđa hlôi pơkă wă pôk lu sư soh 'long 'bâu phu tơ anih kơjung, pơm jơ̆p-jang kơ dêh char Juđa păng pơm tơ anih tăp dăr Pơlei Jêrusalem. Sư kư̆m puh tơweh lê̆ lu 'bok soi soh 'long 'bâu phu ăn kơ yang Baal, măt 'năr, măt khei păng đĭ-đăng lu sơnglŏng kơpal plĕnh.

II Ho 29:6

Lu 'bok bơ̆n sơ̆ pơm glăi, pơm tơdrong kơnê̆ 'bơ̆t anăp Kră Yang 'Bok Kei-Dei lu bơ̆n; lu sư achăng hŭt lê̆ Kră Yang boih, đê̆ ưh pă 'maih lăng boih Anih Kră Yang oei păng tơwih rŏng kơ Sư.

II Ho 7:7

Sôlômôn 'măn lê̆ minh anih tŏk-bŏk cham 'bơ̆t anăp hnam akŭm Kră Yang; tơ noh boih mă sư pơyơ̆r tơmam soi 'buh păng rơmă pơm tơmam soi kơ tơdrong hiôk-hian, yua kơ lu chơnang soi păng kong mă đêl Sôlômôn pơm noh ưh kơ mah wă dan đĭ lu tơmam soi 'buh, tơmam soi phe 'ba păng rơmă.

Je 2:27

Lu sư khan kơ 'long, ‘Ih boih 'bă inh,’ khan kơ tơmo, Ih boih pơjing kơ inh. Lu sư tơwih rŏng kơ Inh, ưh kơ tơwih gah muh măt; Mă-lei kơplah lu sư đei tơdrong rŭng răng, lu sư khan: ‘Iung na pơklaih nhôn bĕ!’

Je 32:33

Lu sư ưh kơ hue lăng Inh, tơwih kơ Inh rŏng. Mă khan Inh oei adrin bơtho lu sư, mă-lei lu sư kuă kơ mơ̆ng, kuă kơ chu kiơ̆ nơ̆r Inh bơtho khan.

Je 44:17

Mă-lei lu nhôn gô pơm keh dôm nơ̆r lu nhôn pơkă boih, lu nhôn gô soh nhang 'bâu phu kơ Pơtao Drŏ-kăn kơpal Plĕnh păng tuh sik pơyơ̆r ăn kơ sư, thoi lu nhôn đei pơm boih, lu 'bok yă lu nhôn, lu pơtao nhôn, lu yŏng pơgơ̆r lu nhôn lăm lu pơlei lăm dêh char Juđa păng tơ rok trong lăm pơlei tih Jêrusalem; kơplah noh lu nhôn đei tơmam sa phĭ rơkah rơkai, jang sa hiôk-hian ưh kơ đei tơdrong kiơ truh.

Je 7:18

Lu hơ'lơ̆p dônh 'long ŭnh, 'bă tơkuh ŭnh, lu drŏ-kăn jrâu tơpŭng pơm 'bĕng pơyơ̆r kơ pơtao Drŏ-kăn tơ Plĕnh ti; păng lu sư kư̆m tuh pơyơ̆r tơmam huch kơ lu yang nai, pơm wă Inh klai.

Je 8:2

Đe gô sơ̆k kơting noh tơ tŏ măt 'năr măt khei păng lu sơnglŏng đơ̆ng plĕnh ti, noh tơmam mă lu sư 'mêm kơeng, chơchă kơkuh awih awăn, kiơ̆. Lu kơting noh đe ưh pă đei dônh pơpôi, ưh pă 'bŭ dơ̆ng; gô jing thoi mơ̆r kơpal teh.

Êsêkiên 10:3

Kơplah bơngai noh mơ̆t, lu chêrubim dơ̆ng gah gơal kơ hnam akŭm păng hơmơ̆l 'bĕnh kơ cham gah lăm.

Êsêkiên 11:1

Yang Bơhngol hơtŏk inh tơ kơpal păng 'nhăk ba inh tơ 'măng jang hnam Kră Yang gah hơlĕch. 'Bơ̆t trong mơ̆t tơ 'măng jang noh đei 'bar-jĭt pơđăm 'nu drŏ-nglo; lăm lu sư inh 'bôh Jaasania kon drŏ-nglo Asur, păng Phêlatia kon drŏ-nglo Bênaia, kră pơgơ̆r kon pơlei.

Êsêkiên 23:35

Na Kră Yang khan: “Yua kơ ih hiơt kơ Inh, hŭt lê̆ Inh tơ rŏng, thoi noh ih chu pŭ tơdrong phak lăm tơdrong ih pơm đi, pơm pơyô kư̆ kă.”

Êsêkiên 23:39

Lu sư pơlôch kon sư kơdih pơyơ̆r kơ rup yang; lăm năr noh lu sư kư̆m mơ̆t lăm anih 'lơ̆ng rơgoh Inh na pơm tơdrong 'mê̆-'mach. Noh tơdrong lu sư pơm boih kơ hnam Inh!

Êsêkiên 40:28

Sư anhăk ba inh mơ̆t tơ cham lăm hnam akŭm gah 'măng jang gơal. Sư pơtŏ 'măng gah gơal, să iĕ kư̆m lei-lăi kơ lu 'măng jang gah to.

Êsêkiên 40:6

Sư năm tơ măng jang gah hơlĕch, sư tŏk rim kơnao wă pơtŏ kơtơ̆n 'măng, wơ̆l minh hlok.

Êsêkiên 43:5

Yang bơhngol hơtŏk inh păng chông ba inh mơ̆t tơ cham gah lăm; to tơdrong rang mơnhal Kră Yang 'Bok Kei-Dei 'bĕnh-'bang kơ hnam akŭm.

Êsêkiên 43:8

Đơ̆ng lu sư dan kơtơ̆n 'măng hnam lu sư 'bơ̆t jê̆ kơtơ̆n 'măng hnam Inh, dan jrăng 'măng hnam lu sư jê̆ jrăng 'măng hnam Inh, đei tơnăr pĕng găn sơlam Inh păng lu sư đĕch, lu sư pơm kơnê̆ 'mê̆-'mach boih kơ anăn 'lơ̆ng rơgoh Inh. Kơplah lu sư pơm tơdrong kơnê̆ krưp noh, lei na Inh đei pơlôch pơrăm lê̆ lu sư lăm năr Inh hil mĭl.

Êsêkiên 45:19

'Bok soi gô iŏk pham tơmam soi huai đơ̆ng yoch na pik tơ lu jrăng hnam akŭm, tơ puăn pah mum jơ̆ng chơnang soi păng lu jrăng 'măng jang cham gah lăm.

Êsêkiên 46:1

Kră Yang khan thoi âu: 'Măng jang cham gah lăm, tơ gah hơlĕch, athei tang chĭt lê̆ lăm tơdrâu năr oei jang, mă-lei gô pơih lăm năr phĕt Sa'bat păng lăm năr phĕt Khei 'Nao.

Êsêkiên 7:23

Hơmet lê̆ glang yua kơ lăm teh đak âu 'bĕnh kơ tơdrong pơm yoch kơnê̆ 'bet pơlôch băl păng lăm pơlei âu 'bĕnh kơ tơdrong pơrăm băl.

Êsêkiên 8:15

Sư khan kơ inh: “Ơ kon bơngai, hăm 'bôh ưh? Ih gô 'bôh tơdrong krưp tih hloh kơ tơdrong 'nâu dơ̆ng”

Jôel 2:17

Lu 'bok soi mă bơ̆jang kơ Kră Yang, nhơ̆m bĕ 'bơ̆t kơđeng cheng truh tơ chơnang soi, păng khan bĕ thoi âu: “Ơ Kră Yang, apinh Ih 'mêm mơnat kơ kon pơlei pơla Ih, păng 'nĕ ăn lu bơngai dêh đe pơ'brơh kơ kon pơlei pơla Ih, păng 'nĕ ăn kơ đe pơma khan thoi âu: ‘Tơ yơ Kră Yang 'Bok Kei-Dei lu sư?’ ”

Both 17:3

năm bơ̆jang păng kơkuh kơ lu yang nai, thoi măt 'năr, măt khei dah lu sơnglŏng kơpal plĕnh, wă khan pơglăi dôm tơdrong Inh đei bơtho akhan;

Both 4:19

Kơnh hli kơ lu iĕm pơm ngoi lăng tơ plĕnh 'bôh măt 'năr, măt khei, lu sơnglŏng dôm lu tơmam kơpal plĕnh, kơnh iĕm 'maih wă kơkuh kơ dôm lu tơmam noh păng drap kơkuh kơ lu sư. Mă Kră Yang 'Bok Kei-Dei asong ăn tơmam noh kơ kon bơngai oei ala teh âu.