Êsêkiên 8:11 - Sơ̆p Hlabơar Nơ̆r 'Bok Kei-Dei

¹¹ 'Bơ̆t anăp rup inh 'bôh thoi đei tơpơh-jĭt 'nu kră pơlei adrĕch Isơrael oei dơ̆ng hơdai hăm Jaasania kon drŏ-nglo Saphan. Rim 'nu lu sư chĕp get pơgang 'bâu phu 'nhui pơgang 'bâu phu đông jơ̆p-jang.

Êsêkiên 8:11 ပူးပေါင်းရင်းမြစ်များ

II Pot 22:12

Đơ̆ng noh pơtao athei 'bok soi Hilkia păng Ahikam kon drŏ-nglo Saphan Akbôr kon drŏ-nglo Mikaia, Saphan bơngai chih hla bơar hăm Asaia đĭch đam sư, pơtao khan:

II Pot 22:14

Thoi noh, lu đe 'bok soi Hilkia, Ahikam, Akbôr, Saphan păng Asaia, lu sư năm tơ bơngai khan lê̆ adrol drŏ-kăn, anăn sư Hulda, akăn Sallum, bơngai wei ao kơ̆m giĕng, kon drŏ-nglo Tikwa, sâu Harhas; sư oei tơ lăm pơlei Jêrusalem, lăm tơring mă 'Bar, lu sư pơma dơnuh hăm duch ei,

II Pot 22:3

Lăm sơnăm mă mơjĭt-tơhngam chăl Jôsia pơgơ̆r, sư wơh 'bok chih hla bơar anăn sư Saphan, kon drŏ-nglo Asalia, sâu Mêsulam, năm tơ Hnam Kră Yang, na tơtă khan

II Pot 22:8

Hilkia, 'bok soi tơm, sư khan kơ Saphan bơngai chih hla bơar: “Inh chă 'bôh bơih Sơ̆p hla bơar khôi juăt đơ̆ng lăm Hnam akŭm kơkuh kơ Kră Yang.” Hilkia ăn kơ Saphan sơ̆p hla bơar noh, na Saphan iŏk đŏk lăng.

II Pot 25:22

Bê̆ gah lu bơngai Juđa mă Nebukatnessar pơtao Babilôn oei lê̆ lăm dêh char Juđa, na pơtao đe Babilôn jao kơ Gêđalia, kon drŏ-nglo Ahikam, Saphan, pơm tih pơgơ̆r lu sư.

II Ho 26:16

Wă sư pran kơtang boih jơhngơ̆m sư pơang truh tơ sư pơm yoch, pơm glăi hăm Kră Yang 'Bok Kei-Dei sư kơdih; sư mơ̆t lăm hnam Kră Yang, soh tơmam 'bâu phu 'bơ̆t chơnang 'bok soi juăt kơ soh tơmam 'bâu phu.

II Ho 26:19

Usia hil, ti sư oei chĕp get wă soh tơmam 'bâu phu; kơplah sư hil dêh kơ lu 'bok soi, đei hloi jĭ chin lĕch 'bơ̆t klĕng sư tơm măt lu 'bok soi, lăm hnam Kră Yang 'bơ̆t jê̆ chơnang soh tơmam 'bâu phu.

II Ho 34:20

Pơtao athei Hilkia, Ahikam kon drŏ-nglo Saphan, Apđôn kon drŏ-nglo Mika. Saphan bơngai chih hla bơar păng Asaia bơngai kơiĕng pơtao khan:

Le 24:1

Kră Yang khan kơ Môis thoi âu: Ih, Arôn, Nađap, Abihu păng tơpơh-jĭt 'nu lu kră wei-lăng bơngai Isơrael, iĕm athei tŏk tơ anih Kră Yang dơ̆ng tơ ataih na drap kơkuh.

Le 24:9

Klaih kơ noh Môis Arôn, Nađap, Abihu hơdai păng tơpơh-jĭt 'nu kră wei-lăng bơngai Isơrael đĭ-đăng lu sư tŏk tơ kông.

Êsai 44:13

Bơngai thơ̆ 'long iŏk tơlei sư dăng pơtŏ, iŏk chŭr sư rek rup hơbŏ traih hơmet hăm săng pơiel, pơtŏ hăm 'long thưk đei mum pơm rup hơbŏ, sư pơm rup bơngai rup hơbŏ thoi bơngai 'lơ̆ng. Na tah lê̆ tơ lăm hnam yang sư.

Je 19:1

Kră Yang khan: “Ih năm răt bĕ ge teh tơ anih đe man. Ih chông ba minh 'bar 'nu lu kră lăm kon pơlei păng kră đơ̆ng lăm khŭl 'bok soi năm hơdai ih.

Je 19:4

Yua kơ lu sư achăng lê̆ Inh boih, pơm ăn kơ anih 'nâu jing 'mê̆-'mach, hăm tơdrong lu sư soh nhang pơyơ̆r tơmam soi 'buh kơ lu yang nai, mă lu sư, đe yă 'bok lu sư, lu pơtao đe Juđa tam lah băt, pơm kơ anih 'nâu 'bĕnh kơ pham lu bơngai ưh kơ yoch.

Je 26:22

Pơtao Jêhôiakim wơh Êlnathan kon drŏ-nglo Akbôr hăm lu bơngai nai năm hơdai sư tơ dêh char Êyiptơ.

Je 26:24

Mă-lei Ahikam kon drŏ-nglo Saphan pơma dŏng Jêrêmi, na đe ưh kơ ăn kon pơlei pơlôch ôh.

Je 29:3

kơthơ noh Jêrêmi hơtă ăn kơ bre Êlasa kon drŏ-nglo Saphan păng Gêmaria kon drŏ-nglo Hilkia mă Sêđekia pơtao đe Juđa wơh bre sư năm tơ char Babilôn tơ'bơ̆p Nebukatnessar pơtao đe Babilôn. Kơthơ noh chih khan:

Je 36:10

Baruk đŏk dôm nơ̆r Jêrêmi lăm sơnôm hla bơar ăn kơ đĭ kon pơlei mơ̆ng, Banik lăm hnam Kră Yang, lăm anih Gêmaria kon drŏ-nglo Saphan bơngai chih hla bơar, 'bơ̆t cham kơpal, jê̆ 'Măng Jang 'Nao trong mơ̆t tơ hnam akŭm.

Je 44:21

“Tơdrong lu iĕm, 'bok yă iĕm, lu pơtao, lu 'bok yŏng pơgơ̆r iĕm păng kon pơlei lăm deh char, soh boih nhang 'bâu phu lăm rim pơlei char Juđa păng tơ rok trong pơlei Jêrusalem, Kră Yang ưh kơ 'blŏk ưh kơ tơchĕng hă?

Je 5:5

'Nâu Inh gô năm tơ lu yŏng pơgơ̆r, roi ăn kơ lu sư băt hơđăl. Tơpă lu sư băt trong gơlong Kră Yang, khôi juăt Kră Yang 'Bok Kei-Dei lu sư. Mă-lei lu sư 'nâu gơ̆ lê̆ 'long ăt păng wă hrĕch lê̆ tơlei boih!

Je 52:27

Pơtao Babilôn athei đe pơlôch lu sư tơ pơlei Riblah lăm tơring Hamat. Thoi noh boih đe rôp chông ba lu bơngai Juđa pơm bơnă lăm char đe nai.

Je 7:9

Hăm trŏ lu iĕm tơtông, pơlôch bơngai, pơm pơyô kư̆ kă, pơkă hơlĕnh, soh 'long 'bâu phu kơ yang Baal, kiơ̆ yang nai mă iĕm ưh kơ băt

Êsêkiên 20:1

Sơnăm tăl mă tơpơh, năr mơjĭt khei pơđăm, đei lu kră pơlei Isơrael năm krao apinh Kră Yang, dơ̆ng 'bơ̆t anăp inh.

Êsêkiên 8:10

Na inh mơ̆t lăng 'bôh tơ noh đei tôm kơ rup man kon sem krưp, kơep lep-ler, dôm rup yang man đơ̆ng adrĕch Isơrael đei chhơ̆ jum dăr kơ tơnăr dur.

Êsêkiên 9:6

Athei pơlôch đĭ lu kră, lu hơmuh hơmŏng, lu hơdruh, lu hơ'lơ̆p, lu drŏ-kăn, mă-lei 'nĕ kơ pơlôch lu bơngai bu mă đei chih 'bơ̆t klĕng sư. Năm iŏk đơ̆ng Anih 'lơ̆ng rơgoh Inh.” Thoi noh lu sư pơtơm pơlôch iŏk đơ̆ng lu kră đơ̆ng 'bơ̆t anăp hnam akŭm.

Da 9:8

Ơ Kră Yang 'Bok Kei-Dei, gah lu nhôn, gah lu pơtao, lu kuan tih, lu 'bok yă nhôn, đei tơdrong mơlâu, lu nhôn đei pơm yoch hăm Ih.

Jo 11:16

Kră Yang khan kơ Môis dơ̆ng thoi âu: Krao akŭm bĕ kơ inh tơpơh-jĭt 'nu lu kră pơgơ̆r bơngai Isơrael wă khan dôm lu kră wei-lăng kon pơlei mă ih băt; ba lu sư năm tơ Bơsŭn Anih Akŭm, dơ̆ng 'bơ̆t noh hơdai ih.

Jo 11:25

Kră Yang jur hăm hơmơ̆l, pơma hăm Môis. Sư iŏk Yang Bơhngol ăn oei hăm Môis păng ăn kơ tơpơh-jĭt 'nu lu kră wei-lăng. Lăp Yang Bơhngol jur oei hăm lu kră, lu sư pơtơm pơma khan lê̆ adrol, mă-lei lu sư ưh kơ pơma khan lê̆ adrol ling-lang hloi ôh.

Jo 16:17

rim 'nu athei chĕp gĕl tah pơgang 'bâu phu tơ lăm noh, đơ̆ng noh na rim 'nu athei pơyơ̆r gĕl păng pơgang 'bâu phu noh 'bơ̆t anăp Kră Yang, wă khan đei 'bar-hrĕng pơđăm-jĭt tŏ gĕl iĕ tah pơgang 'bâu phu. Ih păng Arôn, kư̆m athei đei gĕl iĕ tah pơgang 'bâu phu kơdih.

Jo 16:35

Đơ̆ng noh, đei ŭnh đơ̆ng Kră Yang dơhlông sa pơđĭ 'bar-hrĕng pơđăm-jĭt 'nu lu bơngai drŏ-nglo mă đei soh pơyơ̆r tơmam 'bâu phu.

Jo 7:50

minh hlak pơnhan maih trăp mơjĭt seikơl, 'bĕnh kơ pơgang 'bâu phu;

Luka 10:1

Đơ̆ng noh Kră Yang Yêsu rơih tơpơh-jĭt 'nu bơngai, na wơh lu sư chă năm bơtho rim pơlei 'bơ'bar 'nu hơdrol kơ Yêsu wă năm.