Êsêkiên 7:7 - Sơ̆p Hlabơar Nơ̆r 'Bok Kei-Dei

⁷ Ơ lu kon pơlei oei lăm dêh char âu, tơdrong răm tih truh kơ lu iĕm boih, truh jơ 'năr boih, wă jê̆ năr boih noh năr hli tơrơ, ưh kơ trŏ năr chơt hiôk tơ kơpal kông.

Êsêkiên 7:7 ပူးပေါင်းရင်းမြစ်များ

Bl 19:15

Truh kiơ̆ pơgê linh jang 'lơ̆ng gơnhĕk kơ Lot păng khan: “Iung wă, chông bre kon ih păng akăn ih lĕch bĕ, kơnh hli kơ 'bơm iĕm hai gah tơdrong wă phak pơlei âu.”

Bl 19:24

Na, Kră Yang ăn 'mi prĕl ŭnh păng ŭnh đơ̆ng plĕnh ti jruh tơ Sôđôm păng Gômôrơ,

Êsai 13:22

Kŏ-so gô kuăl lăm pơlei kơjăp, kŏ bri gô kơlu lăm anih pơtao 'lơ̆ng rŏ. Khei sơnăm sư truh jê̆ bơih, măng năr sư ưh pă đunh dơ̆ng bơih.

Êsai 16:10

Tơdrong chơt hơiă 'nă hal tơ lăm mir hlă hla chŭn bluh 'lơ̆ng noh pă đei bơih, tơ lăm pơgar hơmu ưh pă đei bu hơri dah jreo chơt hiôk boih lu bơngai pơjuă plei hơmu wă pơm sik kư̆m ưh pă đei dơ̆ng, Inh pơm kơ tơdrong jreo chơt hiôk noh pơdơh hreh.

Êsai 17:14

Kiơ̆ kơsơ̆ đei tơdrong hli tơrơ; adrol kơ pơgê hrôih truh ưh pă 'bôh lu sư dơ̆ng, 'nâu minh tơdrong tuh ăn kơ lu bơngai blah tơgar iŏk mŭk tơmam dêh char bơ̆n, noh jơ̆ tơdrong truh kơ lu bơngai tơtông tơgar tơmam đơ̆ng lu bơ̆n.

Êsai 22:5

Kră Yang Tih Hloh pơkă bơih, gô đei minh năr tơdrong rŭng răng, pơjuă pơđep iung blah lăm anih thŭng tơdrong tơ'bôh, lu dur pơlei pơchah hơlih, nơ̆r krao ôr dŏng jơwa truh tơ kông.

Je 20:7

Ơ Kră Yang, Ih pơhlŭ inh boih, inh chu iŏk boih dôm tơdrong Ih pơgŏ, Ih pơjuă pơđep inh păng jei Ih boih. Inh arih pơm kơ đe hiĕk ăr kơ inh prăt năr. Rim bơngai hiĕk pơjăm inh.

Je 50:27

'Bet pơlôch bĕ đĭ-đăng rơmo tơno sư; ba tơ anih đe pơm 'nhĕm! Răm-'băm tơpă kơ lu sư, truh boih năr mă phak lu sư.

Êsêkiên 12:28

Thoi noh, athei khan kơ lu sư; 'Nâu nơ̆r Kră Yang Tih Hloh khan: Nơ̆r Inh pơma ưh pă lê̆ đunh boih, mă-lei nơ̆r Inh pơma gô pơsĭt, Kră Yang Tih Hloh đei khan thoi noh.’ ”

Êsêkiên 30:3

Yua kơ năr noh wă jê̆ boih, năr Kră Yang wă jê̆ boih. Năr noh năr măng mu năr noh năr đĭ-đăng lu adrĕch adrung lăm teh.

Êsêkiên 7:12

Jơ trŏ boih, 'năr truh boih! Bơngai răt 'nĕ kơ chơt hiôk, bơngai tĕch kư̆m 'nĕ kơ ơh sơ'ngon, yua kơ tơdrong truh kơ đĭ-đăng.

Jôel 1:15

Răm-'băm tơpă yua kơ năr noh! Năr Kră Yang wă phak wă jê̆ boih! Năr noh truh hăm tơdrong pơrăm đơ̆ng Kră Yang Mơsêh Mơyang.

Am 4:13

Tơpă, sư boih pơjing lu kông păng pơjing kial. Păng roi ăn kơ kon bơngai băt tơdrong sư tơchĕng; sư pơm kơ hơdah jing măng mu păng yak năm lăm anih kơjung hloh kơpal teh. Anăn sư Kră Yang 'Bok Kei-Dei Tih hloh.

I Pet 4:17

Dang ei 'Bok Kei-Dei wă pơtơm ăn tơdrong gleh kơ kon bơngai. Sư ăn kơ lu kon Sư adrol 'mơ̆i, wă pơlong lăng tơdrong lui lu sư thoi yơ. Klaih kơ noh na Sư ăn tơdrong gleh truh kơ lu bơngai mă kuă kơ lui kơ tơdrong 'nao 'lơ̆ng Sư. Tơdrong gleh lu sư noh kơtang tơpă, kơtang hloh kơ tơdrong gleh lu bơ̆n đei dang ei.