Êsêkiên 7:24 - Sơ̆p Hlabơar Nơ̆r 'Bok Kei-Dei

²⁴ Inh gô anhăk ba lu bơngai đơ̆ng dêh tơmoi pơm kơnê̆ tih hloh năm blah iŏk hnam lu sư; Inh gô pơrăm lê̆ tơdrong pơang lu bơngai kră păng pơm kơ anih rơgoh lu sư jing 'mê̆-'mach.

Êsêkiên 7:24 ပူးပေါင်းရင်းမြစ်များ

Bl 47:26

Gah tơdrong noh, Jôsep pơkă minh tơdrong juăt, truh tơ dang ei oei đei, athei thuê̆ teh ăn kơ Pharaôn minh lăm pơđăm chăl mă bơ̆n đei. Lăp dôm lu chŭn mir lu 'bok soi đĕch huay kơ jô̆ tơmam Pharaôn.

Horiso 106:41

Na Sư pơjao lê̆ lu sư lăm ti lu bơngai dêh tơmoi, Ăn lu bơngai mă areh kơ lu sư pơgơ̆r lu sư.

Horiso 74:7

Lu sư soh lê̆ anih 'Lơ̆ng rơgoh Ih truh tơ teh, lu sư pơm pơ'mê̆ kơ anih Anăn Ih.

Horiso 83:12

Khan: “Bĕ bơ̆n blah iŏk teh tơmăn 'nhĕt Kră Yang 'Bok Kei-Dei jing tơmam bơ̆n.”

Êsai 5:14

Noh bơih na jing dêh hơtâu pơih 'măng sư rai să ha 'bơ̆r wă 'maih luăn sư ưh kơ pơdơh ôh, lu bơngai đe ư-ang păng kon pơlei pơla sư đĭ-đăng lu bơngai chơt hiôk oei lăm pơlei, tă kơ huŏng tơ lăm noh ngăl.

Je 12:12

Lu bơngai wă pơrăm truh boih, tơ jơ̆p-jang kơ groi grôn kơjung tơ lăm tơmăn glă; yua kơ đao gưm Kră Yang oei pơrăm teh đơ̆ng teh âu dĭng tơ to; Ưh kơ đei kon bơngai dah Sem brem kiơ mă oei hiôk hơđơ̆ng.

Je 17:4

Lu iĕm gô hiong mŭk tơmam mă đơ̆ng Inh ăn noh. Inh gô jao iĕm jang kơ lu bơngai ayăt kơ iĕm, tăm minh pôm teh đak mă lu iĕm tam lah băt; yua kơ lu iĕm pơgơ̆p ŭnh tơdrong Inh hil rai dêh, ŭnh gô sa khơ̆ng ling-lang ưh kơ păt.

Je 4:7

Dăm-brang lĕch boih đơ̆ng anih sư, lu bơngai chă pơrăm dêh char đe, pơtơm lĕch đơ̆ng anih lu sư boih wă pơrăm pơm ăn kơ teh âu jing bri brah, Lu pơlei tih iĕm jing juơ, pă đei bơngai oei.

Je 6:12

Hnam lu sư gô jao kơ đe nai; Hơdai hăm mir pơgar păng akăn lu sư hai. Kơplah Inh gô yơ̆r ti, phak lu kon pơlei lăm dêh 'nâu,” Kră Yang khan thoi noh.

Nhom 5:2

Tơdrong jang sư lu nhôn tă tơ ti lu kon pơlei tơmoi ngăl. Hnam oei lu nhôn đĭ tơ lu adrĕch adrung nai.

Êsêkiên 21:2

Ơ kon bơngai, tơwih bĕ muh măt tơ gah Jêrusalem; athei khan na blah anih 'lơ̆ng rơgoh, păng khan lê̆ adrol blah teh đak Isơrael.

Êsêkiên 21:31

Inh gô tuh tơdrong hil mĭl Inh tơ ih; Inh gô soh ŭnh tơdrong Inh blĕk tơ ih păng Inh gô pơjao ih ăn kơ lu bơngai kơnê̆, juăt kơ pơrăm đe.

Êsêkiên 24:21

Khan bĕ kơ adrĕch Isơrael: 'Nâu nơ̆r Kră Yang khan: Âu, Inh gô pơm 'mê̆-'mach kơ anih 'lơ̆ng rơgoh Inh, noh anih kơđông kơjăp lu iĕm gơnang, tơdrong chơt hiôk kơ măt lu iĕm. Jơhngơ̆m lu iĕm 'maih wă. Kon drŏ-nglo kon drŏ-kăn lu iĕm mă lê̆ bơih gô pơ̆k lôch kơ đao.

Êsêkiên 28:7

Inh gô ăn lu teh đak nai năm blah ih lu kon pơlei mă pran kơtang hloh lăm lu dêh char iung blah ih; lu sư gô iŏk đao blah tơdrong hơgei păng tơdrong 'lơ̆ng rŏ ih, păng pơm 'mê̆ kơ tơdrong ư-ang ih.

Êsêkiên 33:28

Inh gô pơm kơ char âu jing juơ tơtŭng pơchah pơchek, tơdrong pơang lu sư gô tôch; kông Isơrael jing juơ pă đei bu oei yak trong noh.

Jêphania 1:13

Mŭk tơmam lu sư đe gô tơtông iŏk, hnam lu sư jing juơ tơtŭng; lu sư pơm hnam ră mă-lei ưh kơ đei oei; pơtăm tơm hơmu ră mă-lei ưh kơ đei sa plei păng huch đak.