Êsêkiên 7:20 - Sơ̆p Hlabơar Nơ̆r 'Bok Kei-Dei

²⁰ Đơ̆ng lu tơmam drŏ-kăn pơguăng 'lơ̆ng rŏ mă lu sư pơang kơdih; lu sư yua tơmam noh pơm rup yang kơkuh kơnê̆ krưp. Lei na Inh gô pơm kơ tơmam noh jing tơmam 'mê̆-'mach kơ lu sư!

Êsêkiên 7:20 ပူးပေါင်းရင်းမြစ်များ

II Pot 21:4

Sư kư̆m pơm tơiung chơnang soi lăm hnam Kră Yang mă Kră Yang đei khan gah hnam akŭm kơkuh ei thoi âu: “Lăm Pơlei Jêrusalem noh, Inh 'măn anăn Inh.”

II Pot 21:7

Sư dan rup Asêra mă sư đei pơm lăm hnam akŭm mă Kră Yang đei khan bơih kơ Đawit păng Sôlômôn, kon drŏ-nglo sư, noh: “Lăm hnam akŭm 'nâu păng lăm Pơlei Jêrusalem; pơlei mă Inh hlôi rơih lăm lu khŭl Isơrael Inh gô ăn anăn Inh oei lăm noh, ling-lang khŏm khŏm.

II Ho 2:9

Wă kơ lu sư kăl 'long mă lơ; yua kơ Hnam akŭm inh wă pơm gô tih păng rŏ tơpă.

II Ho 36:14

Hloh kơ noh dơ̆ng, lu đei 'bok soi păng lu kon pơlei rai kiơ̆ lu tơdrong kơnê̆ 'mê̆ brư̆ thoi lu bơngai tơmoi lăm dêh char jum dăr lu sư, pơm pơ'mê̆ kơ hnam Kră Yang mă Sư đei rơih iŏk 'măn lê̆ rơgoh lăm pơlei Jêrusalem.

Esơra 3:12

Lơ 'bok soi, bơngai Lêwi, kơdră adrĕch adrung, wă khan lu đe kră mă 'bôh hnam akŭm adrol, lu sư nhơ̆m re kơplah đe man hơnă hnam akŭm 'nao 'bơ̆t anăp lu sư. Kŭm đei lơ bơngai nai đei nơ̆r ôr re hiôk chơt 'nă hal;

Horiso 48:2

Kông Siôn 'lơ̆ng rŏ chơngôl kơjung, thoi anih kơjung Saphon noh, kông Siôn pơlei kơ pơtao tih oei, jing tơdrong chơt hiôk kơ đĭ teh đak.

Horiso 50:2

Đơ̆ng Siôn 'lơ̆ng rŏ. Kră Yang 'Bok Kei-Dei pơchrang boih. Tơdrong 'lơ̆ng rŏ sư.

Êsai 30:22

Lu iĕm gô tŭk hŭt lê̆ rup iĕm traih lom hăm hu păng rup man bah hăm maih, na lu iĕm klơ̆m lê̆ sư tơ ataih thoi tơmam 'mê̆-'mach. Păng khan: “Lĕch bĕ đơ̆ng anih âu!”

Êsai 64:11

Hnam Akŭm 'lơ̆ng rơgoh lu nhôn ư-ang, anih mă 'bok lu nhôn hơri bơnê ư-ang kơ Ih, ŭnh sa đĭ bơih. Đĭ-đăng dôm tơmam kiơ mă lu nhôn gĭt răm đĭ bơih.

Je 7:14

Na tơdrong kiơ Inh đei pơm boih kơ pơlei Silô Inh gô pơm kơ hnam âu, hnam krao Anăn Inh, hnam mă lu iĕm gơnang Inh gô pơm lei-lăi kơ anih mă Inh đei ăn boih kơ lu iĕm păng lu 'Bok yă iĕm.

Je 7:30

Kră Yang khan: “Bơngai Juđa pơm boih tơdrong kơnê̆ 'bơ̆t anăp Inh, lu sư pơm boih rup yang mă Inh lăng krưp lăm hnam Anăn Inh, pơm kơ hnam noh 'mê̆-'mach.

Nhom 1:10

Lu bơngai ayăt yơ̆r ti boih wă iŏk dôm tơmam 'lơ̆ng sư; Yua kơ lu sư 'bôh boih lu kon pơlei tơmoi năm mơ̆t lăm anih rơgoh sư. Lu kon pơlei tơmoi noh Kră Yang đei khan: Ưh kơ gơh kơ mơ̆t ôh lăm khŭl sư;

Nhom 2:1

Yua kơ kiơ Ih hil thoi hơmơ̆l gom kon adruh Siôn? Sư klơ̆m hŭt lê̆ tơdrong ư-ang Isơrael đơ̆ng plĕnh tơ teh. Lăm năr Sư hil, Sư ưh pă đei 'blŏk boih 'long đêl Sư hơgơn jơ̆ng.

Nhom 2:7

Kră Yang hŭt lê̆ boih gơ'bang soi păng kư̆m achăng lê̆ anih rơgoh Sư. Sư jao boih hnam pơtao kơ lu ayăt, Lu sư ôr tơkĕch tơjrông tơjrang lăm hnam Kră Yang, Thoi năr đe et sa tih.

Êsêkiên 11:18

Lu sư gô brŏk truh tơ teh đak lu sư păng hŭt lê̆ dôm tơdrong mă Inh areh păng dôm tơdrong kơnê̆ 'mê̆-'mach krưp đơ̆ng anih noh.

Êsêkiên 16:16

Ih iŏk ao tai wă pơrŏ pơm anih kơjung kơdih wă kơkuh pơyom, pơm pơyô kư̆ kă tơ noh. Tơdrong noh ưh kơ đei layơ trŏ lăp, ưh kơ layơ wă đei.

Êsêkiên 16:19

Tơmam sa mă Inh ăn kơ ih noh, tơpŭng 'lơ̆ng, đak rơmă ôliwơ, đak sut, Inh wă 'me rong ih, na ih chĕp pơyơ̆r pơm tơmam soi soh 'bâu phu 'bơ̆t anăp lu rup noh; noh tơdrong lu iĕm pơm, Kră Yang Tih Hloh khan thoi noh.

Êsêkiên 23:38

Lu sư kư̆m oei đei pơm yoch tih hloh kơ noh hăm Inh lu sư pơm pơ'mê̆ kơ anih rơgoh Inh păng kư̆m pơm yoch lăm năr Sa'bat Inh.

Êsêkiên 24:21

Khan bĕ kơ adrĕch Isơrael: 'Nâu nơ̆r Kră Yang khan: Âu, Inh gô pơm 'mê̆-'mach kơ anih 'lơ̆ng rơgoh Inh, noh anih kơđông kơjăp lu iĕm gơnang, tơdrong chơt hiôk kơ măt lu iĕm. Jơhngơ̆m lu iĕm 'maih wă. Kon drŏ-nglo kon drŏ-kăn lu iĕm mă lê̆ bơih gô pơ̆k lôch kơ đao.

Êsêkiên 5:11

Lei na Kră Yang Tih Hloh khan: Tơpă thoi Inh oei arih, yua kơ ih pơm kơnê̆ 'mê̆-'mach lăm anih rơgoh Inh hăm pơm kơnê̆ krưp, mă Inh areh dêh. Thoi noh na Inh pơrăm ih, măt Inh ưh kơ wă lăng păng ưh pă mơnat.

Êsêkiên 7:22

Inh gô weh ataih muh măt Inh đơ̆ng lu sư, lu sư gô pơm kơnê̆ anih gĭt kăl Inh; lu bơngai tơtông gô mơ̆t tơ noh pơm kơnê̆ 'mê̆-'mach dêh.

Êsêkiên 9:7

Kră Yang khan kơ lu sư: “Pơm bĕ kơ hnam akŭm jing 'mê̆-'mach. Tuh tơ cham hnam akŭm 'bĕnh kơ bơngai lôch. Năm bĕ!” Na lu sư lĕch năm pơlôch đe lăm pơlei.

Hagai 2:3

‘Bơngai bu mă oei oei lăm lu iĕm mă đei 'bôh boih tơdrong ư-ang kơ hnam âu adrol sơ̆ păng dang ei iĕm 'bôh sư thoi yơ? Sư oei 'bơ̆t anăp hăm trŏ thoi răm đĭ?’

Lu 8:24

Giđêôn khan đơ̆ng kơ lu sư: “Inh wă apinh lu iĕm. Rim 'nu kơ lu iĕm athei ăn kơ inh dôm lu gŏp maih mă đêl lu iĕm blah iŏk.”a

Lu 8:27

Giđêôn iŏk maih noh pơm ao tai êphot tah 'măn lê̆ lăm pơlei sư tơ Ophra. Đĭ-đăng bơngai Isơrael kơkuh kơ tơmam sư pơm noh; tơmam noh jing hơđong hơ'năk kơ Giđêôn păng hnam dơnŏ sư.