Êsêkiên 7:15 - Sơ̆p Hlabơar Nơ̆r 'Bok Kei-Dei

¹⁵ Tơ 'nguaih đei đao hơlă, tơ lăm đei lôch hơbuh păng pơngot rơwĕt. Lu bơngai oei tơ 'nguaih chŭn gô lôch kơ đao hơlă, lu bơngai oei tơ lăm pơlei, gô lôch kơ pơngot rơwĕt păng lôch kơ jĭ hơbuh đĭ.

Êsêkiên 7:15 ပူးပေါင်းရင်းမြစ်များ

Je 14:18

Tơdah inh năm tơ mir chŭn, to akâu lu bơngai lôch kơ đao gưm, tơdah inh mơ̆t tơ pơlei tih, to 'bôh lu bơngai jĭ jăn yua kơ pơngot rơwĕt! Lu 'bok khan lê̆ adrol păng lu 'bok soi. Chă yak năm lăm dêh char mă lu sư ưh kơ lah băt.

Nhom 1:20

Ơ Kră Yang, lăng bĕ, yua kơ inh tơ'bơ̆p tơdrong gleh truh, Jơhngơ̆m inh chhŭr nuih, plei nuih inh pơpơ̆, Yua kơ inh pơm kơnê̆ dêh. Tơ 'nguaih đei đao gưm pơrăm đe, Tơ lăm hnam đei tơdrong lôch.

Nhom 4:9

Lu bơngai lôch kơ đao gưm pŭn hloh kơ lu bơngai lôch kơ pơngot; Yua kơ tơmam sa đơ̆ng mir chŭn ưh kơmah, Sư rai hơkĕ hơkong thoi đe 'bet.

Êsêkiên 12:16

Mă-lei oei đei bơngai mă Inh ăn klaih đơ̆ng đao, đơ̆ng pơngot, đơ̆ng lôch hơbuh, wă kơ lu sư roi tôm tơdrong krưp kơnê̆ 'mê̆-'mach lu sư kơdih tơ lăm pơlei mă lu sư wă oei; păng lu sư gô băt Inh boih Kră Yang.

Êsêkiên 5:12

Minh lăm pêng lăm lu khŭl ih gô lôch hơbuh păng gô lôch kơ pơngot rơwĕt minh lăm pêng gô pơ̆k lôch kơ đao hơlă tăp dăr kơ ih; mă minh lăm pêng dơ̆ng Inh gô pơm kơ lu sư tơklah tơklang tơ jơ̆p-jang kơ teh păng Inh gô toh đao druh 'moi lu sư.

Êsêkiên 6:11

Kră Yang Tih Hloh khan thoi âu: Athei tap ti kơtrơ̆m jơ̆ng păng krao ôr! Ơu kah! Gah dôm tơdrong kơnê̆ krưp adrĕch adrung Isơrael, lu sư gô lôch kơ đao hơlă pơngot rơwĕt păng jĭ lôch hơbuh.

Êsêkiên 6:12

Lu bơngai oei ataih gô lôch kơ jĭ hơbuh. Lu bơngai oei jê̆ gô pơ̆k răm kơ đao, lu bơngai oei arih, gô lôch kơ pơngot rơwĕt Thoi noh Inh gô ăn truh tơdrong Inh hil mĭl kơ lu sư.