Êsêkiên 6:8 - Sơ̆p Hlabơar Nơ̆r 'Bok Kei-Dei

⁸ Mă-lei, kơplah lu iĕm tơklah tơklang jơ̆p kơ teh đak, Inh oei đei ăn mơ'nah oei arih, klaih đơ̆ng đao hơlă lu teh đak blah iĕm.

Êsêkiên 6:8 ပူးပေါင်းရင်းမြစ်များ

Ne 1:8

Apinh Ih 'blŏk bĕ kơ nơ̆r Ih bơtho khan boih kơ 'bok Môis đĭch đam Ih thoi âu: Tơdah lu iĕm pơm yoch, Inh gô tơraih lu iĕm tơ tŏk-bŏk lu adrĕch adrung, kon bơngai.

Êsai 6:13

Mă khan minh lăm mơjĭt 'nu kon pơlei oei đei tơ noh, lu sư đe kư̆m gô pơrăm đĭ, thoi đe kăl 'long hơngo, 'long kôih, sư kư̆m oei đei tơm, na gô đei adrĕch rơgoh 'lơ̆ng tơpăt thoi tơm lăm teh đak noh.

Je 30:11

Kră Yang khan: “Inh oei păng iĕm, wă dŏng pơklaih iĕm. Inh gô pơlôch pơrăm đĭ lu dêh char, mă Inh đei puh iĕm tơklah tơklang lăm noh, mă-lei Inh huay kơ pơlôch iĕm. Inh gô phak bơtho lu iĕm kiơ̆ kơ tơdrong trŏ, Inh ưh kơ lê̆ ôh phak bơtho lu iĕm.”

Je 44:14

lăm lu bơngai Juđa oei arih mă năm oei tơ dêh char Êyiptơ ưh gơh klaih gơh hlot, wă brŏk wih dơ̆ng tơ char Juđa, anih mă lu sư hơpơi 'maih wih brŏk oei. Lu sư ưh kơ gơh wih brŏk, lăp lu kơdâu klĕnh đĕch klaih klăi.”

Je 44:28

Gô đei lăp tŏ sĕt bơngai đĕch gơh klaih kơ đao gưm, đơ̆ng dêh char Êyiptơ wih brŏk tơ teh đak Juđa. Kơplah noh đĭ-đăng lu bơngai Juđa mă oei oei mă jur năm oei tơ dêh char Êyiptơ, gô băt nơ̆r pơma bu sĭt, nơ̆r Inh dah nơ̆r lu sư.”

Je 46:28

Kră Yang khan: “Ơ Jakôp đĭch đam Inh, ih 'nĕ kơ hli, Inh oei hơdai ih, Inh gô pơrăm đĭ lu dêh char mă Inh đei puh iĕm tơ noh; bĕ gah lu iĕm Inh ưh kơ pơlôch đĭ, mă-lei gô phak bơtho iĕm trŏ tơpăt hơnơ̆ng, ưh kơ đei lê̆ ôh tơdrong phak bơtho iĕm.”

Êsêkiên 12:16

Mă-lei oei đei bơngai mă Inh ăn klaih đơ̆ng đao, đơ̆ng pơngot, đơ̆ng lôch hơbuh, wă kơ lu sư roi tôm tơdrong krưp kơnê̆ 'mê̆-'mach lu sư kơdih tơ lăm pơlei mă lu sư wă oei; păng lu sư gô băt Inh boih Kră Yang.

Êsêkiên 14:22

Mă-lei đei lu bơngai mơ'nah klaih oei arih, lu kon drŏ-nglo hăm kon drŏ-kăn lu sư mă Inh gô chông lĕch đơ̆ng noh. Lu sư gô năm tơ ih; ih gô 'bôh tôm tơdrong lu sư pơm păng tơdrong arih sa lu sư, na ih gô hiôk, đei tơdrong pơlung yua kơ tơdrong truh mă Inh ăn tơ Jêrusalem, tôm tơdrong Inh đei ăn kơ char noh.

Êsêkiên 5:10

Na lăm ih mĕ 'bă gô 'buh sa kon lu sư păng lu kon sư gô 'buh sa mĕ 'bă lu sư. Inh gô sek tơlang ih păng lu bơngai mă oei oei, Inh gô ăn kơ lu sư tơklah tơklang tơ jơ̆p-jang kơ teh.

Êsêkiên 5:12

Minh lăm pêng lăm lu khŭl ih gô lôch hơbuh păng gô lôch kơ pơngot rơwĕt minh lăm pêng gô pơ̆k lôch kơ đao hơlă tăp dăr kơ ih; mă minh lăm pêng dơ̆ng Inh gô pơm kơ lu sư tơklah tơklang tơ jơ̆p-jang kơ teh păng Inh gô toh đao druh 'moi lu sư.

Êsêkiên 5:2

Lăm năr mă wang pơlei đĭ boih, ih soh minh lăm pêng sŏk noh lăm pơlei tih noh. Ih iŏk minh lăm pêng chơ̆ng hăm đao tơ tăp dăr kơ pơlei păng minh lăm pêng oei oei noh ih săi tơ kial yua kơ Inh gô iŏk đao gưm druh lu sư đơ̆ng rŏng.

Êsêkiên 6:7

Lu bơngai mă đe pơlôch lăm lu iĕm gô pơ̆k lôch păng lu iĕm gô băt Inh boih Kră Yang!

Êsêkiên 7:16

Dôm lu bơngai ayơ klaih oei arih gô oei tơ kơpal kông nhơ̆m hmoi thoi sem kơtơp lăm pŭng-lŭng, đĭ-đăng lu sư nhơ̆m hmoi yua kơ tơdrong yoch kơdih.

Jêphania 3:12

Inh gô 'măn lê̆ tơ tŏk-bŏk ih oei đei minh adrĕch kon bơngai pơmat-tat, dơnuh hin, lu sư gô băt gơnang kơ Kră Yang.

Rom 9:27

Gah tơdrong lu bơngai Isơrael, Êsai sư khan thoi âu: “Mă lu bơngai Isơrael lơlap lơlang dang pơlao chuơh dơsĭ, hui bơngai klaih đơ̆ng tơdrong yoch,