Êsêkiên 5:6 - Sơ̆p Hlabơar Nơ̆r 'Bok Kei-Dei

⁶ Isơrael ưh kơ chu blah plơ̆ khôi juăt păng nơ̆r Inh tơtă pơm kơnê̆ hloh kơ lu bơngai nai păng lu dêh char jum dăr kơ sư. Sư sơngah kơ khôi juăt Inh păng ưh kơ pơm kiơ̆ nơ̆r Inh tơtă.”

Êsêkiên 5:6 ပူးပေါင်းရင်းမြစ်များ

II Pot 21:11

“Manase, pơtao đe Juđa hlôi pơm tơdrong yoch kơnê̆ krưp 'nâu păng pơm tơdrong kơnê̆ hloh kơ đĭ-đăng lu bơngai Amôrit hlôi pơm adrol kơ sư păng sư pơm kơ lu bơngai Isơrael pơm yoch kơkuh kơ lu rup yang đêl sư pơm.

II Pot 21:9

Mă-lei lu sư ưh kơ mơ̆ng ôh, lu sư chu Manase pơhlŭ pơlung lu sư pơm tơdrong kơnê̆ lơ hloh kơ lu adrĕch adrung mă Kră Yang hlôi pơrăm pơtôch bơih 'bơ̆t anăp bơngai Isơrael.

Ne 9:34

Lu pơtao nhôn lu kră pơgơ̆r, lu 'bok soi păng lu 'bok nhôn, ưh kơ bơwei khôi juăt Ih, kư̆m ưh kơ wă mơ̆ng nơ̆r Ih tơtă păng tơbăt, Ih phak bơtho lu nhôn.

Ne 9:35

Tơ lăm dêh sư oei pŭn hiôk rơkah rơkai đơ̆ng Ih ăn, teh rơhơi să păng jing 'lơ̆ng Ih asong ăn, mă-lei lu sư ưh kơ wă kơkuh kơ Ih, ưh kơ weh ôh đơ̆ng tơdrong jang kơnê̆ lu sư.

Horiso 106:20

Lu sư tơplih Kră Yang Ư-Ang lu sư jing thoi rup rơmo sa 'nhĕt.

Horiso 78:10

Lu sư ưh kơ wei răk nơ̆r pơgơ̆p hăm Kră Yang 'Bok Kei-Dei, Hơngah ưh kơ chu arih kiơ̆ khôi juăt Sư.

Le 16:28

Kră Yang khan kơ Môis: Lu iĕm ưh kơ chu yom wei răk nơ̆r tơtă păng khôi juăt Inh dĭng truh dang yơ dơ̆ng?

Je 11:10

Lu sư wơ̆t kiơ̆ pơm tơdrong kơnê̆ thoi lu 'bok yă lu sư sơ̆, lu bơngai mă sơngah kuă kơ kiơ̆ nơ̆r Inh tơtă. Lu sư kiơ̆ păng kơkuh kơ yang nai. Adrĕch Isơrael păng adrĕch Juđa pơm glăi boih kơ nơ̆r Inh pơgơ̆p hăm 'bok yă lu sư sơ̆.

Je 5:3

Ơ Kră Yang! Hăm trŏ kơ măt Ih chă lăng jơhngơ̆m tơpăt sĭt? Ih teh boih lu sư, lu sư ưh kơ băt jĭ, ih pơrăm lu sư boih, mă-lei lu sư oei kơchu kơ tơdrong Ih teh bơtho noh. Lu sư pơrơ̆ng pơm kơ muh măt lu sư arăng hơrăk thoi tơmo. Lu sư ưh kơ wă tơbral tơdrong yoch.

Je 8:5

Lei liơ kon pơlei âu jrok hloi? Liơ kon pơlei Jêrusalem wơ̆l jrok ling-lang? Lu sư rôp kơjăp tơdrong hơlĕnh, sơngah kuă kơ wih brŏk.

Je 9:6

Ih oei lăm tơdrong hơlĕnh pơdăr. Đơ̆ng tơdrong hơlĕnh pơdăr noh na lu sư sơngah kuă kơ băt kơ Inh,” Kră Yang khan.

Êsêkiên 11:12

Na lu iĕm gô băt Inh boih Kră Yang, yua kơ lu iĕm ưh kơ kiơ̆ khôi juăt Inh, ưh kơ wei răk tơdrong Inh tơtă, mă-lei pơm kiơ̆ tơdrong juăt teh đak jum dăr kơ iĕm.”

Êsêkiên 16:51

Samari pơm yoch tam đei minh puăt tơdrong, yoch mă ih đei pơm; ih pơm boih tơdrong kơnê̆ krưp hloh kơ lu sư. Thoi noh ih pơm kơ mŏ oh ih bơngai nhen thoi tơpăt 'biơ̆ kơ ih, yua kơ đơ̆ng đĭ-đăng tơdrong kơnê̆ ih pơm boih.

Da 9:15

Dang ei, ơ Kră Yang jơ̆ Kră Yang 'Bok Kei-Dei lu nhôn, Ih boih yua tơpang ti pran kơtang Ih chông anhăk lu nhôn lĕch hlôi đơ̆ng dêh Êyiptơ, anăn Ih đei ư-ang thoi âu năr âu. Gah lu nhôn pơm yoch pơm tơdrong kơnê̆ boih.

Da 9:5

Lu nhôn pơm yoch boih, pơm tơdrong ưh kơ trŏ, oei arih sa kơnê̆, lu nhôn ưh kơ chu păng achăng lê̆ tơdrong juăt păng nơ̆r Ih tơtă.

Da 9:8

Ơ Kră Yang 'Bok Kei-Dei, gah lu nhôn, gah lu pơtao, lu kuan tih, lu 'bok yă nhôn, đei tơdrong mơlâu, lu nhôn đei pơm yoch hăm Ih.

Sa 7:11

Mă-lei lu sư ưh kơ wă mơ̆ng, tơwih rŏng păng chĭt lê̆ đon kuă kơ mơ̆ng.

I Kor 5:1

Nhôn kơtơ̆ng ang minh 'nu bơngai lăm lu iĕm pơm kư̆ kă dêh pơm hloh kơ đe, mă lu bơngai ưh kơ lui kư̆m ưh kơ lah mah pơm thoi noh mơ̆n; na bơngai noh đe khan sư oei kơ duch sư đêl akăn 'bă sư.

Ju 1:4

Lu bơngai mă wă pơhlŭ pơlung iĕm noh, lu sư pơm thoi bơngai lui. Lu sư mơ̆t akŭm hơdai iĕm, pơm chur oei tơ tŏk-bŏk lu iĕm. Lu bơngai thoi noh 'Bok Kei-Dei khan wă phak đơ̆ng sơ̆ 'mơ̆i. Lu sư bơngai kơnê̆ tơpă, lu sư khan kơlih kơ 'Bok Kei-Dei mơnat kơ tơdrong yoch bơ̆n, na bơ̆n pơm yoch kiơ kư̆m bưh, pơm tơdrong kơnê̆ kư̆ kă kư̆m bưh. Yŏng Tơ'ngla bơ̆n Yêsu Krist, mă lu sư kư̆m ưh kơ lui yom mơ̆n.