Êsêkiên 5:5 - Sơ̆p Hlabơar Nơ̆r 'Bok Kei-Dei

⁵ 'Nâu nơ̆r Kră Yang Tih Hloh khan: Âu pơlei Jêrusalem, Inh dan sư tŏk-bŏk lu dêh char păng lu teh đak jum dăr kơ sư.

Êsêkiên 5:5 ပူးပေါင်းရင်းမြစ်များ

Horiso 87:3

Ơ pơlei Kră Yang 'Bok Kei-Dei, đe roi boih tơdrong ư-ang kơ ih. Sêla

Je 6:6

Kră Yang Tih Hloh đei khan: Kăl bĕ 'long, tuh teh bơ̆ dur na blah pơlei Jêrusalem! 'Nâu boih pơlei tih trŏ kơ phak bơtho sư; lăm pơlei tă kơ đei bơngai pơjuă pơđep ngăl,

Nhom 1:1

Ơu, pơlei tih âu sơ̆ đei lơ kon pơlei dêh, to dang ei ngôi hơdrô̆! Sơ̆ pơm tih kơ lu kon pơlei, 'nâu dang ei thoi yă adro! Sơ̆ lu drŏ-kăn jing yŏng tơ'ngla kơ lu tơring, dang ei jing đĭch đam!

Êsêkiên 16:14

Đơ̆ng tơdrong 'lơ̆ng hơbŏ ih jing ư-ang jơ̆p kơ lu dêh char, yua kơ tơdrong 'lơ̆ng rŏ hơbŏ liĕm, mă Inh 'măn kơ ih, Kră Yang Tih Hloh khan thoi noh.

Êsêkiên 4:1

“Na ơ kon bơngai, iŏk minh hlak gŏch, dan gŏch noh 'bơ̆t anăp ih păng chhơ̆ rup pơlei Jêrusalem kơpal gŏch noh.

Êsêkiên 5:4

Đơ̆ng sŏk chô̆ 'bơ̆t ao ih noh, ih iŏk lu sŏk mơ'nah đơ̆ng lăm sŏk noh na soh lăm ŭnh. Na ŭnh gô sa pla khơ̆ng truh tơ đĭ dêh char Isơrael.

Mi 5:7

Lu bơngai khŭl Jakôp gô oei tŏk-bŏk lơ teh đak thoi dăm-brang oei tŏk-bŏk lu sem bri păng thoi lu dăm-brang kon oei tŏk-bŏk lu triu, dah lu sư yak năm găn pơjuă pơđep păng kăp hek, ưh kơ đei bu gơh dŏng pơklaih.

Mathiơ 5:14

“Lu iĕm thoi lĕ kơ hơdah jơ̆p kơ kon bơngai lăm teh đak, thoi minh pôm pơlei oei kơpal kông ưh kơ đei layơ hlơp.

I Kor 10:4

păng đak nhă lu sư đơ̆ng 'Bok Kei-Dei ăn mơ̆n. Đak lĕch đơ̆ng tơmo. Tơmo 'noh kiơ̆ bơwei lu sư khŏm khŏm. Tơmo 'noh wă khan 'Bok Krist.

Both 4:6

Lu iĕm athei wei răk pơm kiơ̆ bĕ dôm lu nơ̆r tơtă păng khôi juăt âu; yua kơ noh jơ̆ tơdrong hơgei păng tơdrong hlôh wao lu iĕm 'bơ̆t anăp lu adrĕch adrung đe nai. Lu sư kơtơ̆ng gah khôi juăt âu, na lu sư khan: Lu kon pơlei âu jơ̆ minh adrĕch hơgei păng hlôh wao!

Both 8:20

Kră Yang pơlôch pơrăm đĭ lu adrĕch nai 'bơ̆t anăp lu iĕm thoi yơ. Sư kư̆m pơlôch pơrăm lu iĕm thoi noh mơ̆n yua kơ lu iĕm ưh kơ wă mơ̆ng kiơ̆ nơ̆r Kră Yang 'Bok Kei-Dei lu iĕm ôh.