Êsêkiên 5:16 - Sơ̆p Hlabơar Nơ̆r 'Bok Kei-Dei

¹⁶ Layơ Inh prah 'brơ̆m tơdrong pơngot rơwĕt păng tơdrong lôch rŭng, wă prah pơrăm lu bơngai mă trŏ kơ pơlôch; Inh prah wă pơrăm ih, Inh gô pơthim tơdrong pơngot rơwĕt kơ ih păng gô pơrăm lê̆ trong tơmam sa ih.

Êsêkiên 5:16 ပူးပေါင်းရင်းမြစ်များ

II Pot 6:25

Lăm Pơlei Samari hơtai đei pơngot tih, kơplah đe wang pơlei noh đunh, dĭng mah minh pôm kơ̆l aseh iĕ đe tĕch truh tơhngam-jĭt hlak jên hu, ĭch kơtơp dang minh puăt getchai lit, kư̆m tĕch pơđăm hlak jên hu.

Horiso 7:13

Sư hơmet lê̆ khêl đao wă pơlôch, Sư hơmet 'brơ̆m ŭnh.

Êsai 3:1

Âu, Kră Yang Kră Yang Tih Hloh, gô iŏk lê̆ tơdrong dŏng păng tơgŭm dôm tơmam kăl yua đơ̆ng pơlei Jêrusalem păng char Juđa, thoi kơ tơmam sa mă lu sư gơnang păng đak mă lu sư hơmĕng.

Je 52:6

Truh năr tơsĭn khei puăn lăm sơnăm noh, đei tơdrong pơngot rơwĕt tih lăm pơlei truh tơ kon pơlei oei lăm noh tơmam sa pă đei.

Nhom 3:12

Sư gŭt hră sư dan inh wă pơm tơmam sư prah pơđam.

Êsêkiên 14:13

“Ơ kon bơngai dah char ayơ pơm yoch hăm Inh, ưh kơ tơnăp tơnen hăm Inh, Inh yơ̆r ti phak lu sư pơrăm lê̆ hnam mong tơmam lu sư, ăn tơdrong pơngot rơwĕt truh păng pơlôch đĭ bơngai hăm sem dơrong lu sư.

Êsêkiên 4:16

Sư khan kơ inh dơ̆ng: “Ơ kon bơngai, Inh gô pơhrŏ tơjur lê̆ 'bĕng sa lăm Jêrusalem, lu sư gô sa 'bĕng kiơ̆ kơ kŏng hơgăt lê̆ păng gô sa hăm tơdrong hli, lu sư gô nhă đak kư̆m hơgăt lê̆ păng nhă hăm tơdrong hli krê.

Êsêkiên 5:15

Ih gô jing tơmam đe pơjăm, đe che bơle hiĕk ăr, pơm kơ lu dêh char jum dăr kơ ih hli tơrơ, mưh Inh đei hil mĭl. Păng phak bơtho trăp tơpă. Inh boih Kră Yang mă đei khan thoi noh!

Êsêkiên 5:17

Inh gô ăn tơdrong pơngot rơwĕt păng ăn sem bri wă pơrăm lu kon hơ'lơ̆p ih jing pă đei tơdrong lôch hơbuh păng tơdrong tơblah truh tơ pham gô ro truh tơ ih, Inh gô iŏk đao gưm pơrăm ih. Inh boih Kră Yang mă đei khan thoi noh!”

Lêwi 26:26

Tơdah inh ăn tơdrong pơngot rơwĕt truh, mơjĭt 'nu adruh gô 'buh 'bĕng lu iĕm lăm minh tơnuh ŭnh păng kŏng 'bĕng noh na wih ăn kơ lu iĕm, lu iĕm sa ră mă-lei ưh kơ phĭ.